♡♡
اغادير:
منضر قشعر بدنيي هاي شمسويه بروحهاا.......
جرها جاسر من الکاع يصحيها ركضت مياسين جابت ماي غسل وجها من الدم
رياحين كاسره الجامه مال غرفه وگزاز گصص ايديها وهيه لاطمه على وجها وجها انترس دم شالها جاسر اخذها هوه وباهر للمستشفى وبقى باتر يمنه
باتر: يمهه لازم اليوم ناخذها ولله تموت نفسها تره ماتدري بنفسهاا تسوي هيج لو فاقتت دگول شحابني وشسويت انه رياحين مسحورههه لازم تشوفيلها شيخ صخام
زهره: عاب حلگك لاتصرخ يلأغم ندري مسحوره لعد گاعده تلعب علينه خل يجيبوها اخوانك ترتاح ونوديها لشيخ انه اعرفه زين
مياسين: زهره يعني ريري ماراح يصير بيها شي مو
زهره: لاععع لاتگعدن تفاولن على راسي انجبن مابيها شي ان شاء الله
_ان شاء الله
♡♡
باهر:
وصلنه المستشفى نزلنه اخذوها من عدنه حطوها بغرفه وحدها بدو الاجراءات سوو كلشي لازم خلصو وطلعو
طبينه گعدنه يمها لسه مافاقت وهاذ الشي الي ستغربو الأطباء كلش يگولون غريب هلوضع خصوصا انها مو جبيره تحس بلألم شعجب مابجت ماصرخت ضلت هادئه ماگعدت
ماحجينه شي سكتنه عنهم وهمه عافونه گعد جاسر علكرسي لگبال السرير وانه علقنفه الي بلغرفه
انتبهت اله مركز وياها كلش وخايف عليها مادري شنو مشاعر اخوي تجاها بس لحضه جاسرر؟! جاسر يحبب هاي من المعجزاتت
جاسر اقسى قلب مُمكن تشوفه يضحك يتشاقه بس وقت الجد يصير اقسى من القساوه ومحد گده مُستحيلل يحبب طول عمره مادخل بنيه بحياته او حجه ويه بنيه شنو السبب الي خلاه ينجذب لرياحين هيج مادري
گامت تون بألم گام گعد يمها علسرير حط ايده على خدها يهدئها ويهمس همس ما گدرت اسمع كلمه هنا تأكدت احوي عنده مشاعر تجاه هاي البنيه حجيت وانه اوزع عيوني عليهم ثنينهم
_تحبها؟!
جاسر: مادري
_متأكد ماتدري
جاسر: امممم
_سكتت عنه ضليت اراقبه واشوف تحركاته وانه ساكت
سويت نفسي ملتهي بلموبايل رفعت عيني شوي شفته باسها من جبينها استغربت واتأكدت هوه يحبها بس مايريد يعترف ابتسمت ورجعت علموبايل
مر الوقت وطلعنه رياحين من المستشفى رجعنه للبيت تلگونه البنات يبجن من شافنها شوي هدئن وداها جاسر لغرفتها واجه يمنه کاعد محتار مايعرف شيسوي
زهره: لازمم نوديها لشيخ هسه
جاسر: يمهه شنوديها ماتشوفين حالتهاا؟!! خليها تتشافى هسه بعدين نوديها
♡♡
مياسين:
ضلو يتناقشون واتفقو اذا صارن ايدها زينات يوديها للمستشفى
رحت للمطبخ سويت جاي للولد لأن يشربون جاي هواييي صبيت الهم وديته قدمته ورجعت گعدت ساكته صافنه افكر شنو نهاية اختي ومنو ساحرها وليش
هواي تسائولات براسي بس ماعرف جواب لولا شي
مر اليوم رياحين گعدت تخبلت اريد جاسر وجاسر طالع بسرعه خابرو واجه ركض يلهث
بس دخل شمرت نفسها بحضنه تبجي وتشهگ ودگول
رياحين: جاسرر اجولييي راح ياخذونيي لاتعوفنيي
جاسر: ماعوفج يروحي ماعوفج اهدي بُندقتي
_نامت بحضنه حطها علسرير وهيه مچلبه بي ماتقبل تعوفه حته وهيه نايمه
استغفرت ربي وبجيت على اختي ماعرف شبيهاا
مر كم يومم رياحين ايديها بدن يتشافن وهيخ متخبله بهل كم يوم ماتعوفف جاسر ولا لحضه حته من يروح لحمام لو يسبح توگف يم الباب تنتضره يطلع وتباوع النه بخوف ماتقبل احد يقرب منها غيره
هوه اشوف الهفه والخوف بعيونه عليها معقوله جاسر حبها؟! لو هاي مجرد شفقه او خوف طبيعي
لا مُستحيلل هاذ مو خوف طبيعي هوه يخافف عليها واذا طلع كل شوي يتصل يطمن عليها تاخذ الموبايل وتگعد تحجي ويا خايفه لحد مايكمل شغله ويجي تركض اله ملهوفه
ماعرفنه منو السوه السحر ولا واحد شك بأحد ابدد
اله انه شكيتت بشخص واذا طلع شكي بمحله ماراح ارحمه
الشخص الي دمر رياحين راح ادمر حياته عرفته بس لازم اتأكد
اصبرولي اذا ما اراويكم الويلل مايطلع اسمي مياسين........... يتبعع.....
♡♡♡
اسفه علقطعه حبايب بس جانت عندي ضروف
راح اوقف الواتباد لفتره من الزمن منا لوره الاربعين ماعرف شگد بس راح اوقفه
بسبب ضروف صارتلي حبايبب
وهاذ اخر بارت انزله منا لوره السحبه عود انزل تمامم
بيباييي
أنت تقرأ
الغربان
General Fictionقصة حب غريبه تجمع بين الخطر والمخاطره والحب المستحيل الاختفاء والحرب بريئات وضعيفات يقعن بين ايدي ذئاب بأسم الغربان قرأه ممتعه ✨ الكاتبه رحيق 📜🖋
