♡♡♡
رياحين:
عشنه حياة نوعا ما طبيعيه
ولد زهره بعدهم موجودين بيتها مرات يختفون يومين اكثر ويرجعون
♡♡
اغادير:
وجود باتر بحياتي مريب ومخيف ماعرف شنو الي يريده مني انه حته ماحجيت ويا ليش لزگ بيه هيج كرهته حيلل
مانسه صوته من يگلي
طيره
طيرتي
شنو غايته من الموضوع شبي هاذ مريض
اكيد يريد يلعب عليه عباله انه هينه
هين يلباتر اذا ماراويك النبي عربي مايطلع اسمي اغادير
صفگت اديه وگمت بتحدي واصرار اني اندمه
♡♡
مياسين:
باهر ماراح من بالي طول الوقت افكر بي احيانا اشوفه بره يدخن شنو سر اجذابي اله
ولا من موقف واحدد بسس
باهر بعد ماعرف العطر انكسر جاب نفس العطر بلضبط وانطاني يا
نرجع شوي بلزمن
مياسين: گاعده اسگي الزرع وصافنه حسيت احد صار قرب عليه التفت عليه جان باهر بأيده علاگه سوده تقدم بتجاهي حمحم وگال
باهر: سلام شونج
مياسين: الحمدلله وانتَ
باهر: الحمدلله
مياسين: تفضل محتاج شي
باهر: سلامتج بس اجيت انطيج هديه
مياسين: هديه؟ شنو المناسبه
باهر: تذكرين العطر الي نكسر جبتلج واحد بداله
مياسين: لا ليش كلفت عله نفسك عادي قابل انتَ الكسرته
باهر: لا بس شفتج فرحانه بي هواي وذاك القندره كسره گلت اجيبلج
مياسين: لا شكرا ماگدر اكلف عله احد والعطر مبين غالي
باهر: لتخافين ماصرفت عليه ولا دنيار
مياسين: شلون؟
باهر: انه عندي محل عطور والعطر الي انطته زهره انه جبته
مياسين: ها فهمتك تعذرني ماخذ شي من غريب
باهر: اخذي العطر ابويه شلعتي گلبي تره سولفت لزهره السالفه وهيه گالت جيبلها ولخواتها
مياسين: اذا من زهره عادي جيبه
مدلي ايده اخذته تلامست ايدينه رفعت راسي لگيته يباوعلي بتركيز سويت نفسي ماشوف اخذت العلاگه اتشكرته وطبيت
عوده للحاضر
_صحيت من صفنتي عله صوت ريري تصيحلي
نفضت راسي من الافكار ورحتلها
_ها ريري
رياحين: وينج صار ساعه بابا يصيحج
_مادري جنت صافنه وينه بابا
رياحين: روحي بلصاله بابا
_خوش
عفتها ورحت يم بابا دخلت جان گاعد ابتسم اشرلي اگعد يمه رحت گعدت يمه
علي: بنيتي عندي سالفه وياج راح احجي وسمعيني للأخير
_تم بابا احجي
علي: شوفي بنيتي عزيز تقدملج اكثر من مره ورفضتي وگفت وياج ورديت العالم هسه هم تقدملج كافي بعد مانگدر نرفض ليش جاي ترفضين عزيز بنيتي اشو شاب حلو متمكن واخلاقه زينه واهم ن هاذ كله رايدج يحبج شتردين اكثر بعد
_بابا انه ماحب عزيز ماحبه عزيز گدامكم شي وگدامي شي ثاني عزيز متملك هوه انه بيت ابوي ويتحكم بيه عاد اتزوجه ولله واحلفلك بعد مايخليني اطلعع ابد حته انتم ماشوفكم
علي: يتغير دام هوه يحبج راح يسمع كلامج انتِ راح تغيري
_ماريد بابا ماريد لاتجبرني
لأول مره بابا يعصبب هيجج گام من مكانه يصيح وضربني راشدي
بقيت متصنمه صافنه بي حاطه ايدي عله خدي الاحمر من ضربته سكت باوعلي كأنه تندم
عفته ورحت ركض شفت رياحين واغادير راد يوگفني ماوگفت طلعت رحت بيت زهره
هيه الوحيده التفهمني الباب مفتوح دخلت جانت گاعده بلحديقه ركض حضنتها وضليت ابجي بصوت عالي
زهره: دهرر دهركمم ولكم منو مبجيي بنيتيي جيبولي ياا ولجج مويسهه احجيي منو بجاج اله اروح انعل والديه
_يمهه ابويي يريد يزوجني لعزيزز ضربنييي علمود عزيز ضربني شوفيي
♡♡
باهر:
طلعت بلحوش اريد اگعد يم زهره وگفت بلباب من شفت يمها وحده حاطه راسها بحضن زهره وتبجي من رفعت راسها شفتها
هاي مياسين بس شبيها تبجي
تقربت اكثر وسمعت الي گالته
زهره: شبيي ابوج انصگع عله راسه شمالهه يمد ايده عليج علمود هلعزيز اذاا ماروح اكسر راسه هلعزيز ماطلع زهره
مياسين: بداعت ماما لاتخلينه يزوجني اله ولله انتحر اذا جبرني
زهره: عوفي الموضوع عليه معليج مازوجج هلخايس يخسههه ياخذ وحده من بناتي
_مسحت دموعها ابتسمت باستها انتبهت عليه بسرعه عافتنه وطلعت رحت گعدت يم زهره
_شراح تسوين زهره
زهره: مو انه راح اسوي انتَ راح تسوي
_انهه شلي علاقه انه؟؟
زهره: راح تتزوج مياسه
_شنوووو؟ يمهه شبيج شنو اتزوج منو گالج اريد
زهره: ميهمني تريد لو ماتريد راح تتزوج مياسه وهاهيه لو ولله والي اسمه الله اتبره منك ولا اني امك ولا اعرفك
_لاتسوينن هيجج بيهه يمهه لاتخلينيي بين ناريننن تعرفينييي ماريد الزواجج
زهره: ماتريدد الزواجج من ورهه ذيج الگ** مووو
_يمههه الخراا هاي ماعليهاا انه ماريدد
زهره:الي عندي گلته
_عافتني وراحت
لزمت راسي بين ايديه مامستوعب حجيها صدگ تحجي هايي................. يتبععع.........
♡♡
خلص البارت
شنو تتوقعون راح يصير؟
كتبولي توقعاتكم!!
أنت تقرأ
الغربان
General Fictionقصة حب غريبه تجمع بين الخطر والمخاطره والحب المستحيل الاختفاء والحرب بريئات وضعيفات يقعن بين ايدي ذئاب بأسم الغربان قرأه ممتعه ✨ الكاتبه رحيق 📜🖋
