سَوار الــيهود

Part 6

انا مِنكِ لا تَنكُرين
انا احِبُكِ لا تستَغربينْ
لَستُ شاي انا مَرارَةُ القَهوة
لَستُ نايٍ انا لقاعةِ أوبيرا دَعوة
انا رُوحًا لِحُبُكِ خُلقتْ
وانتِ قِديسَةً لِقَلبي
انتِ مِنْ أضلُعي وًفيهنَ تَسكُنينْ
تحبينني وَلكنَكِ تَخفين
هَذا انا وَهذِهِ انتِ..

#سَوار _ الـيهود

لَـ ضـي المحـمدي
***********

دخلت البيت والفرحة غامرتني
اول مرة بحياتي تصيرلي
صادفوني الخدم والحرس وابتسمت الهم
وهذا العجيب .

رائد : هاي الفرحة اول مرة اشوفهة بعيونج

: عجيب شبيكم حاسديني

: ههههههه من حسدج

: الحارس يگلي اول مرة بحياتي اشوفج هيج فرحانة

: المهم جهزي نفسك ع العشة ما بقة وقت 

ركضت لفوگ واني الفرحة ما سايعتني
يعني اخيراً! لگيت حبي الأول
نغزني گلبي من تذكرت الماضي

فلاش باگ

ادين طفلة بعمر السبع سنوات
تعصر بالملابس باجواء الشمال الباردة
تصعد على الحجارة علمود تلوح
الحبل .

: هييوووو كملي وارجعي اكنسي غرفة جدج

: حاضر عمة

: وعمة بعينج وعين امج بنت *** الكافرة اليهودية

الكلمة تتردد ببالي
بنت ز** ؟ شنو يعني ز**

خلصت الملابس ورحت اركض
كنست غرفة جدي ونوب الصالة
المكناسة من سعف وادية جامدة من البرد
تجرحت وصارت توجعني
من خوفي لا انكتل اذا بجيت
حشرت نفسي ورا البيت وصرت ابجي بحرگة گلب
اريد امي امي تحبني اكثر من عمة عفاف
ابوي يگلي عمة عفاف امج انسي امج نجمة
بس اني احبهة واريدهة خوالي هناك يحبوني
وهنا كل البنات امهن تحبهن وما يشتغلن الا انيي

عاصم : ها بنت الـ گح** هم رجعتي تنعين

: لالا بابا لا ما ابجي

: گومي سويلي زقنبوت بطن امج گومي

سويت الريوك وخليتة گدامة
بدون نفس اكل وطلع گعدت بالصالة
شوية وحسيت باب البيت ينفتح
من شفتهة عمة جميلة ركضت الهة

دخل وراهة ابنهة بدوان الي بعمري
يعني اليوم اكيد خِيبر راح يطلعنة

قاطع صفنتي
بدوان !!! معقول نفسة الي انحبست ويااا؟؟

شلت تليفوني بدون وعي
دزيت رسالة

: موجود
مرت ثواني ورد : اي ، بيج شي
: لا بس ردت اسألك بس مو تاخذة بغير نظرة
: گولي
: الولد الي انحبس ويانة بالمصعد شيصير منك؟
: بدوان قصدج ؟ ابن عمتي بس ليش
: مو تذكرت شلون خفت عليّ واني بطبعي فضولية