ما لا نهاية ( احفاد المنزلاوي )

الفصل 21

ياريت تصويت للبارت ♥️😍
ياريت لايك و كومنت رايك مهم ليا 😍😍😍
#مالا_نهاية_احفاد_المنزلاوي الفصل 21
#بقلم_شروق_مجدي
بسم الله الرحمن الرحيم
و صلى على الرسول صلى الله عليه وسلم ♥️
.....................................

دخلت الحمام وعلي قاعد على السرير مشغول في الاب توب بيعمل شغل عليه
وفعلا عملت الاختبار و استنت تشوف النتيجة وهي بتدعي ربنا لحد ما فعلا لقت النتيجه ظهرت اخيار أخيرا بعد كل الشهور دي ربنا كرمها وحامل بقت مش قادره من كتر فرحتها وخرجت لعلي وهي مصدومه و عنيها كلها دموع بصلها هو بأستغراب ووقف وقالها : اي في اي مالك فيكي اي انتي كويسه

حطت قدامه الاختبار وهي بتعيط وفرحانه اوي
مسك هو الاختبار بفرح وقال : بجد حامل و شالها وفضل يلف بيها وهو فرحان اوي ان اخيرا ربنا كرمهم

نزلت وهو ماسكها وهي طائرة من الفرحه وقالت : انت بجد مبسوط اصل كنت حاسه انك مش مهتم
قرب منها بحب وهو حضنها جامد وقال بفرح : اكيد هموت ويبقى ليا ابن منك بس مكنتش عايز احسسك بده ابدا كفايه انك زعلانه اوي اصلا وانا مكنتش عارف انسيكي ده
ابتسمت بفرح : طب يلاه نعمل اختبار دم نتأكد قبل ما نقول لحد
علي بفرح : بس اليومين عيد ومش هنلاقي معامل بسهوله
اميرة بفرح: هنلاقي ان شاء الله يلاه بس
ابتسم لها ووقف يلبس وهي كمان وفعلا خدها ونزل
يلف على معامل كتير لحد ملقى معمل وفعلا عمل التحليل وطلعت حامل وخدها ورجع البيت وهو فرحان اوي طاير من الفرح وهي كمان

دخل البيت لقى امه قرب منها بفرح وقال : هتبقي جده يا لولو فرحت ليلى جدا و حضنت ابنها بدموع وهي بتبارك له
قرب شوكت وكريمه من اميرة الي كانت مكسوفه جدااا وحضنها اوي وقالها : مبروك يا حبيبتي
كريمه بفرح : الف مبروك يا ولاد الف مبروك
اسماء بفرح: هبقي عمتو الله مبروك يا علواا مبروك يا ميرو
محمد برخامه : عمتو الحربايه هههههههههههه
بصت له بغيظ كمل هو وقال : انا مالي هما بيقولو كده عليها
ليلى بصدمه : ياعني انا حربايه يا واد يا محمد
ضحك الكل عليه وقع نفسه في مصيبه اتكلم محمد بتوتر وقال : اااحم لا طبعا يا عمتو انتي في زيك اصلا ده انتي بركه البيت
ليلى بضحك : ماشي يا بكاش انت

ناصر بضحك :الخال والد الحمد لله وقرب من اميرة و باس رأسها وقال: الف مبروك يا حبيبتي ان شاء الله يكملك على خير ابتسمت له وقالت : عقبالك
بص لياسمين وتمنى فعلا ده وهي بصت له بأستغراب هو ماله بيبص لها كده لي
الكل بارك ل اميرة وعلي والكل كان فرحان بيهم
اتكلم الجد عمران وقال : المهم عملت تحاليل وتاكد
ابتسم علي بفرح : لفيت لحد ملاقيت معمل عشان العيد
ياسمين باستغراب: طب لي ما طلعتش على المستشفى الي بنشتغل فيها اسهل
علي بصدمه هو نسي خالص انه فعلا يروح هناك : تصدقي والله نسيت من فرحتي
ضحك الكل وكان سعيد بخبر وجود مولود جديد بالعيله والكل تمنى انها تقوم بالسلامه
.....................................
الله أكبر الله أكبر الله أكبر، لا إله إلا الله، الله أكبر الله أكبر، ولله الحمد، الله أكبر كبيرًا، والحمد لله كثيرًا، وسبحان الله بكرةً وأصيلًا، لا إله إلا الله وحدهُ، صدق وعدهُ ونصر عبدهُ وأعز جندهُ وهزم الأحزاب وحدهُ، لا إله إلا الله ولا نعبدُ إلا إياهُ، مُخلصين له الدين ولو كره الكافرون، اللهم صلِ على سيدنا محمدٍ، وعلى آل سيدنا محمدٍ، وعلى أصحاب سيدنا محمدٍ، وعلى أنصار سيدنا محمدٍ، وعلى أزواج سيدنا محمدٍ، وعلى ذرية سيدنا محمدٍ، وسلم تسليمًا كثيرًا".