أن كان يحَـكم دارنـا أخـوان نوره حـبه يحكَـم ضلـوع صَـدري والأركَـان .

البارت 10

طلعت رؤى تاخذ الشاحن وشافت ميلا على الخيل : مهره وعلى خيل كيف جت ذي يابنت
ميلا ضحكت لها وراحت رؤى اخذت الشاحن ورجعت داخل للبنات : اقولكم ورا مانطلع برا
ليان : يلا ونسوي جوله للبنات الاسطبل
عنود : عاد الاسطبل يجنن ماشاءالله
سلمى : اجل قمنا
رنا : يلا
قاموا البنات يتمشون بالاسطبل ويتعرفون عليه ..

_____

عند سلمان الي ركب السياره وهو للان مو مستوعب الي شافه وقلبه تسارعت دقاته ابتسم لاشعورياً : سبحان من سواها
التفت على جواله الي يدق ورد : هلا ؟
عزيز : وينك يامسلم تأخرت فيك شي ؟
سلمان شغل السياره : لالا جايكم الحين
عزيز : زين يلا
سكر سلمان وهو يحرك وللان خيال ميلا مستحيل يفارق ذاكرته ابداً
_______

رجع محمد لبيته بخيبه ولف على زوجته بغضب : شفتتييي يامرره شفتييي قلتت لكك مامن روحتنا فاييده
ام ارياف : هد يرجال لها محلولها وحلها عندي
ارياف : امي بتحلها يابوي
محمد طلع لغرفته بغضب وندم انه راح لابو خلف
لفت ارياف على امها : وش السواة الحين واضح ان الورث لو وش ماكان ماراح يجينا منه ربع حتى
ام ارياف ب ابتسامه خبيثه : بناخذ الورث اخذ خلوها علي وبس
ارياف : بس عمي اكيد كاتبه كله ل ميلا
ام ارياف : قلت لك دبارها عندي لاتزعجيني روحي غرفتك
ارياف طلعت لغرفتها وهي مستغربه شلون امها بتحل ذا الشي وام ارياف بخبث تدور الفكره براسها وهي مستعده تسوي كلشي عشان تحصل على ذا الورث لو كلفها ذا الشي كثيير ...

______

عند البنات :
رؤى تأشر على مكان الخيول : عاد اغلب هالخيول الي تشوفونها ل سلمان
ليان ضحكت : لاتستغربون لكنه يعشق الخيول عشق كبير
هنوف ابتسمت بتأمل كلامهم عنه وميلا ردت : ماحد يلام بحب الخيل
رنا ضحكت : اووهوه عاد ذي والخيل قصه ثانيه هههههههههه
سلمى : وطبعاً ذا خيلي كسار
ميلا تمسح عليه : يااحلووهه
ريوف بضحكه : انتبهي ياميلا عاد ذي غيوره عليه
ميلا ضحكت : اسفين اسفين
عنود : والله مدري وش لاقين بالخيول حيوانات زيها زي غيرها احس مافي فرق
رنا : ابلعي العافيه لاتبلعك ياها ميلا هههههههههه
ميلا : الحيوان والله انه انتي
عنود ضحكت : افااا هههههههههه
البنات انهاروا ضحك رؤى لفت على ميلا : لقينا من ينافس سلوم بحب الخيل
ميلا بوهقه : لاعاد مو لهدرجه هو باين متعود على الخيوا واجد
هنوف تناظرهم بغيره : اكيد سلوم متمرس اكثر منك يالميلا
رنا وعنود ناظروها بستغراب ولفت ميلا عليها : وذا الي اقوله انا
ريوف تفشلت من حركة اختها وتبي تغير الموضوع : اءاء وش رايكم نوري البنات الحديقه الي ورا
ليان : يلا مشينا
سلمى : اقولكم ورا مانتقسم احسن
ريوف : صح افضل
رؤى : انا معي ميلا ورنا
ريوف : وانا عنود
ليان : اجل هنوف وسلمى معي
ميلا : تم

مشوا البنات كل وحده ب اتجاه وعند رؤى :
رؤى : عاد بحر الي شفتوه يحبه سلمان حباً جما
ميلا كتمت البسمه ولفت رنا : احس اخوك اكبر من عمره
رؤى : فعلاً وهو انسان غريب
ميلا بأستغراب : شلون ؟
رؤى : يعني كيف اشرح لكم ويشهد علي الله انه مو عشان اخوي لكن كلمة الحق تنقال
رنا : شدعوا ماعليك حنا مانفكر كذا
ميلا : اي ماعليك
رؤى : سلمان بطبيعته مايحب يخالط بنات كثير يعني احنا عندنا بالعايله عادي لو بنات وعيال القرايب نجلس مع بعض بس متغطين عنهم لكن سلمان اذا في بنات مايجي
رنا : طيب وريوف وهنوف ؟
رؤى : ريوف الوحيد الي متعود عليها هنوف مو مرا ولايخالطها كثير اعتقد لاحظتو انه يوم شافكم راح ويوم السباق يحاول يخفي التوتر الي فيه الزم ماعليه راحة باله ولايهتم للأمور السخيفه
ميلا وهي فعلاً لاحظت هالشي رنا لفت : الله يخليه لك
رؤى بأبتسامه : امين ويخلي لك غواليك
كملوا طريقهم وسوالفهم وميلا الي كانت تهوجس بكلام رؤى عن سلمان .
________