وقفت ميلا قدام الباب قبل تدخل على البنات تحاول ترتب دقات قلبها الي تسارعت وهي تاخذ نفس عمييق وتدخل : سلام
رؤى لفت بحب : ياهلاا وغلاا
ليان : ياالله حييهاا
سلمى : وعليكمم السلام ياهلاا
ميلا ابتسمت ل ترحيبهم : البقا الله يحيكم
رنا : سمعت صوت شي انكسر وش في ؟
ميلا بتوتر : معرف ماشفت شي
رؤى : ماعليكمم تلقونه العيال كأنهم مبزره يكسرون كلشي
عنود ضحكت : هههههههههه متصالحين مع الوضع
سلمى : نقول تعودنا هههههههههه
ميلا : الا وين ريوف وهنوف ؟
ليان وهي تقدم لهم الحلا : والله مدري ناديناهم بس ماتوقع يجون
رؤى : عاد هاذا حلاي يابنات لازم تذوقونه وتعطون تقييم سرييع سرييع
ميلا : هههههههههه ابشري
اكلت عنود وهي تستلذ الطعم : امم اممم يالذاذه وش ذاا يابنتت
رنا : والله مبب هينه عطينا الوصفه
سلمى وهي تضحك : وصفه سريه ماتعلم احد فيها
ليان : حتى احنا ماعلمتنا
ميلا ضحكت : كذا نظامك
رؤى : عاد وصفاتي ماعلم فيها احد هههههههههه
كملوا قهوتهم واخذتهم السوالف والضحك وجلسه مافيها تفس ثقيله .
_____________
عند سلمان :
طلعوا عزيز وسعود له ركض عزيز : ولد ! سلمان شجاك!
سعود بخوف : سلمان شصار !!
سلمان كان مفهي ومبتسم وهو للحين تأثير عطرها : هاه
عزيز ناظره : صاحي انت وش الي مخليك مبتسم
سعود وهو يناظر عزيز : اقولك ولد عمك تجنن مخه مب معه
عزيز : وقت مزح ذا الحين
سعود وهو يلوح لسلمان بيده : الووو من الاررض ل سلمانن هلل تسمعنيي ؟
سلمان وهو يضحك : هاه شفيكم علامكم
عزيز : انت الي شفيك وش الي صاير هنا
سلمان ابتسم : ماصار شي
سعود : وراك تتبسم طيب
سلمان : لحوول ياخوي الابتسامه بوجه اخيك صدقه
عزيز : وش الي مطيح اللمبه
سلمان : شدراني من العمال االفاهين ماركبوها زين
سعود : طاحت عليك !
سلمان : اي كتفي
عزيز : لف لف نشوف جاء شي ولا
سلمان : يرجال مافي شي ماعليك
سعود : اقولك لف
لف سلمان وعزيز يناظر بصدمه : مافي شي اجل والدم الي على كتفك من وين جاء
سلمان : يخوي جرح بسيط ماعليكم بروح ابدل ثوبي واجيكم نفرفر ام الرياض الليله
ركض سلمان ل غرفته ولف سعود ل عزيز : معلمك ان مخه مب معه
عزيز ضحك : صاير شي وبيعلمنا اكيد
_________________
في بيت ابو خلف :
كانوا ام خلف وابو خلف زعلانين على الميلا خصوصاً ام خلف الي اكلها تأنيب الضمير : ليتني مادخلتها ليتني سكرتت الباب بوجهها ليييت
ابو خلف : عيني خير يامره
خلف : يمه يابعد الدنيا كلها لاتتضايقين صار الي صار
راشد : ولو شافتك ميلا كذا متضايقه بتتضايق اكثر
ابو خلف تنهد بضيق: شايل همها
راشد : يانظر عيني لاتشيل همها والله الميلا بخير
خلف : وبتتخطى شف كيف راحت ل بنات ابو خالد عشان تسلى عن الحزن لاتشيلون همها ميلا قويه وبتقدر
ام خلف : الله يسمع منك ياولدي
ابو خلف يحاول يغير الموضوع : شصار على المحل لقيتو ولالا
خلف : اي نبشرك لقينا محل واسع وزين وسعره مناسب واخذناه
راشد : والبضايع توصل بكرا ان شاء الله ونبدا شغلنا
ابو خلف : زين خير ان شاء الله ومكتب البنات ؟
راشد : اي لقو مكتب زين ولاهو بعيد مرا عن البيت وكتن ب اثاثه بس مدري مدري بيغيرون شي ولا
ام خلف : الله يوفقكم يارب
خلف : اميين يالغاليه
راشد : انتم قومو ناموا وارتاحوا انا انتظر البنات لين يجون
خلف : انت نام ماعليك انا بنتظرهم
راشد : لا يالطيب عشان انت تقوم مع القايله تستلم البضاعه
خلف ضربه بالمخده : اهب يالخسيس
ابو خلف راح الغرفه ضحكت ام خلف : الله يصلحكم
راشد انبسط على ضحكة امه : ياجعلل هالضحكه دووم
خلف : اصفقق لك راشد دامك بتضحكين
راشد : اذا المقابل ضحكة الوالده موافق موافق
ام خلف تضحك على مناقرتهم : الله لايحرمني منكم
راشد ابتسم : ولا منك يالغاليه
راحوا خلف وام خلف ينامون وراشد تكى بالصاله على جواله ..
أنت تقرأ
أن كان يحَـكم دارنـا أخـوان نوره حـبه يحكَـم ضلـوع صَـدري والأركَـان .
Poetryميَلا الي تحب ديرتها حب شديدد ماحد يقدر يوصفه وسلمان الي يهوى الرياض بس يهوى ديرته ب قدر الرياض تجمعهم صدفه حزينه بس السؤال هل ممكن يجمعهم القدر مثل ماجمعتهم هالصدفه؟
