-: الو سيدي
-: تفضل مقدم رجب
-: سيدي لازم تجي هسه حالًا
-: نص ساعه ويمكم
-: تمام سيدي
بست راس إرم وطلعت
" بـعد ربع ساعة "
-: ها رجب شكو
-: سيدي اشتبهنا بـشخصين
-: منو همه
-: فتحت الكومبيوتر وطلعت صورهم ، هذا اول مشتبه جان واكف بعيد بوقت الحادثه وجانت نظراته مو راحة
-: شنو اسمه؟
-: أحمد
-: والثاني؟
-: سيدي الثاني جان فوك سطح المحل الي اخذنا منه الكاميرات لان المحل الي كدامه صور
-: شنو اسمه هذا؟
-: سلطان
-: تحروا عنهم وجيبولي ياهم حالًا
-: حاضر سيدي
بقيت صافن وافكر منو ذول وشرايدين مني ومن زوجتي اخذتني الصفنه والحيرة دمرتني
"بعد مرور ساعتين ونص "
اندك باب المكتب
-: ادخل
-: سويت التحيه ووكفت كدامه ، سيدي جبنا المشتبهين بهم
-: دخلوا أحمد بالبداية
:- تحت امرك ، سيدي هذا احمد
-: تعال اكعد كدامي
-: انتوا شتريدون مني
-: صم حلكك واسكت موش ياهو الجان كدامك
-: رجب عوفه خل يحجي الي يريد
-: سيدي ....
-: رجب كلتلك عوفه ماكال شي
-: تمام سيدي
-: شنو جنت تسوي بعيد وتباوع بموقعه الحادث الي قبل 3 اشهر؟
-: ها؟؟
-: جاوب !!
-: شلكم علاقه؟
-: احترم نفسك عزيزي
-: رجب عوفه
-: ماجنت اسوي شي
-: لتجذب عليه مو قبلك هواي حاجي هيج وهسه همه مؤبد
-: حرام واحد يمشي هناك؟
-: المكان جان محاصر وكله اطلاق نار انت شجابك؟
-: اجيت صدفه
-: ياعيني لا تجذب
-: مدا اجذب
-: رجب دوروا ورا هسه شمروا بالسجن المؤقت
-: تحت امرك سيدي
-: بطريقك دخل شسمه ذاك سلطان
-: هذا سيدي
-: أنـت سلطان؟
-: اي
-: تعال اكعد هنا
-: ليش اخذتوني
-: نسألك كم سؤال والله ومحمد وعلي وياك
-: اسأل
-: شنو جنت تسوي فوك سطح المحل الي بنصه الحادثه؟ احد دازك؟
-: ماكدر اكول
-: شنو متكدر تكول تدري منو اني؟
-: ليش منو انت؟
-: ههههههههههههههههه ايابه بابا اني لواء ركن إيهـاب يـونس
-: ماكدر اكول منو الدازني
-: تحجي لو تتورط
-: ماكدر احجي
-: تحجي غصبًا على الي جابك
-: سيدي والله ماكدر احجي
-: ليش بلا؟
-: يكتلون عائلتي
-: شحدهم
-: والله انت متعرفهم سيدي والله يكتلون عائلتي
-: كول وعائلتك أمانه برگبتي
-: والله ماكدر سيدي بنتي بعدها ماشايفه من الدنيا شي ماريد تخلص حياتها بسببي وزوجتي وامي
-: محد يكدر يطخهم
-: اشرت على القميص علمود يوخرون التسجيل منه
-: رجب
-: تحت امرك ، كطعته منه
-: هسه احجي براحتك
-: اخاف فهموها سيدي
-: لتخاف شو انطينا موقع عائلتك ، رجب دز ثلاث سيارات مسلحه ورجالها وحرسوا البيت
-: الف رحمه على روحك سيدي
-: منو الشخص؟
-: واحد مرعب اسمه جـَهم انسان حقير واناني كلش يريد كلشي لنفسه تاجر ممنوعات و قاتل
-: موقعه ؟ وين يشتغل شيسوي اوقات طلعته؟
-: موقعه ******* ، يشتغل بالمتاجره ، اوقات طلعته ب 2 الظهر يرجع ب 3 الفجر والى ما لهُ نهاية
-: رحم الله والديك سلطان اي شي يصير اتصل عليه وقوي علاقتك بـ جـَهم اكثر علمود نعرف شلون ناخذ حق زوجتي
-: اكدر اطلع؟
-: طبعًا
-: من رخصتك
-: رخصك وياك ، رجب رافكه
-: تحت امرك سيدي
' جـَهم '
اذا انت رقم بالهدة محسوب
انا السيف اذا هدو عمامي
-: اختفى سلطان افندي مندري وين راح ، سبع تعال
-: أمر باشا
-: روح شوفلي البضايع وتعال
-: حاضر
-: يلا بسرعه لك
-: بقى خير من الله
-: دروح منا هسه اطلع
-: تمام باشا
' إيـهاب '
-: إرم رمشي تعالي
-: ها بابا
-: تحبيني؟
-: ليش لا؟
-: بس هيج سألت
-: لتسأل بعد
-: تمام
-: شسويت اليوم بالدوام
-: شفت عمو رجب
-: عموو رجب مشتاقتله
-: عود يجينا بعد كم يوم و لا يهمج
-: صدك بابا ؟
-: اي قابل دا اكذب يا رمش أبوج
-: أحبك الله لا يحرمني منك
التَـكملة .........
أنت تقرأ
المجازفة رغم الحب
Actionعِـندمٰا تحِبُ يَـجب أن تَفقِد شَـيء ثَـمِين تَـمتلِكَهُ لَـكِن كٰان شَـخص لَـيس لَدِيهُ شَـيءِ لِيَفقِدَهُ إلا إنَ إلتَقىٰ بِفتَاة غَـيرت مَـجرىٰ حَـيٰاتهُ ! .
