شَايف مِن اشِتاگله ومَاگدر احچِيله؟
مِثل اليحِب الله ومَا يصَليله .
" سـاعه 8 وربع بتوقيت العراق "
المگـابر تاخذ شكو عزيز على الگلب
-: ليش عفتيني ورحتي يا كسرتي موتـتج كسرتني وكسرت بـنتنا كـسرت حيلي ما توقعت يجي هيج يوم وتعوفيني وحَـيدي
-: بابا شوكت اگـدر أشوف ماما؟
-: تشوفيها تشوفيها أنـتِ ثاني كسرة الي
بقيت امَـسح على تراب گبرهـا
-: بعده ترابج ماناشف وحگ الي خلقني اجيب الي سوه هيج وماعوفه لو اعرف اموت ، إرم بابا يلا امشي نرجع تأخرت على دوامي وأنـتِ اخذتلج أجازة
-: اريد امي
-: همست بگلبي وكلت ، ربي شنو هل اختبار الي تختبرني ياه والله گلبي ديتكطع زوجتي جوه التراب بنتي حالتها تكسر الخاطر ليش ياربي تعاقبني هيج عقاب
-: لزمت ظهر بابا وكلتله ، بابا ليش عيونك حمر
-: من التعب
-: تكـذب عليه؟
-: وليش اكذب عليج وأنـتِ ثنين عيوني
- حضنته وحطيت راسي على چتفه
:- يلا حبيبتي امشي
ركبنا ووصلتها للبيت وقبل لااطلع ضليت صافن عليها واني عيوني حمر مكسور خاطري ومدا اكدر انسى شديصير وشلون هيج صار ، ركبت سيارتي ورحت لـمكتبي
وكف كدامي مقدم رجب
-: سويت التحيه ووكفت كدامه ، سيدي
-: تفضل مقدم رجب
-: الله يرحمها سيدي ماجنت ادري انو توفت لو ادري والله اجي وتلكاني اول الي واكفين وياك بس ماكدرت صارتلي مشكله جبيرة
-: عذرك وياك و اعتذارك مقبول أنـت ماسويت شي
-: الله يخليك النا سيدي
-: الله يخليكم الي انتوا فخري هنا
-: من رخصتك سيدي عندي مهمة
كعدت اتذكر مواقفي ويه زوجتي
" قبل 3 اشهر من يومنا هذا "
-: أيهاب لا ههههههههههههههههههههههههههه
-: هوه شنو لا
-: طبخك مطيب اكعد
-: هوه شنو مطيب غير يجنن اني اقوى من شيف بوراك وين تلكين رجال مثلي هم كاريزما وهم يطبخلج
-: الله يحفظك الي يا كلشي بدنيتي
-: رمشي وماي عيني ، دشو تعاي
رشيت عليها طحين
-: ايهابب شعري جان حلو خربته
-: صار احلى دروحي
-: قبل احلى
-: بابا وماما تخبلوا
-: ابوج اني شعليه
-: تجيك التهايم وأنـت نايم شوكت سويت شي تتبلى عليه
-: منو رش عليه طحين دشوف حالتي
-: ماما صارت كيكهه
-: هيه امج كيكه من البداية
-: الله يحفظكم الي الله رزقني بزوج مثل الجبل وبنيه مثل الملاك
-: ويحفظج الي ام إرم
-: أبو إرم مو عندك دوام
-: كلتلهم مااجي
-: ليش
-: العائله كلشي
-: باجر تروح
-: يمكن هم مااروح
-: مو هيه بكيفك
-: اي بكيفي
-: هم صح بس اني زوجتك يعني بكيفي
-: هم صح
" الأن "
الذكريات واللحظات تبقى بالذاكره ومستحيل احد يكدر ينساها نفس ماصار بـ إيهاب
-: شيرجع هاي الايام وشيرجع فَـي
اتصلت على كل الي بالوزاره من الملازم للعميد
-: جمعتكم هنا لان لازم نلكه الي سوه بزوجتي هيج
-: سيدي كلنا تحت امرك أنـت بس أشر وكلشي يجرالك
-: اعرف بيكم والله بس لازم اليوم تشدون حيلكم مستحيل نبقى على هذا الوضع هوه تلكاه ببيته مبتسم وكاعد رجل على رجل ، اريدكم تبدون تحري على كل شخص يمر بموقع الحادثه
-: تحت امرك سيدي
-: رجب
-: نعم سيدي
-: ركزلي على سيطرات المنطقة شكو شخص يمر وشكو شخص يطلع
-: حاضر سيدي من رخصتك
-: رخـصك وياك
بديت اتحرى واشك بالكل واكول هذا الي سوه هيج واني اعرف ماسوى هذا الشخص بس تفكير المفرط ، رجعت للبيت تلكتني بنتي ركضت بأتجاهي حضنتي وذبت كل حيلها عليه
-: بابا حلمت حلم مو حلو
-: شنوه يا دنياي؟
-: أنـت دتعوفني وتروح والمكان صار اسود وبقيت وحدي بين اربع حيطان سود
-: لو شيصير هم مااعوفج أنـتِ بنتي كل روحي
-: صدك؟
-: قابل اجذب عليج
-: لا مو هيج بابا
دك تلفوني رفعته وشفت مقدم رجب ديدك عليه .........
التَـكمِلة ..........
أنت تقرأ
المجازفة رغم الحب
Actionعِـندمٰا تحِبُ يَـجب أن تَفقِد شَـيء ثَـمِين تَـمتلِكَهُ لَـكِن كٰان شَـخص لَـيس لَدِيهُ شَـيءِ لِيَفقِدَهُ إلا إنَ إلتَقىٰ بِفتَاة غَـيرت مَـجرىٰ حَـيٰاتهُ ! .
