سَوار الــيهود

Part 2

أحببتُكَ رغم اني لا أحتضنكَ
ولا آراك دومًا
أحببتُكَ لأني كتبتُ بكَ ، و قرأت ُ لكَ
و ضحكتُ من أجلك ، و تغيرتُ
من أجلك
وأحببتكَ وانتَ بعيد

سَوار اليـهود

لـ ضـي المحـمدي

           ******************************

جمدت بمكاني يارب  دخيلك
: شبيججج يوم يوم شصاير

فريال : تعاي شوفي اختج طايحة الحظ شوفي .

: شكووو ضحى شمسوية

: ما داخلة وزاري العينتين ونوب طالبين ولي أمر ماخذتلي الشفية ، التفتت على محمود 
بالله ما استحيت من طمطملها اول وتالي تنكشف

محمود : عمة والله هية ضغطت علية اني نصحتها تصارحج ومارضت .

لِـيل : ردت اتملص من السالفة واشرد بس صاحت بية : تعرفين الزهرة ام الحسن وحگ هية الزهرة ام الحسن كون تعرفين يصفرة بس ساكتة ومغلسة .

ضحى : ماما يا عيني عليمن هل عصبية يا عيوني ترا ضلم  هل مدرسة اعرفها زين

: يااا صخمااان يا ضلمممم ولج ماخذتلي بالسلامية سبعة شتعبدين انتِ حتى الملحدين هم يعرفون الله .

دفعتهة بعكسي وهمست : سبعة يلغمة سبعة ؟ وتگليلي ماخذة ٤٩ وضالمينج  .

ضحى : والله طول عمري سبعة بنت اسباع ما عاب حلگهم من هيج وصفوني .

شالت امي النعال وركضت وراهة ومحمود مادري شوكت تملص وشرد والله لو باقي هم حصلة كتلة .

صعدت انام شوية وحسيت بصوت بابا
سحبت الكرت ونزلت الة .

: مسائووو ابتي

الأحمدي : هلاااا مساء الخير ، شبيهة امج .

: لا تشغل بالك مشكلة بسيطة ، اليوم اجة واحد

قاطعني : بس لا من الديانة اني انطيتهم كل القصادات

: لا حبيبي واحد شكلة غريب مدري شلون صاير

: شنو غريب بابا ؟ شلون يعني

: يعني حلو ونضيييفففف .

باوعلي باستهزاء ورفع حاجبة : اي شيريد .

: ها مادري گال اذا ابوج اجة خلي يتصل بية .

: باباتي حبيبتي اتنبأ بالرقم مثلاً لو اسوي طقوس حتى اعرف منوة .

: شبيك صاير عصبي داوكفلي خلي افهمك .

: واگف اني يلا .

: هاك هذا رقمة

سحب الكارت مني واباوعلي بصدمة : شبيك حبيبي والله مو مثل ما بالك انطانيا وكاال الابوج .

: روحي حبيبتي ، وصيحي امج

سحبت نفس وگمت ياربي لو ابطل اجفص اني بخير،
رحت صحتلهة وگفت اتنصط عليهم .