"نَبعَة المغُوار"
لـ مـيرنـا احمـد
لا تنسون التصويت ومتابعة الحساب عُمري
__________________________
حسناً!
دعنا ان لا نكون عاشقين
فقط، دعنا للتسكع بين شوارع مدينتنا الجميلة
بجمال دجلة والفرات
دعني ان اضع عيناي بعينيك
دون أن اعشقك او تعشقني
فأنني أخشى العشق كثيراً
لان النهاية حتماً هي الفراق
اخشىٰ النهايات الغير سعيدة
أخشىٰ ان يقتلنا هذا العشق
في النهاية
حتماً سَيقتلنا .
مرت علينا الايام بسُرعة كُلش چبيرة خلصت العطلة الصيفية وكان حصادها علم ومعرفة
حصلت عليها من مكتبة والدي
بين الكتب الدينية والعلمية والثقافية كدرت انُ اطور نفسي وتفكيري بشكل مو طبيعي..
واليوم يوم الأحد 10/1/**20
:- واكفة كدام مرايتي اضفر بشعري الأشقر وداجهز
روحي لاول يوم دوام بل عام الدراسي الجديد..
وبنفس الوقت كلش متحمسة حتى اشوف صديقتي الوحيدة
"سالي"
سمعت صوت بابا يصيح عليةة..
_ سويرةة لجج بابا رجلي ما تعيني اصعدلج تعاي صاحبتج خبصت الدنيا تكول راح تتأخرون..
:- ايييي بابا اجيت اجيت شصار عليها متخلي الواحد يلف حتى شالة
الله اكبر، غباشة خوما غباشة...
_ ديلة يلا انزلي وتعاركي وياها لا تخبصنا مو بنات كارثة ومحمد..
:- نزلت عيني نزلت..
اول ما نزلت صارت بوجهي لجُين وامها :-
:-صباح الخير ..
- هلا،صباح النورر
:- يا هنيالي ترد من ورا خشمها دخيلك ربي من صباحية الله
كملت طريقي ونزلت لبابا ...
-صباحو يا احلى اب بل دنيا..
:- صباح العافية بنتي تعالي تريكي يلا ودخلي صديقتج تستحي تدخل جوة وانتِ ماكو..
_ يا هنيالي عود تستحي ست سالي..
انتبهت بابا محضرلي الريوك اني وسالي ومسوي البيض بأشكال تجنن
مخلي الهن عيون بل زيتون وشفايف بل خيار...
_ هههههه بابا هاي شنو مسوي؟
:- وجه مبتسم اول يوم دوام حتى يصير يومكم حلو مثلكم..
_ فدوة اروح لاديك بابا ليش تعبت نفسك جان اني سويت..
المهم مبين الاكل عالم ثاني من الشكل خل اطبب هاي الفاهية مالتي ونجي نتريك لا تدخل لغرفتك ابقى هنا حتى اذلها شوي واكولها بابا سوة النا الاكل..
:- هههه الف عافية بناتي انتو
يلا دخليها وتعالي..
_ تمام
طلعت فتحت الباب وچان اشوف سالي مخلية اديها على خصرها ومتخوصرة ومحد اكو بل شارع فارغ وماخذها الواهس بل سوالف وي هذا المستأجر الي ما اعرف اسمة لهسة !! ..
نصدمت وبقيت متبسمرة بمكاني
منين تعرفة هذا الجلمود وداتحجي ويا ؟؟
بقيت منتظرتها تجي ما اجت مندمجة بل كلام..
رحت الها وكلت..
:- صباح الخير سالي؟؟
فزت ودارتلي وجها وجان تعيط..
