مصِدوم صح بروّحتك
بِس الوّجع هّم نعَمة
مّرات لو رّاح النبُض
يحِتاج گلبّك صدمَة ..
#سَوار_ الـيهود
لـ ضـي المحـمدي
**********
دگت الساعة ٧:٠٠ وبدوان ماكو ،
بابا يفتر متوتر وماما من المطبخ للصالة
وضحى حاطة رجل على رجل ولابسة فستان اسود
وحمرتها حمرة تلمع منطية گفاهة الامي خاف تشوفهة
لِـيل: هذا شعرج لازگتة بتفلة ؟
ضحى: دنجبي شوفي اليوم اذا ما اوگعة اتفلي بگصتي
اجانة صوت امي فجأة : شتوگعين ولج
لِـيل : ماما وصخ وصخ وتريد ورة العشة توگعة وتسبح
: ييياااه شني هاي شو محمرة ولج گومي
ضحى : يووهه ماما خفيفة ماتبين
: بطول النعال وتتحمرن گومي لا اصيح لابوج والله
گامت اخذت كلنس تمسح وترجع طوخهه لما راحت امي : شبيج متوازية
: معليج الصفره اذا انتِ من الله محمرة
اندگ الباب وراح بابا يفتحه واحنة متوترين على توترهم ، من سمعنة صوته يبجي برا انخرعنة طلعنة نشوف شكو .
بابا حاضن نفس الشخص الي شفتة بالشركة هذاك اليوم ويبجي ويتعاتبون
خـيبر : هيج ينطيك گلبك تنسانة ، زين اني شسويتلك
ابوي بدون رد صار يبجي اقوة هذا المشهد فعلاً هزني اول مرة بحياتي اشوف ابوي هيج يبجي ومتأثر
وامي اكثر منة .
كل هذا البجي والعتاب باب البيت
حتى خالي ابو محمود اجة وسلم عليهم واحنة على بجيهم نبجي .
: تفضلوا يماما تفضلوا
خِـيبر: تعالي يـَ الزرگة احبنج شكثر مشتاگلج
اني وضحى وحدة تباوع بوجه الثانية ومصدومين
من الميانة هاي .
فريال : جوز من سوالفك بناتي بطوالي ولك
التفت علينة وابتسم اشر على ضحى : هاي طالعة عليج
بس الثانية مبينة علينة
الأحمدي : بعد سراوي هم طالعة عليهة
حضني من كتفي واردف : بس هاية الصفرة حصتي
فريال : اي عيني من لگة اصاحبة نسة احبابة شبسرعة صرنة زرگ ومانعجبك
بدوان : يابة هسة حتى سلام ما سلمنة
الأحمدي: تعالن بابا تعالن سلمن على ولد عمجن
گلت بگلبي " صخام بعيني ابن عمي واني هادة عليهم للشركة واگلة انجب "
تقدمنة نسلم عليهم واحنة عبالك لعبة مكوكة ماندري شسالفة بس ابن عمنة وعليك يالله
أنت تقرأ
سَوار الــيهود
General Fiction. تعصُف الحياةِ على من حياتهُ رقيقة ليتجردَ من وشاح الملائكة للشياطين .
