: سيدي شنو المناسبه؟
-: حنروح نطلب ايد بـنت جـَهم
-: زين ليش أحنى بالذات
-: لان أنـتم اكثر اثنين اثق بيهم
-: رحم الله والديك سيدي
-: يلا امشوا ماعندي وكت
" بعد مرور كم ساعة "
' أيـَـار '
-: بابا اكو موضوع عادي احجي وياك بيه؟
-: اي حبيبتي تفضلي
-: بابا حيجون يطلبون ايدي منك وأتمنى ما ترفضهم
-: منو همه وبشكد يكبرج؟
-: من يجون تعرفهم بس هو اكبر مني بهواي
-: اصغر مني؟
-: لا
-: لا بشرفج؟؟
-: شنو
-: تتزوجين واحد اكبر من ابوج؟؟
-: ما يهم انت الي حتتزوجه لو اني والعمر مجرد رقم مراح يقدم او يأخر
-: الأمر لألله اذا همه جايين يخطبوج كومي تحضري
-: احبك بابا الله لا يحرمني منك
-: اي وشسمه ماريده يشوفج بدون حجاب هسه
-: شوفه شرعيه
-: لا ماكو هوه شنو جاي يتزوجج علمود شكلج لان حلوه؟ لو علمود گلبج وروحج؟ ، وهم تلكيه جايب كرايبه وبعدين يكلج تعالي لبسي حجاب كدامهم لا عيني ما ناقصنا
-: هم صح بابا هسه اروح اشوفلي شي يرهم
صعدت لغرفتي وبدلت وعدلت روحي وتعطرت
' إيـهاب '
طلعنا متوجهين لأبو الورد
اشترينا ورد وطلعنا علمود نتوجه لبيت جـَهم
-: سيدي ابقي اسمي نفسه واسم صگر نفسه لو نغيرهم؟
-: ليش نغيرهم من منو نخاف؟
-: لا بس هيج سؤال سيدي
-: اها
بعد مرور نص ساعه وصلنا لبيتهم
دكيت الجرس ووكفت بالنص يميني رجب ويسراي صگر
فتحت الباب الخدامه الي تشتغل عندهم
-: تفضلوا
دخلنا وكعدنا بالأستقبال
دخل جـَهم واني بس ظهري وشعري مبينين
-: أهـل.... إيـهاب؟
-: أي إيـهاب؟
-: شتسوي هنا
-: اطلب ايد بنتك
-: بنتي اصغر منك اصلًا أنـتَ لازم تعتبرها بنتك الصغيره
-: العمر مجرد رقم يا جـَهم مراح يقدم ولا يأخر ثاني شي اني احب بنتك وشاريها يعني لو اني رايدها حسب ما الي ببالك ف أنـتَ غلطان اني حاب بنتك مو لان حلوه اني حبيتها لأن گلبها نقي وصافي ماعندها كره اتجاه احد و تنحب اني حبيت روحها مو جمالها جـَهم !
-: وهسه المطلوب شنو؟
-: نخطب بـنتك
-: أني قابل بس مامتأكد من قبولي يمكن وره كم يوم اگلب عليكم
دخلت أيـار وهيه متحجبه ولابسه لبس محترم بس وجهها يلمع تكول ملاك نازل للسماء وزعتلنا گهوه وكعدت بصف ابوها
-: همست بصوت ناصي وصوفرت ، سيدي شو بنته احلى منه
-: كرصت زند رجب بقوه الا شويه وينشلع لحمه ، بنته الحلوه بعد شوي تصير خطيبة سيدك ف أحترمني لأن اني حصير خطيبها
-: سيدي دتأذيني وخر ايدك
-: وخرت ايدي منه وشابكت ايدي وتجيتهن على رگبي ، لتعيدها ، نقرا الفاتحة؟
-: أقرُوا
الكل قرا الفاتحه واني من كملت اخذتني الصفنه بوجه أيـار اكول بنفسي شلون حيطاوعني گلبي اجرح گلب هيج ملاك
-: باع إيـهاب قسم بالله العلي العظيم اذا اجت بنتي ودمعتها تارسه وجهها وتكلي بابا بغصه ماتلوم الا نفسك اخليك تكره روحك هم كول جـَهم ما كال
-: أخليها ببطن عيني صدك جذب ولا يهمك بنتك امانة يمي
-: شوكت تسون عقد القران والمحكمة والخطوبه والزفة؟
-: احنى مقررين منسوي خطوبه رأسًا عقد قران ومحكمه منريد لا هوسه ولا زفة
-: حلو حلو بس ماكدر لازم نسوي زفة هذا يوم واحد بالعمر اريد بنتي تفرح بيه مستحيل اخليها متفرح راح تسوون عقد قران وخطوبه وتعزمون كل الدنيا
-: قابلين
-: على بركة الله لعد عگب باجر عقد القران ووراها بيومين الزفة
-: تمام نترخص هسه احنى
-: رخصكم وياكم
طلعنا اني ورجب وصگر راكبين السياره ومتوجهين لبيتي
-: كعدت افتر بالأستقبال واحس روحي حتطلع
أنت تقرأ
المجازفة رغم الحب
Actionعِـندمٰا تحِبُ يَـجب أن تَفقِد شَـيء ثَـمِين تَـمتلِكَهُ لَـكِن كٰان شَـخص لَـيس لَدِيهُ شَـيءِ لِيَفقِدَهُ إلا إنَ إلتَقىٰ بِفتَاة غَـيرت مَـجرىٰ حَـيٰاتهُ ! .
