-: متأكد؟
-: اي قابل شنو
-: اذا ما قبل شلون؟
-: لا تخافين يا عيوني
-: واثقه بيك اني
كعدنا شويه بعدين كمنا وصلتها للبيت واني رجعت نمت
" ساعه 10 الصبح "
كمت سبحت وبدلت ورحت للمگبرة
وصلتلها واني مخنوك ما اريد ادخل احس دا اخون فَـي
-: اهخ يا فَـي كسرتي گلبي سويتيه رماد احس ما عندي گلب بلياج أنـتِ جنتي مصدر سعادتي وابتسامتي هسه حتى ابتسامتي اتصنعها
شفايتلي لو هسه أنـتِ بين ايديه وتشوفين أرم شكد فرحانة من تشوفنا سوه يا دنيتي الي داسويه احسه كلش غلط اخونج وهم اكسر ببنيه وبشرفها ما ادري اذا أنـتِ و هيه حتسامحوني بس مجبور مجبور ما عندي حل فكرت و فكرت وما لكيت حل اتمنى تجي طلقه تايهه وتكتلني
كعدت ساعة وكمت رحت للكلية أيـار
وصلت بعد مرور وگت وبقيت كاعد بالسيارة
اول ما شافت السيارة عرفت هاي سيارتي لان سيارتي كاديلاك الحديثه
ركبت وسلمت
-: هلو
-: أهلًا
-: شعجب من وكت
-: چـا قابل اعوفج بالشمس تحترگين يعويناتي؟
-: شو تعال عدل شعرك ، عدلت شعره وباوعتله ، هيج احسن مو؟
-: شفت نفسي بالمرايه ودرت راسي عليها ، لازم تفتحين صالون
-: رجالي؟
-: هاي شنو رجالي شنو فتحي نسائي
-: لا لا حصير مهندسه
-: عفيه عفيه
-: عگبة العصر اجي اتقدملج
-: فرحت وعيوني لمعن ، مو تأجلها
-: نحتاج نسوي زفه وهل سوالف لو عقد قران و محكمه هيج بدون هل سوالف؟
-: خليه بدون ما احد يعرف افضل ماريد هوسه
-: تمام يا عيون إيـهاب
وصلتها لبيتها واني رحت كعدت يم نهر دجلة
ليش داسوي هيج بالناس وبيه اني هم بشر و هيه هم بشر ليش اكسرها وأذيها چنها ملاك نازل من السماء مابيها اي عيب لو بيها عيب جان كلت العيب بعيوني بس مابيها اسلوبها مثل الورد سمعتها انظف من كل شي ليش اجي اكسر بشرفها وأذيها واخلي روحها رايحه بسبب ابوها ليش اخليها تدعي عليه بدعوات تكسر الظهر ليش اخليها تنزل دموعها بسببي وكل كسرة حتنكسرها بسببي هسه اني دا اخدعها بقناعة اول ليله بزواجنا حتشوفني شخص اخر يخليها تكره الحياة اهخ يا ربي سامحني حكسر عبدك الضعيف الي لا حول ولا قوة
كمت و رجعت لبيتي
" بعد مرور يومين ساعه 7 ونص "
-: الو صباح الخير رجب تعال أنـت وصگر وجيبوا لكل واحد منكم قاط اسود
-: تمام سيدي ساعه ويمك
-: لا تطولون شغله ضرورية
" بعد مرور ساعة و 3 دقايق "
-: مو كلتلكم لا تتأخرون
-: استاذ اجيناك على الوكت
-: شهل جذب رجب تأخرتوا 3 دقايق و 32 ثانية
-: هاي شنو سيدي حافظه
-: لعد شلون يمعود ، هسه جبتوا اللبس؟
-: اي سيدي
-: البسوهن وتعالوا
-: تمام سيدي ، امشي صلي،،،، صگر
-: ديلا يمعود
راحوا لبسوا القوط وأجوي
-: اي عفيه شوفوا جمالكم
أنت تقرأ
المجازفة رغم الحب
حركة (أكشن)عِـندمٰا تحِبُ يَـجب أن تَفقِد شَـيء ثَـمِين تَـمتلِكَهُ لَـكِن كٰان شَـخص لَـيس لَدِيهُ شَـيءِ لِيَفقِدَهُ إلا إنَ إلتَقىٰ بِفتَاة غَـيرت مَـجرىٰ حَـيٰاتهُ ! .
