ရေခဲချပ်တွေထဲကနေ တိုးထွက်လာတဲ့ ရှတတအေးမြမှုလေး။
________________________________________
အတော်ကြာထိုင်နေမိသည့် စကားဝိုင်းမှာ ဂယူဘင်းက တိတ်ဆိတ်စွရပင် နားထောင်သူတစ်ဦးသာဖြစ်ခဲ့သည်။စကားတွေအား ဆက်စပ်ကြည့်မည်ဆိုလျှင် အဲ့ဒီ့မျက်ဝန်းပြာတွေ၏ပိုင်ရှင်ဟာ ရှန်သခင်လေးဟု ဆိုမည်။
ရှန်အိမ်တော်ဆိုသည်မှာ စီးပွားရေးလောကထဲတွင် ဘာ်လောက်တောင် နာမည်ကြီးလိုက်သလဲ။ကမ္ဘာအနှံ့တွင် ခရီးသွားလုပ်ငန်းနှင့်အတူ ရှန်လုပ်ငန်းစု၏ အောက်တွင် ဟိုတယ်လုပ်ငန်းပေါင်းများစွာကလည်း ရှိနေသေးသည်။
ထို့အပြင် ရှန်အိမ်တော်၏ တစ်ဦးတည်းသော သခင်လေးဟာလည်း အမျိုးမျိုးသောနာမည်များဖြင့် ပေါ်ပြူလာဖြစ်တာတော့ သူကြားဖူးနားဝရှိပေမည့် တစ်ခါမှမမြင်ဖူးသည့်အတွက် ရှန်သခင်လေးဆိုသူအား ယခုမှပင် သေချာသိခြင်းဖြစ်သည်။
"သားအငယ်ဆုံးက တအား အေးတာပဲနော်"
"သူ့ကိုတော့ ပြောမနေပါနဲ့ အေးတာများ စကားတစ်ခါပြောဖို့ကို အနိုင်နိုင်ရယ်"
သူ့အားကြည့်ကာဆိုလာသည့် ရှန်သခင်မလို့ခေါ်ရမလား ထိုအမျိုးသမီး၏ စကားကြောင့် ဂယူဘင်းက နေရခက်ဟန်ပေါ်သည့် အပြုံးတစ်ခုအား ပြုလုပ်လိုက်မိသည်။
"ဟယ်ရင်းက တကယ်ကို သားလိမ္မာလေးတွေ ရထားတာပဲ။အိမ်ကသားနဲ့များ ကွာပါ့"
အိုမားနှင့် ငယ်သူငယ်ချင်းဟု ဆိုသည့် ထိုအမျိုးသမီးနှင့် အိုမားကြားက စကားတွေဟာ ပေါ့ပါးလွန်းကာ ဟန်ဆောင်မှုတွေမရှိတာ သိသာလွန်းလှသည်။
"ဒီအတိုင်း လက်ထပ်ပွဲကို မလုပ်တော့ရင်ကောင်းမလား? ဂယူဘင်းနီးကို နှမြောလို့လေ"
"ရှင်းရိကတော့ကွာ"
ရယ်ပွဲကျသွားသည့် ထိုအမျိုးသမီးနှစ်ယောက်၏ ရယ်သံကြားတွင် ဂယူဘင်းရဲ့ အံ့ဩသွားသည့် အာမေဍိတ်အသံဟာ တိုးမပေါက်ခဲ့ပါဘူး။
"ဗျ!"
လက်ထပ်ပွဲ? လက်ထပ်ပွဲဆိုတော့ သူနဲ့အိမ်ထောင်ချပေးဖို့စီစဉ်ထားတာ အဲ့ဒီ့ရှန်သခင်လေးဆိုသူလား?စနောက်ကာ ရယ်မောနေကြသည့် စကားဝိုင်းထက် သူ၏ ခေါင်းထဲတွင် ရှုပ်ထွေးသွားရသည်။
YOU ARE READING
𝙴𝚞𝚙𝚑𝚘𝚗𝚒𝚘𝚞𝚜 𝚏𝚛𝚘𝚖 𝚝𝚑𝚎 𝙱𝚕𝚞𝚎 𝙾𝚌𝚎𝚊𝚗
Fanfictionတိမ်ငွေ့လွှာတွေလို ရစ်နွယ်နေသော ဆံနွယ်တွေပိုင်ဆိုင်တဲ့ အဲ့ဒီ့ယောင်္ကျား။ ပင်လယ်ရေတွေလို ပြာလဲ့နေသည့်အရည်လဲ့လဲ့တွေဝန်းရံထားသော မျက်ဝန်းပြာတွေ၏ ပိုင်ရှင်ဖြစ်တဲ့ အဲ့ဒီ့အမျိုးသား။ နစ်မွန်းချင်လောက်အောင်ဆွဲဆောင်မှုတွေနဲ့ ပင်လယ်ပြာ။ မောင့်ပင်လယ်ပြာ။ Gyuk...
