أن كان يحَـكم دارنـا أخـوان نوره حـبه يحكَـم ضلـوع صَـدري والأركَـان .

البارت 9

سلمان ناظر عزيز بتوتر وعزيز كمل : سلمان اكيد حبيتها ولا وش تفسر شعرك لها وتوترك واحساسك بالامان وهي معاك
سلمان قام بتوتر : معرف المهم خلنا ندخل لين العيال يجون
عزيز ضحك : تتهرب انت ووش مصيرك متقبل انك تحبها
ضحك سلمان : قم قم
دخلوا المجلس فيما يجون العيال ..

__________

عند البنات :
دخلت ميلا ولفت رؤى : ها عساك استانستي
ميلا ابتسمت : اي والله ياحبي للخيول
سلمى : ميلا شرايك تدربين معنا
ميلا : وين بالأسطبل قصدك ؟
ليان : ايي
ميلا : مدري والله
سلمى : معليك فكري
ميلا : ان شاءالله
رنا : بنات اقولكم شغلوا السماعه خلونا نرقص
ريوف : جوووي تممم
عنود : رنا فضحتينا اجلسي
رؤى : خلييهاا عسللل والله
هنوف : انا ماعندنا الا هز خصر ارقصووا
رنا : اووهه لعبة ميلوو ميلو قومي
ميلا بأحراج : لالاخلوني جالسه
رؤى : لا والله لتقومينن
ميلا ضحكت مع البنات وقامت تتمايل وتهز والبنات ميتين على جمالها وهزها وحابيينها مرراا ...

___________

عند العيال :
دخل سعود ووراه راشد معاه اكياس : ابلش يادلع البنات
خلف : هههههههههه خواتنا خل يتدلعون
سلمان : وش ذا كله
عزيز : قالوا جيبو اشياء مب قشو البقاله
سعود : والله مالي خلق افكر قشيت الي قدامي
راشد : قلت له دق عليهم وعيا
سلمان : مودعين انتم وش موديكم هههههههههه
خلف : اقول عاد خلونا نضبط الجلسه وناكل ونلعبها بلوت
عزيز : تمم والله بس بروح اغسل يدي واجيكم
سعود : دامك رايح رايح اخذ الاغراض للبنات
عزيز : زين
اخذ عزيز الاغراض وطلع متوجهه لمجلس الي فيه البنات
وطق الباب وفتحت رنا من ورا الباب : مين !
عزيز : انا عزيز
رنا ضحكت : عساس عرفتك
عزيز جته لحظة ادراك : هههههههههه
رنا تفشلت من ميانتها : اسفه بس الروقان الزايد كذا يسوي
عزيز ابتسم : معليك روقي بس جبت لكم الاغراض الي جابوها العيال
رنا اخذت الاغراض وفتحت الاكياس وشهقت : خيير !
عزيز بأستغراب : علامك !
رنا : لا سلامتك روح حسابي مع روشيد ذا
عزيز ضحك على الاسم : شفيه طيب
رنا : ماجاب لي ليبتون
عزيز : يمكن نسى
رنا : الله يسامحه عاد نفسي فيه اوريك فيه بحاسبه
عزيز ضحك من فهاوتها ومشى وسكرت رنا الباب وجتها لحظة ادراك متأخره ( رنا ! حماره انتي تمونين مع الرجال ماالتت عليك امسكي لسانك )
دخلت رنا الاغراض للبنات بعد الرقص جلسوا يسولفون ..

عند عزيز الي حس ان رنا منجد نفسها ب ليبتون حرك سيارته يروح لاقرب بقاله يجيب لها من حسن نيه ...

____________

الساعه 10 في بيت ابو خالد :
ابو خلف : عاد انا استأذن بنروح للبيت
ابو خالد : ياهلا
خالد : نورتنا ياعم
خلف : ابد النور نورك ياولدي
ابو سالم : والله فرحة بجيتك للرياض يابو خلف فرحه لايعلم بها الا الله
ابو خلف : يابعد راسي
سالم : اي والله ياعم فرحتنا
سعد : وحنا اهل كلنا بناتك خواتنا وعيالك اخواننا
ابو خلف : بعدي والله اي والله انكم اهل بس الا البنات والعيال متى يرجعون
ابو خالد : معليك مايطولون يرجعون قبل 12 ان شاءالله
ابوخلف : زين ان شاءالله
ودعهم ابو خلف واخذ ام خلف وتوجه لبيتهم ..