♡♡بعد كم يوم
زهره: شنو ولكم ناوين تضلون عندي
باتر: ها زهره ها مليتي منه
باهر: مع الاسف عليج زهره
زهره: انجبو بس گلت شعجب مو من عوايدكم
جاسر: ماكو شي يمه بس هلفتره ماعدنه شغل گلنه خل نجي يم زهره نگعد
زهره: ولكم خاف تردون بنات حجي محمد وضالين علمودهن
باتر: اهوو بدت شكوك زهره بعد شيخلصنه
زهره: ولك الباتر هسه بلشحاطه
باتر: كلشي ولا شحاطتج يابا ذيج المره حمستني بيها غير ضهري اسبوع الطبع ماراح مو شحاطه ليگلك بوري
جاسر: تستاهل وبعدين زهره تره ماميتين عليهن ذن بنات محمد مدري منو اصلا احنه البنات يموتن علينه ويلحگن ورانه تلگيهن هنه هسه كاتلات روحهن علينه
زهره: خفه لهلوجه من جمالك يموتن عليك وبعدين بنات حجي محمد متربيات عله ايدي وايد ابوهن مايهتمن لهسوالف وهنه ماشاء الله جميلات بس ياويلك تتقرب منهن يلعبن بيك لعب خصوصا رياحين
باهر: العبب ولك الجاسر مرتك طلعت نجره
زهره: مو اگلكم حاطين عينكم عليهن
جاسر: لا يمه يجذب هاذ بحالها هسه انه بس الاخوان يردون يطابقون اسمائهم وياهن حسب اعمارهن ورياحين الوسطانيه وانه الوسطاني فذول الجلاب سووها مرتي
زهره: اي خوش لعد
♡
رياحين: انه رايحه لزهره اودي هاذ الاكل مو تاكلون عني
علي: روحي باباتي ماناكل عنج
مياسين: لحضه هاج هاذ الكعك سوته اغادير
رياحين: والاكل سوته مياسين يعني انه مندوب توصيل
الكل: هههههههههههه
رياحين: يله رايحه
عدلت حجابي اخذت الاكل وطلعت تمشيت لبيت زهره وصلت الهم شفت سياره قريبه علبيت
سوده وضخمه اول مره اشوف هيج سياره
يا شعلي انه يمكن سيارة هذول الولد
دگيت الباب برجلي
باتر: ها مرت الجاسر هنا
رياحين: عفواا
باتر: اسف اسف ماجان قصدي دخلي
رياحين: زهره بلبيت
باتر: اي موجوده هاهيه بلحديقه
رياحين: امم
عفته ودخلت رحت للحديقه وهوه وراي طبيت شفت
هذول الولد نفسهم باهر وجاسر وباتر الي فتحلي الباب ماهتمين ورحت لزهره سلمت عليها وگلت
_هاي الاكل مياسين سوته وگالت راح يعجب زهره كلش والكعك اغادير سوته كلش طيب ضوگي
زهره: عاشت ايديجن حبيباتي
رياحين: شعدنه غيرج زهرتنه يله انه رايحه لأن راح ياكلون الاكل عني
زهره: ضلي اكلي وياي
رياحين: لا بلعافيه اكل ويه اهلي
زهره: خوش سلميلي عله ابوج وخواتج
رياحين: الله يسلمج
درت وجهي اريد اروح شفت هاذ الي فتحلي الباب يباوعلي ويضحك عليه عگدت حاجبي وخزرته
_خيرر شايف شي يضحك بوجهيي مثلا
باتر: لا ابد
رياحين: لعد ليش تضحك شكو گايله نكته
باتر: تردين الصراحه ضحكت عليج خواتج مسوياتج مندوبة توصيل شنو انتِ ماتعرفين اطبخين
رياحين: لا ليش اعرف اطبخ واعرف اكتل واعرف هسه احطك وادوس ابطنك واعرف احش حته احش راسك عن جسمك
جاسر: صافن بيها شلون لسان عدها ليگول رشاش زهره تضحك عله باتر وباتر انلصم ماحجه شي عافتنه وراحت
باتر: زهره هاي انتِ الربيتيها
وهيه تفتح بلأكل جاوبت
زهره: اي هاي بلذات انه الربيتها
باتر: اي مو اگول طرگاعه هاي مو لسان رشاش الله يعنيك جاسر
جاسر: خرب حضك باتر ولك اشايفني خاطبها مزوجها شنو الله يعينك گايلك احبها شبيك انتَ والله هسه ارگعك بشحاطة زهره
باتر: اوو شبيكم اليوم ويه شحاطة زهره ياهو الي يريد يصمخني هاي تريد تحش راسي وهاذ يريد بشحاطة زهره بعد اكو واحد منا منا
باهر: انه اخوك الجبير وحزام ضهرك احميك منهم
باتر: حزام قيطان ماشدك
باهر: اياا نغل
جاسر: گامو يتعاركون طفر باتر وطفر وراه باهر يركض ورا يريد يكتله حاجتني زهره من ضلينه وحدنه
زهره: شوف ولك الجاسر انه مامرتاحه لهاي الضله اول مره اطولون هيج عندي لا وثلاثتكم هم سوه شكو احجيلي
جاسر: وداعتج ماكو شي جان اكو خلل بشغلنه خلصناه وماضل عدنه شغل البضاعه كلها سلمناها واجينالج
زهره: بضاعة شنو
جاسر: زهره شبيك غير بضاعة عطور ومسكات ومدري شنو
زهره: ولك ماتيبلي (تجيبلي) عطر مسچ من هلبضاعه
جاسر: ادللي اجيبلج عطور ومسچات
زهره: خوش عود
♡♡♡♡يتبعع.........
أنت تقرأ
الغربان
General Fictionقصة حب غريبه تجمع بين الخطر والمخاطره والحب المستحيل الاختفاء والحرب بريئات وضعيفات يقعن بين ايدي ذئاب بأسم الغربان قرأه ممتعه ✨ الكاتبه رحيق 📜🖋
