عند العيال بالغنم :
عزيز : الحين عمي قال يبي حليب أبل صح ؟
خلف : اي
عزيز : طيب ليه نحلب الغنم
فيصل : يقالك تشكيله يعني تنويع
عزيز : الشكوى لله عاد امسكو وانا احلب
فيصل : يلا
ابتدوا يحلبون الغنم زي ماطلب منهم ابو خالد ...
بالطرف الثاني عند البل :
راشد بصراخ لسعود الي معطي ظهره الناقه : يحمماار
سعود ركض بخوف : هاه وشو وش في
سلمان الي تسدح ضحك عليهم وراشد يناظر سعود : مهبول انت معطي ظهرك الناقه لو رفستك مانلقاك الا ببنقلادش
سلمان الي انهار ضحك : لييتهاا رفستهه كود يرجع له عقله
سعود : يليل البلشه حنا وش الله ابلشنا يبونا نعيش حياتهم
سلمان : تصدقون عجبتني فعالية الوالد
راشد : البلشه الليل من وين نلقى لنا فعاليه
سعود : عزالله
سلمان : يدبرها الله عاد انا بروح اجيب مويه واجيكم
سعود : من وين
سلمان : ابوي وصف لي مكان غدير بروح له
راشد : انتبه لاتضيع بالخليان بس ماحنا فاضين انت بعد
سلمان : هههههههههه ابشر بمر الغنم واخذ عزيز معي
سعود : يلا لاتبطي
____________________
عند البنات :
وصلوا للغدير وناظرت رنا : بحيره ويقولون غدير والله مدري وش يفكرون فيه
ليان : حرفياً
ميلا تناظرهم : ذي بحيره ؟ خلف الله على عقولهم بس عبي انتي وياها المويه
ريوف ضحكت من ميلا : تكفيين يجلطون هههههههههه
رنا : عاد انا صادقه
ريوف : عاد تصدقون احس بتصير فعاليات
ليان : أي فعاليات يامسلمه وحنا بننكرف
ميلا : الصدق انا متحمسه
رنا لفت على ميلا : ايه اصلاً محد مستانس الا انتي استاذه ميلا
ميلا ضحكت واخذتهم السوالف لين تكلمت ريوف وهي تناظر من بعيد : وي ذا مو عزيز ؟
لفت رنا بفضول وكان فعلاً عزيز ومعه سلمان كانت رنا تركيزها على عزيز كان عزيز جميل وجداً وأجمل مافيه شعره الكثيف كان حاط الشماغ على رقبته ويسولف مع سلمان .
رنا سرحت بتأمل ملامحه لين دقتها ميلا بيدها وهي تهمس : شوي شوي على عيونك فضحتينا
استوعبت رنا على نفسها ولفت وليان ناظرتهم : اي وسلمان معه وش جابهم
وقف سلمان : اسلم وش تسوون هنا
ليان بعبط : نلعب
سلمان : هاهاها ياسامجه
ريوف : شوفة عينكم نعبي مويه
ميلا وقفت وهي تنفض الغبار من عليها : خلصنا يلا نرجع
ليان بضحكه : واضح ان ميلا ماتبي لكم شوفه
سلمان لف عليها : افا
عزيز ضحك ولفت ميلا : لا مو قصدي بس عشان مانتأخر نساعدهم بالعشاء
ضحك سلمان ولفت ريوف على عزيز : شل عن اختك
عزيز : اقول ياعيون اخوك انكرفت عند الغنم بنكرف لك بعد
ميلا عقدت حواجبها ب استغراب ولفت ليان تضحك : هههههههههه لاتستغربون ذا دايم يستعبط كذا
ليان تبي الفكه من الشغل : يلا عاد انا بروح بشوف البل
ريوف : خذيينيي
ركضوا ريوف وليان ولفت ميلا : هييه بناتت ميين يشل كلل ذااا
رنا : ياخايناتت اقولكم امششواا
سلمان ضحك : خلوهم ماعليه احنا نشيلها
ميلا لفت برفض : لا !
سلمان : ليه !
ميلا الي كانت تتهرب وماتبي تتقرب منه : احنا نشيلها مافي داعي
سلمان : بنشيلها عادي
رنا بملل : واضح شغلتكم طويله ميلا انا بروح وانتي الحقيني عاد
ميلا لفت عزيز : عزيز لاهنت الحقها لاتضيع الطريق
عزيز : ابشري
لحق عزيز رنا : عطيني عنك
وخرت رنا عن المويه وعزيز يشيلها وماشين متوجهين للخيام ..
لف سلمان على ميلا : ليه العناد
ميلا : ما عاند بس مافيه داعي تتعبون نفسكم
سلمان ابتسم : تعبك راحه يابنت سعيد
ميلا تناظره بعيون كلها جمال سلمان بدون وعي : ماهقيت ان البرقع يخلي العين فاتنه كذا ولا هي عيونك فاتنه ؟
ميلا بتوتر تبعد نظرها عنه وهي متوترره منه وماتبي تتعلق فيه تخاف الحب ! سلمان ب استغراب : ضايقتك بشي ؟
ميلا لفت عليه : هلا ؟
سلمان رفع حواجبه بأستغراب : ياوجعها هلا عقب لبيه !
ميلا بتوتر : سلمان لاتوجعني خلني اروح دخيلك
سلمان : ليه تتهربين مني !
ابتدت السماء تمطر عليهم والشمس على وشك الغروب وميلا الي ماعاد قدرت تتحمل : ماستاهلك ياسلمان انا ماستاهلك لاتحط امآلك فيني وتوجعني فيك
كانت ميلا تشوف سلمان يستاهل الاحسن منها تشوف حوله كثيير تقول لنفسها " حوله كثير وش يبي بي ؟" ماتدري ان كل الي حوله ماهمه الا هي ..
سلمان بقلة حيله : ليه ماستاهلك ليه ! انتي النور الي نور لي العتمه ال كانت بعيوني وتقولين ماستاهلك !!!
ميلا تبيه يبعد عنها : مايجي مني خير لك
سلمان مو قادر يكتم اكثر : أبيك بخيرك وشرك يالميلا
ميلا غمضت عيونها وتننهد بضيق والمطر فوقهم وهم يناظر عيونها :
أنت تقرأ
أن كان يحَـكم دارنـا أخـوان نوره حـبه يحكَـم ضلـوع صَـدري والأركَـان .
कविताميَلا الي تحب ديرتها حب شديدد ماحد يقدر يوصفه وسلمان الي يهوى الرياض بس يهوى ديرته ب قدر الرياض تجمعهم صدفه حزينه بس السؤال هل ممكن يجمعهم القدر مثل ماجمعتهم هالصدفه؟
