TUNGOD SA SOBRA NAKO KA MAHIGUGMAON, NAAPIL HINUON NAKO IMONG UYAB.
Ingon sila, mas dali ra daw madakpan ang manok nga gi hiktan, kaysa sa wala.
“Ali na Gio, picturan taka” ingon nako sa akoang bbf nga si Gio nga kulot nga murag kanding, pero lab kaayu nako ni.
“ Dali na ba! ” gi bira na gyud nako siya pero ga mugtok lang agi
“Segi na, 1, 2, 3 I love you” ingon nako sabay click sa camera.
Nakita nako nga dako kaayu ang smile sa kanding
“Ahh gwapoha sa kanding uy, mwehehehehhe ” sungog pa nako
“ Pag hilom, Krisha. ” ingon pa niya
“Ayieee gi ganahan diay to, atik atik pa gyud” sungog nasad nako og iya kong gi gukod. Kining kandinga ni karon makatilaw gyud nig fresh nga sagbot HAHAHA
“Paita aning naay uyab atong crush uy, makawala mag gana mo skwela” yawyaw pa nako. Kahuna-huna man sad tag ilog
“Mao nimo kay usahay nalang gani ka maka crush, diraa pa sa naay uyab” tubag sad sa akoang seatmate
“Mao gani, maypa gani gi trapo nalang ko sa habol, boyshit man diay ko” tubag sad nako
“Gani, ga bug-at bug-at rakas ert. ” ingon pa niya
“Hilomi sa bi, baho kaykag baba! ” ingon nako
“Mas gyud ka” tubag sad niya. Mura manig buang, dili mani pa pildi akong seatmate basta kabuang.
“Hoy, tan awa gud ning post sa uyab ni Gio, pagdali! ” ingon pa niya sabay tunol sa iyang cellphone
“AHHH GRABE, WAYUK MAN KAAYUG FEARS BAY! KANA MAY FEARS! ”
“Unsay fears? nahadlok? huh? hadlok diay og nawong na?” pangutana pa nako kay naglibog ko, dili man hadlok ang nawong sa gipost nga picture, gwapa man gani
“Fears? Fierce guro?” ingon pa niya
“Comment kaw, ingna nga fierce guro dae HAHAHAHHA” Ingon pa nako
“Buang, ikaw ra uy. Mali raman imong makit an” ingon pa niya
“Ahh grabe, hawda mo spelling uy, patudlo ko bi” Ingon pa nako sabay katawag kusog unya sabay panghapak
“Dili gyud deserve ni Gio og ingon ana nga uyab, ang nawong kay puti, tas ang liog itom? grabe e pantay sa guro dae uy. Okay Gio, it's a NO for me” ingon niya sabay katawa
“ Ayaw ana dae, respect nato ang lalab ni Gio ba, iyaha manang gi pili so dapat mo support ta” pa angel nakong ingon
“Baga kaayu siyag nawong dae, away awayon ka niya tas intawn wala ra siya naka tunga sa imong ka gwapa og pagka bright, wala lang gyud kay buot” ingon pa niya
“Hilomi dae, dili na gani ko magpahatud kay maalaan kog kabit ni Gio. Kana bitawng makit an kos mga silingan nga ihatud ko ana niya sa balay? ang mga mata sa among silingan ga siga lang agi, lami kaayu pang tusukon” gigil nakong ingon
“Mao lagi, dili diay nimo siya gusto? ” pangutana niya
“Dili uy, friends ra gyud mi” deny pa nako.
Sa tinuod lang, ga hulat gyud ko nga magbulag ni si Gio og ang iyang uyab, abangers yarn. Pero dili ko gusto akoy rason nganong magbulag sila. Igat ko, pero diko mangilog uy, tamang hulat lang. Kabalo man ko nga magbulag gihapon na sila, pero unta padalion ni Lord kay kapoy na kaayug hulat.
════════ ××× ════════
GREENPEN
