"نَبعَة المغُوار"
لـ مـيرنـا احمـد
لا تنسون التصويت ومتابعة الحساب عُمري..
__________________________
فرفحت واني اسئل على ابوي محد تجاوبني وساكتات،
فجأة وحسيت على ضربة قوية براسي من الألم نزلت دموعي
التفت وشفت فريال واكفة وبيدها عودة الماسحة
ومتخوصرتلي :-
_لججججج شعندج صوتج يلعلع على بناتي مطلعات ابوج من البيت قابل هنة،
وبعدين هاي الضربة بل عودة هيجج، مرة ثانية اخلي دمج بطولج واشوف منو الي راح يطلع وراج؟؟؟
حجيت وياها بعصبية:-
حرام عليج يا بشرررر حراممم
شنو تمدين ايدج علية ترة هم عندي ادين واعرف اتعارك وارد
بس غير الاحترام واجب وأخلاقي متسمحلي واني سئلت عن ابوي ما سويت شي خطأ..
وبعدين إلى متى تعاقبيني فريال إلى متى؟؟
هيجج اريد احجي وياجج اصحييي على نفسج اني مالي علاقة بأن بابا ما حبج وبقى يحب ماماااا اني معلية!!
اني وعيت على الدنيا وانتِ امي انتِ الي ربتيني بضيمج
مو فضةةةة امييي
ومو تربيت على ايدج يهون عليج هيج تسوين بيةةةةة؟؟
فهميني؟؟؟
لهسةةة ما ناسية طفولتي الي حرمتيني منها ابددد جنت متعلمة على حياة واجيت يمج عشت حياة ثانية خالصصص !!
ما برد كلبج منييي لحد هسة حاقدة عليةة بدون سبب ؟؟؟
انتِ تطلعين امراضججج النفسية بيةةةة ؟؟؟
والله شنو اكول ما اعرف..
كلت بحركة كلب:-
"حسبي الله ونعم الوكيل بيجج"
كملت كلامي واني مفرفحة بچي
ولجُين واستبرق ما يتدخلون لان امهم تموتهم ..
فريال جانت بس تسمع كلامي من ردت اطلع كسرت الصمت الي صار وكالت بصياح:-
_اكرهججججج وراح ابقى اكرهج لآخر نفس بحياتي
وما اتمنالج الخير وان شاء الله تتعذبين كل حياتج وما تشوفين الراحة ابددد ..
وبعدين تعايييي منيلج هل كلاممم شنو مريضة نفسية؟؟؟
الظاهر تماديتي هواي ويحتاجلچ حبس بل قبو من جديد حتى تتأدبين ...
ردت ارد عليها وسمعت صوت بابا يضرب بعكازتة و واكف بـِ باب المطبخ يتسمع الكلام ..
كريم :- عفية، عفية فريال بارك الله بيج هاي عود وعدتيني ما تمدين ايدج على بنتي !!!
وهسة شنووو الي صار اشوفج تتمادين وي سارة؟؟
بدون ما تاذيج ابد !!
وهذا كله عوفي بصفحة وكليلي يا قبو هذا وتحبسين منو بي؟؟؟؟
فريال شهكت وكالت :-
يا قبو على بختك كريم ؟
هو اني عاقبتها وعاقبت بناتي لان صوتهم طالع وتعرف انت بنات وعيب صوتهن يطلع بل شارع
عيني العالم شتكول علينا..
_ مو غشيم ترة اني حتى تضحكين علية بهل كلام بس مالي كلام وياج افهم من سارة واتصرف..
:- اي كريم دوم عمرك مالك كلام وياي بس اني مشلوعة الكلب الي كلبها مفرفح وياك ..
