ثأر قسورة

البارت الرابع

ثأر قسورة
البارت الرابع
بقلم:بسمة الحساني

انة المامش وراها جنازتي صياح
- فاروق

.........

قسـورة
وجان احط أيدي اعلة القرآن
وكلت بصوت عالي

قسورة ::اقسم بالله العظيم ...انة ما جتلت صاحب أصلا ما اعرفنة. .وإذا اجذب كون يسطرني العباس ابو فاضل

قسمت ورجعت القرآن للشيخ

وكال::ها يجبر شفت تبين الولد اصلإ ما يعرف ولدك. .. الشر مو مكسب يبوي

جبر:: ومنهو كال هو صادك. ..

الشيخ:: شنهو نلعب احنة موش قسم كدامك وكال ما جتلتة لابنك ...

جبر:: والله يا شيخ كالوا للحرامي احلف.. كال اجاني الفرج

قسورة حجيت باندفاع::بس انة وعمومتي أمس كلنة مجتمعين ببيتنة

رد::ومنهو يكول صدك..

قسورة ::واحد من عمامي يقسم

جبر::ومنهو يكول ما راح ينحاز لطرفك
ووو قاطعوا
عمامي وصاحوا بانفعال

::وسفة اعليك ..طلعنة جذابين ومنخاف الله نحلف جذب

جبر::موش هيج السالفة لجن انة نار صدري موچرة اعلة دمم ابني ..
واريد دليل يثبت انتم چنتم يمهم بوكت اللي انجتل بي صاحب

قسورة ::الأمور تمشي ضدنة. .
والسالفة كل ما جالهة تتعقد أكثر واكثر وما معروفة النهاية شنهي؟
وجان نسمع صوت رجولي بعز هاي الهوسة

::السلام عليكم..

جان شيخ حسين وولدة .

الكل ردت :(وعليكم السلام

الشيخ حسين::انة سمعت بالصار وجيت محضر خير

ردوا عمامي::كلك خير ما تقصر شيخنة

شيخ حسين::انتم تريدون دليل ..
بوية انة الدليل ..
امس انة جنت مسير اعلة بيت ابو قسورة
وجانم (جانوا) اخوتة كلهم هم وولدهم...
واذا تريدون احلفلكم ما عندي مانع

قسورة ::آل مطر بقوا ساكتين بس هاي تعتبر إهانة لشيخ حسين قابل هو يجذب بس عقلهم بعدد
تقدم شيخ حسين وحلف....
وتعهدوا آل مطر ما يتعرضولنة
وتعذروا اعلة الصار الصبح ...

بقوا كاعدين يسولفون وعبالك ما صار شي ..احساس بداخلي يكولي

جذب الديصير هذا كلة جذب

..معقولة آل مطر يسكتون ويقتنعون بهذي الطريقة ... انة اعرفن آل مطر ناس شرايين الطلايب شراية
معقولة انسدت السالفة ..

جنت كاعد بين أبوي وابن عمي دحام "علي"
علي أكبر واحد بين ولد عمومتي وبعدة چاسر ... هو ذراع عمامي
اليمين يحترمونة كلش....