♡♡♡
جاسر: لككك باترررر تدرييي شسويتتتت
باتر: ماسويت شي
جاسر: لا يا الله ويکلي ماسويت شي لكك اكفرر بيك هسهه احطك واموتكك هسه شسوييي
باهر: جاسر اهدء هسه اخابر المشعل يحل الاسئله
جاسر: باع لك باتر اذا شفتك مره ثانيه تتصرف بكيفك اموتك فهمت
باتر: ورثت جگاره وگعدت
اممم
جاسر: لككك
باهر: جاسر راد يروح يكتله بس لزمته گوه
_لكممم شبيكمم اخواننن وراح تتذابحون ماخليتووو حشيمهه الاخوكمم الجبيرر
زهره: يمهه ولدي شبيكم صياحكم وصل لسابع جار
باهر: ماكو شي يمه مشكله بسيطه
زهره: شنوو مشكله بسيطه احجي ولك بويهر
باهر: يمه مشكله سواها باتر وجاسر متعصب منه
زهره: شبيك ولك باتر ليش هيج تعذب اخوانك
باتر: اووووو كافيييي يعنييي انتِ عليههه وجاسررر وباهرر كلكم تلومونييي انه طالعععع وبعد مارجععع
باهر: عافنه وطلع
اغادير: جاي نمشي نريد نروح لزهره طلع واحد من بيتها واضح عليه العصبيه اجه بتجاهي بدوم مايشوف دعم بيه توجعت مو بشر طابوگه التفت عليه بعصبيه
باتر: هيووو شبيجج ماتشوفين
رياحين: هيووو بعينك تره انتَ الي ضربتهاا
باتر: وشنوو ماعدها لسان تردد
اغادير: رياحين خلص عوفي امشي نروح
باتر: هئ
عفتهن ورحت
رياحين: انتِ تضلينن بلفهاوه هايي حقج ينوخذ وماتحجين شي راح تموتينيي
مياسين: رياحين اغادير خلص اسكتن امشن نروح يله
_وصلنا لبيت زهره دخلنه لأن جان الباب مفتوح رحنه للحديقه لأن زهره دائما تگعد بيها طبينه وانصدمت من شفت الولد بعدهم هنا اتوقع الي اسمهم جاسر وباهر والي طلع اسمه باتر
زهره: هلا بعزيزات گلبي تعالن
رياحين: شلونج زهرتنه
زهره: يابعد چبدي زوينه انه وانتن
مياسين: الحمدلله احنه زينين
زهره: تعالن اگعدن لا تستحن مثل اخوانجن ذول
باهر: احم تفضلن خويه لاتستحن احنه راح نطلع امشي جاسر
جاسر: امشي
باهر: طلعنه بره صعدنه بلسياره
_لك شسالفتك گمت تباوع علبنيه هاي رياحين ليكون معجب بيها ولك 😉
جاسر: هئ لامعجب ولابطيخ بس تعجبني جرائتها شخصيتها قويه وعظها لسان يابو لسان ليگول رشاش شلنفصه
باهر: اسكت يله عوف البنيه بحالها اتصل بأخوك شوفه وين
جاسر: يخسى والله ولا اتصل بي تريد انتَ اتصل قليل ادب مايستاهل
باهر: باوعتله بطرف عيني وحركت السياره
_ليشوفك يکول يخرخر ادب
جاسر: امشي باهر امشي لا اطلع ضيم گلبي كله بيك
باهر: ضحكت عليه
♡♡
اغادير: زهره وين حاطه الگلاص مال ماي
زهره: تلگي بلكاونتر
اغادير: خوش
مشيت عله كيفي ادندن بأغنيه جديده توها نازله طلعت الگلاص من الكاونتر غسلته ودرت وجهي اريد اروح شفت گدامي باتر نفسه الي شفنا بره
جفلت بمكاني اخترعت حطيت ايدي عله گلبي
_سلاما قوما من رب رحيم
باتر: حضرتج شايفه جني
اغادير: ها لا العفو بس خفت
باتر: حلو صوتج استمري
اغادير: ها شنو شبي صوتي
تمشه بتجاهي من الخوف رجعت ليوره وهوه مستمر يمشي لحد ما صار وراي الكاونتر تقرب حط ايدينه علكاونتر وباوعلي الدمعه بطرف عيني ضحك بأستهزاء
باتر: شگد خوافه لخاطر ربج جنج طيره
اغادير: وخر خل اروح
باتر: لاه لاه طيرتي وين اكو طيره تعوف سجانها
اغادير: شنو سجاني
باتر: بعدين تعرفين طيرتي
اغادير: دفعته وركضت بره من الخوف حته الگلاص نسيته رحت گعدت يمهن ماحققن وياي ولا سئلني الحمدلله شويه ودخل باتر باوعلي بأبتسامه مقرفه
كلش انقرفت منه حاولت اصرفهن بسرعه حته نرجع للبيت وفعلا شوي وگمنا قررت ما احجي شي لأن رياحين خاف تسوي شي ويأذيها لأن ةاضح مو خير
مرت ايام عاديه صرت ماروح لزهره هواي لحد ماعرفت الولد راحو گدرت اخذ راحتي وافتكيت من ذاك
بيوم بليل جعت رحت للمطبخ اكل شي جاي اسوي اكل لمحت شي من الشباك ركزت اكثر حسيت نفسي شفت ضل گلبي گام يدگ حيل گمت اردد قرأن بداخلي واگول ياعلي انفتح الشباك ودخل واحد غمضت عيوني وحجيت بصوت شبه عالي
_ياعليي
حسيت ايد صارت عله حلگي فتحت عيوني وشفته گدامي
_سبرايزز
♡♡♡يتبععع..........
♡♡♡يتبع.....
أنت تقرأ
الغربان
General Fictionقصة حب غريبه تجمع بين الخطر والمخاطره والحب المستحيل الاختفاء والحرب بريئات وضعيفات يقعن بين ايدي ذئاب بأسم الغربان قرأه ممتعه ✨ الكاتبه رحيق 📜🖋
