ثأر قسورة

مشهد

..
ـ من المستقبل

ثكل بعيوني مو طبيعي..بالكوة آخذ النفس
وضحت الصورة عندي  ...كاعد على كرسي بالعكس ومنزل رجليه من جانب الكرسي
لابس قمصلة سودة والكبوس منزل على كصتة
ومنزل اللثام من وجهة على ركبتة
يشرب جكاير ويباوعلي بجمود ومركز نضراتة عليه
..كمت ابجي ..ما اكدر اتحرك وشريط لاصق على حلكي ...متت خوف وبرد والمكان الي خالني بيه يخوف مينشاف بس ضلام وعلى جانبي الايمن على الحايط  فرارة تفتر ومتسرب الضوء من خلال فتحاتهة
بقيت ابجي وهو على نفس كعدتة ..هواي اسألة براسي ..منو هذا؟ شيريد مني؟ ليش خاطفني ؟
كام وكف وبيدة الجكارة
وكف كلبي من الخوف من تقدم بخطوات خاوية
وكف كدامي ودنة وجهة قريب عليه
اخذ نفس من الجكارة وزفرة بوجهي
بعدت وجهي للجهة الثانية بخوف وجنت ابجي بصوت مكتوم
بحركة سريعة جر الشريط من حلكي صرخت متألمة مباشرتاً كمت اعيط واصرخ "ساعدوني يا ناااس يا عالم ..هذا خاطفنييي ...فدوة ساعدوني"
بقى صافن عليه ...ومن حسيت صوتي راح من الصياح بلا جدوى..كمت احجي وياه بشهكة
_ امانةةةة عليك الله منوو انتَ شتريد منييي؟
بقى صافن واني اتوسل بيه
واشهك لدرجة احس الهوى ما يدخل لريتي
بحركة سريعة جر ايدية ...رجف كلبي شيريد يسوي؟ اخذ نفس اخير من الجكارة لمعت الجمرة اللي بالجكارة ...طلعهة من حلكة وقربهة من ايدي
بقيت اصرخ بخوف واتوسل بيه واجر بايدية
_لااااا لاا عليك الله لااا
قربهة من ايدي اليمنى يم الشريان وبحركات سريعة
طفاهة بأيدي وآني اصرخ وادفر وخرهة ورجع كرر الحركة فوك من الحرك بشوية ...صرختت صرخة حسيت الحبال الصوتية تكطعت من قوتهة
رجع مرة ثالثة فوكهن اثنينهن ضغطهة بقوة
لدرجة حسيتهة دخلت العظم
صرخت من كل كلبي
ـ دخليلك يااااااا عليي

.....
انتظروني بروايتي الجديدة..
يد بيد لنغوص احداث هذه الرواية ..
وبما تنطوي بها من مطبات

..تحياتي: بسمة الحساني
احبنكم زروف كَلبي