يابوي ليتك حيّ وتشوف حالـــي

البارت العاشر

اللهم صل على سيدنا محمد 💥

الباقيات الصالحات ❤
- سبحان الله.
- الحمد لله.
- لا اله الا الله.
- الله اكبر.
- سبحان الله وبحمده.
- سبحان الله العظيم.
- أستغفر الله وأتوب اليه.
- لا حول ولا قوة الا بالله.
- اللهم صل على نبينا محمد.
- لا اله الا انت سبحانك اني كنت منالظالمين.

كيفكم شخباركم ؟!

 عساكم طيبين ؟!

.

اليوم كان وقت سفر العائلة وقالوا بيروحون للاردن وبعدها على سوريا حسب طلب البنات يبون يشوفون جبل قاسيون والساعه 5:00 الفجر الكل كان ببيت الجد ابراهيم وشناطهم واغراضهم جاهزه .

الجد : يا عيال كل شي جاهز؟

سعود: ايوا يجدي كل شي جاهز والحين بنروح المطار عشان نلحق الطريق .

الجد: وش رايكم كومار يوصلنا؟
*كومار سايق بيت الجد.

سالم : جدي سيارة كومار ما تكفينا .

سعود: ياخي خلاص كومار ياخذ جدي وجدتي واهلنا وحنا والبنات نتوزع على سيارات من تاكسي اف او اوبرا .

وفعليا كانوا بالمطار بالوقت المناسب وركبوا في الطياره وكان ترتيبهم كذا:

---الجد والجده وجنبهم فهد ابو سالم ( وعلى الجهة الثانية) --- رعد ابو سعود وزوجته ام سعود ولمى

---ووراهم مريم زوجة فهد ام سالم والعمه خديجه ونوف (وعلى الجهة الثانية) --- سعود وسالم وناصر

---ووراهم الوليد وخالد وليلى (وعلى الجهة الثانية ) --- نوره و رغد وشهد

على الساعه 8:00 صباحا كانت الطائره تحلق بالجو

لمى نايمه وسانده راسها على امها وكذلك الحال عند نوف نايمه على كتف امها

اما الوليد ونوره ما تركوا هبالهم حتى وهم معلقين بالجو

الوليد ينادي نوره وينقال انه ينادي بصوت هادي مو كأن الطياره كلها سمعته : نوره نوره هيييييي نوره.

نوره لقت عليه : وجع وش ذا الصوت ترا كلهم دروا ان اسمي نوره نادني مهره يا غبي عشان التمويه.

طبعا نوره ورا سعود بالضبط ولما سمعها لف وقال لها : يبقره صوتك بعد عالي وليكون مب عاجبك اسم جدتي بقول لها ترا.

نوره شمقت لسعود وقالت: طيب يا اخ اسمها حلو مره بس انت وش حارق رزقك وبعدين ليه تتليقف وتسمعنا؟

سعود شهق :اولا يا اخت ما تليقفت ع قولتك بس صوتكم مره عالي وثانيا ليه تشمقين لي تبيني اطلع لك عيونك ؟

شهد ناظرتهم الثنين وقالت : سعود ونوره تراكم مزعجين يا تسكتون يا تنزلون .

نوره فقعت ضحك وقالت : انا بنزل ووقفت بتروح .