المجازفة رغم الحب

part 6

ساعه 8 "

كمت وطلعت مريت على المكتب
اخذتلي نظره وشفت شصاير ماصاير ورحت
رحت لبيت جـَهم وتلكوني حراسه

-: تفضل أستاذ إيـهاب

دخلت وكعدت شفت جـَهم نازل ولابس قاط
كعد كدامي

-: سلام عليكم
-: وعليكم السلام
-: شلونك إيـهاب ؟
-: الحمدلله وأنـتَ
-: الحمدلله دوم

وره كم دقايق نزلت أيـار وكشختها ماليه المكان باوعت عليه وابتسمت

-: صباح الخير بابا ، صباح الخير استاذ إيـهاب
-: أشرتلها بما معناه ماكو داعي على كلمه استاذ بدون ماابين لأبوها ، صباح النور
-: صباح النور بنتي
-: فهمت معنى إيـهاب بس غلست ، بابا السايق صارتله مشكله ميكدر يوديني للگليه
-: خلي واحد من الولد يوصلج
-: على بختك جـَهم تدزها بيد الولد واني موجود؟
-: متقصر اذا وصلتها

كمت واخذت أيـار وركبنا السيارة

-: شلوني؟
-: ما قصرت
-: اعجبج اني صدك جذب
-: هههههههههه يلا تأخرت لا تصير الشجاع
-: كل هاي الشجاعه و مو بعينج افا
-: لا بعيني لتزعل
-: يلا تمام

وصلتها للگليه ونزلت واني بقيت بباب الگلية لحد ماتخلص تقريبًا 3 ساعات ونص واني كاعد بالسيارة صاكعتني بالشمس

طلعت وشافت السيارة
نزلت نظاراتها وباوعت على السياره عبالها شخص ثاني
فتحت الجامه وأشرتلها ، لاحضتها ابتسمت
صعدت وباوعتلي

-: صارلك شكد هنا؟
-: هلو
-: هلو
-: لتكلي من جبتني لحد هسه انت هنا؟
-: يمكن
-: چذاب
-: ليش اجذب يا عيوني
-: ما ادري حسيت
-: بس هوه اني مصكوع بالشمس صارلي 3 ساعات ونص بس متحمل
-: ليش مرحت وبعدين اجيت
-: صدك جذب لو اموت ماعوفج هنا مو كلتي السايق مالتج عنده مشكله
-: ابتسمت وباوعت كدام ، يلا امشي وين نروح
-: وين تريدين نروح ماعندي مشكله بأي مكان
-: بكيفك
-: لا بكيفج
-: لا بكيفك
-: اهو هسه بكيفي لو بكيفج
-: بكيفي
-: هم صح يلا
-: مادري خل نروح للبيت
-: ديلا تمام

وصلتها للبيت و رحت كعدت بالگهوه الي يجتمعون بيها الولد

-: لك صليبخ شبيك راسك جنه دولگه ماكو عمليه تصغير راس
-: رجوبي هاي عيونك لو دعابل
-: دروح وين تلكه مثل عيوني ادبسز
-: جعموصص هاي شنو نعولك
-: صليبخ احترم شنو هاي
-: صلبوخ اول مره يكول كلمه بيها خير صدك شنو هاي نعولك
-: جا شسوي لكيت نعال مشكوك واجيت بيه شوف روحه حتروح
-: سلام عليكم
-: همست وكلتلهم ادبسزيه دكوموا ، وعليكم السلام سيدي
-: وعليكم السلام سيدي
-: وعليكم السلام سيدي
-: كعدوا ليش واكفين
-: كرصت صليبخ ، هذا صلي،،،، صكر فرفوش
-: رجب
-: نعم سيدي
-: بلا تحشيش سمعت حجيكم
-: ولك سمعنا صليبخخخ ، ها سيدي شسمعت
-: اكللكم سمعي قوي ترا داسمعكم
-: سيدي انت مركب سكوب ولابس سماعهة محيطيه شو تشوفنا من بعيد وتسمعنا من بعيد
-: من الله لا سكوب ولا سماعة ، كوموا جيبولي گهوه مرة
-: تأمر سيدي

جابلي رجب الگهوه شربتها وطلعت
افكر شراح اسوي بعد ومدا الكه خطه جديده عقلي متشوش فد مره احس حيطلع من مكانه من هلكد ما روحي رايحه كمت اكره كلشي ادخل لبيت شخص مجرم وادمر حياة بنيه مثل الملاك وأذيها علمود انتقم من ابوها ياريت لو اكو طريقه ثانيه بس ماكو غير انو انتقم عن طريق بنته

" بعد مرور يوم كامل "

لا حس ولا نفس محد يسأل محد يحجي

دكيت على أيـار علمود نلتقي

-: هلو
-: أهلًا
-: شلونج؟
-: الحمدلله
-: نلتقي بمطعم """""
-: تمام شوكت
-: هسه
-: تمام عيني

' أيـار '

كعدت كدام المرايه ضبطت نفسي حطيت تنت و مشطت شعري ولبست شالي
كملت وطلعت

" بعد نص ساعه "

' إيـهاب '

جنت حاجز طاوله شفتها من بعيد داخله
بدت تتقرب من الطاولة لحد ما وصلت يمها باوعتلي وباوعتلها

part 7

كـمت بعدت كرسيها علمود تكعد

-: تفضلي

كعدت و اني هم كعدت

-: شنو هل أجواء الحلوه
-: شعبالج ، هسه هذا مو موضوعنا موضوعنا شي ثاني
-: والي هوه؟
-: عادي اذا ترفضين بس عادي ، شوفي أيـار أني احبج من اول يوم شفتج واني مغرم بيج ومو علمود شي بس حسيتج بنيه ماعندها سوالف مثل بنات هسه ، أنـتِ بنيه واعية

طلعت علبة صغيرة من جيبي وفتحته

-: تقبلين تتزوجيني؟
-: بقيت صافنه مثل الصنم بس بـ داخلي فرحانة ، أي ليش لا

ابتسمتلها ودخلت الخاتم بأصبعه وشبگت ايدي بأيدها
ابتسمتلي وهيه دتباوع بأعماق عيني

-: بس أنـتَ أكبر مني ما اتوقع ابوي حيقبل
-: يقبل ونص يا بعدي