ثأر قسورة

البارت الخامس

أسعد الله اوقاتكم بكل حُب زروف گلبـي

ثأر قسـورة
البارت الخامس
بقلم:بسـمة الحساني

.........

-والله وصرت مثل المطـر تفرح الناس بطيحتي

.....

قسـورة
: وبلشت شغل وية صديق علي "عمـر"
ومشت ايامي هادئة ...بيوم رجعت من المحل لكيت عمامي يمنة ملتمين ..
شصاير. .سلمت اشو اعاين اعلة
علي  جاك (فاتح)حلكة ...
وعمامي فرحانين سألتهم
شكو ..شصاير عسى ما شر؟

ابوي::كل خير شبل ابوك. .ابن عمك علي راح يتزوج

بفرح:: بالمبارك حبيبي. .ألف مبروك ..من بيت منو؟

دحام:: بوية احنة اجينة  اعلة ابوك وانطانة اختك بعد بس رأيك شنو عبن ابوك ما يرضى
يكول الا اخذ راي قسورة

عاينت على ابوي::العفو  بوية.. الشور شورك بوية  الي تشوفة...علي خوش ولد ومتأكد
راح يحط تينة بعيونة

"وعاينت عليي" موش هيج خوية علي

علي:: افااا عليك بدون متكول بعيوني اخليهة

فاضل :على بركة الله ..

دحام :: هاا يفاضل نقرة الفاتحة ؟؟

فاضل :: انطوني وكت حتى اكول لتينة وتفكر براحتهة واردلكم خبر. .وتينة العلي ما تصير لغيرة

جسام:: شنهو يفاضل من متة (متى/ شوكت) ناخذ شور الحرمة بهيج سالفة

فاصل:: افاا عليك ابو عبدلله انة اهم شي رضى بنيتي ان كالت ما اريدنة..
ما اجبرهة وان كالت العكس علي يبكى (يبقى ) ابن عمهة واولى بيهة من  الغريب
وهي مو كيلو طماطة يخوي واكلك اخذهة هاي
عشرة عمر موش يوم ويومين

علي:( شفت الوضع بدة يحمى كلت
:( من بعد راي ابوي طبعإ..الكم كل الوكت يعمي خلهة تفكر براحتهة وأنت لا تخجل أن جانت ما ترضى بالنهاية هاي قسمة ونصيب ..والله يقدم إلي بيه الخير وانة ما واجف بطريج احد

فاضل:: كفوو منك عليوي.. يلا شربوا جاياتكم بردن ..قسورة قدمهن لعمامك بعد ابوك

قسورة:: حاضر بوية ...ضيفتهم وبدوا يشربون ..اعاين اعلة علي يهز برجلة
ويمسح بكصتة بالكلينس كل شوية مبين عليه متوتر ..رحت كعدت يمة

وهمست::أشرب جايك ابن العم ..تينة الك أول تالي ..أشرب ::وابتسمت

علي أبتسم وشرب جايه مرتاح تقريبآ
راحوا وانا لبست تراك بيت ارتاح بيه أكثر من الدشداشة ...
للمغرب انة كاعد بالحديقة وتينة تسوي عشة بالمطبخ اذكرت
وصحت ::تين ...ولج تينة. .يمعودة طينة .
.تتخبل ولا اصيحلهة طينة

صاحت:( وزهررر كون شمالك اجعجع  (تصيح)

قسورة:: ولج لحكيييي
عافت المطبخ وطلعت منزعجة وتحجي بسرعة