٫أسعد الله اوقاتكم بكل خير زروف كَلبي؛
ثأر قسورة
البارت الأول
بقلم :بسمة الحساني
.
.
الية بكل كلب متعوب تذكار
وجلماتي أصبحت نسل المناشير
إذا مر بدرب تتزاحم الناس
علية ويتعب الياخذ تصاوير
-عريان السيد خلف
........
واكف يم ابوي إلي منيشن بالبندقية على طير"الخضيري"
إلي على شكل سرب بالسمة. ..رافع راسي وأنتظر أبوي شوكت يصوب. ..
صحت ::
ـ يلا بويةةة راح يروحن
جاوبني بصبر::تريض يابوي ..بالعجلة الندامة "
وأطلق اعلة الطيرة" وكمل.. وبالتأني السلامة ...
باوع علية وكال
:: يلا شبل ابوك. .اركض روح جيبهة
ركضت بالهور وصرت ادور بالكصب على الخضيري
لكيتة وشلتة وركضت على أبوي شفتة يلم بالصدناه
وصلت يمة
::ها بوية نروح
::أي بوية غوربت الشمس
رجعنة نتمشى...
دخلنة السلف
..كلت
::جا بوية شوكت تعلمني اعلة البندقية؟ ؟ترة انة اعرف كلشي بيهة وشلون نستخدمها بس انة أريدك أنت تعلمني
::يا بوية عليش مستعجل على رزقك انجح ووعد علية اعلمك واخليك تصير سنايبر(قناص) بعد'
ابتسمت ::عساك سالم بوية ربي يحفظك
..دخلنة بفرع وعاينت جهال متكاونين ..واحد دمة الثاني ركضنة ان وابوي فازعناهم وابوي رزلهم لان جانم(جانوا) اعمالهم 12 أكبر ...
رجعنة كملنة طريقنة
مرت دقائق ....
كال::قسورة بوية
::ها بوية..
::شرايك نعزم عمك دحام وولدة. .تعرفة هو يحب اجل (أكل ) الصيد
::الشور شورك بوية .بس تعرف عمتي رازقية (مرت عمي دحام) ما تحب أمي وتضل تغث بيهة
::لا يا شبل ابوك وسفة جنت اضنك رجال
طلعت تدخل بسوالف الحريم. .شوف بوية احجيلك وتخلي حجيي ترجية اهنا(وأشر على اذنة )
طول حياتك لا تدخل بسوالف الحريم. .تراهن موش جليلات. .أن كيدهن عظيم
تسمع تشوف لا تدخل عسى ما صارت مذابح تراهة موش صفة حلوة ..خليك رجال موش ذكر. .ماشي بوية
::حاضر بوية .بعد أبد ما ادخل بسوالف الحريم وعد رجال
::كفوو جا أنة ليش سميتك قسورة عبنك (لانك)أسد. ..شبل أبوك
::الابتسامة ذراع أحب سوالف ابوي وخصوصآ لمن يكولي "شبل ابوك"
رجعنة للبيت ..بيت طين مسيج بسياج من طين ..سلفنة كلة هيج البيوت
أبوي كلي ::ارشد اعلة عمك دحام وكلة
معزوم اعلة العشة
::حاضر بوية...هميت أروح وصاحني
:: قسورة بوية
::هلا يوية
::ديربالك اعلة نفسك بوية
::ولا تخاف عليي رجال بوية ...رحت على بيت عمي بصف بيتنة دكيت الباب بس جان حديد وثكيل تدفرة يلا ينسمع
دكيت وصحت :
::يا أهل الدار...وسكتت دكيت وصحت يااا عمي دحاام. ..حازم
":طلعلي علي ابن عمي دحام جان شاب اكبر مني
:
:هلا قسورة. .. حياك..تفضل دش داخل مانك أحد غريب ..دش(ادخل)
.::تسلم يزيد فضلك...لا والله أريد أرجع بس أبوي نشدني أجي اعلة عمي دحام
واكلة أبوي يكلة"عشاك عدنة أنت والاهل " ننتظركم وهاا ترة أبوي صاد علمودة .....كلة عود
::تسلم..اعلة الراس هذا هو اعتبرنة جينة أنة اكلة وأن شالله نجيكم
::بس لا تتأخرون لأن أبوي كام يشوي
::لا هاهية. .توكل يل شبل وجايين وراكم
.
.
بعد العشة..كاعدين وانة قدمت الجاي الهم وكعدت ..جانوا يحجون سوالف عن الحكومة وبعدين سوالف اعلة السلف واهلة... والعرفتة جايين ناس يريدون يشترون كاعنة. .بس أبوي جان رافض يبيعهة لأن واردهة قوي
جان عمري بوكتهة 13سنة وافتهم لمن جان أبوي يحجي وية عمي على سالفة تهديد بس جانوا يحجون بصوت ناصي
بس أول ما كاموا يحجون ابوي كطع السالفة وكلي::يلا بوية قسورة. .روح اقرة اليوم كضيتة وياي بالصيد وما قريت
::بوية بعدين اقرة. ..
::لاا بوية ليش ..ترانة نسولف سوالف كبار عليك ما تنفعك ركز بدراستك
بضوجة:: حاضر بوية كمت
رحت طلعت كتبي وكمت رحت ورة بيتنة على الساكية مالت المي كعدت وكمت اقرة بس ضايج من أبوي ما خلاني اسمع سالفتهم. .انة مو جاهل اعرف الثار شنو
بس منوو مهدد منو ؟
طفت الكهرباء....تأفأفت وكمت دخلت للبيت أمي طلعت بوجهي شايلة الفانوس ابتسمت وانطتنياه
اخذته ورجعت اقرة ...وما حاس بالوكت
اجاني صوت أبوي :: قسورة. .يلا بوية تعال نام
::جيت يابة جيت...
لميت كتبي ورحت شفتهم فارشين بالحديقة. .دخلت للبيت صليت العشة
وطلعت ....جان فراشي بسد فراش أبوي
ويم راسنة فراش أمي واخواتي (طلسم و تين)
طلسم الكبيرة عمرهة 18 مخطوبة وزواجهة بعد أسبوعين
والاصغر منهة تين عمرهة 17
ورة اربع سنوات يلا اجيت انة ...
نمت بفراشي بس بالي مشغول بسالفة الثار. .وبين مدري؟ وين ؟ومنو؟....دخت ونمت
.
.
.
.
.
يتبع
خليتلكم القفلة هادئة حتى تاخذون أنفاسكم وتستعدون لبارت باجر إلي يحبس الأنفاس
تحياتي: بسمة الحساني
لا تنسون التصويت زروف كَلبي
أنت تقرأ
ثأر قسورة
Misterio / Suspensoانا القسوة، انا النار، انا اعيش ﻵخذ الثأر، لست انا من فعل هذا لكن قسوة الحياة من جعلتني هكذا... ..12/8/2023
