Please like, comment and vote for the story
حطو لايك وتعليق وتصويت للقصه
.......................................
Aya _te
زي كل يوم صليت وقريت قرأن وخشيت لفراشي ع اساس بنرقد شديت سبحتي الإلكترونيه ونستغفر في ربي الين ما سمعت صوت خوتي يتناقشو ويحكو ع مشكله صايره في الجيهه وكانو يحكو ع شخص لقبه fox الفوكس وكان داير الموضوع ع انه سكر شارع وطلع واحد من وسط حوشه والدوله تتفرج وماحدش قدر يقول معاه كلمه كيف بنسأل سبقتني اختي يلي اصغر مني وقالت: ومن يكون هدا باش ياخذ شخص بريء من وسط حوشه فنص فاها خوي وعيط علاها ولزنا من جنبهم وخشيت اني واختي لمكاناتنا زي الفالحات
.......................
اني ورد عمري 20سنه نقرا في كلية لغات ملتزمه نوعا ما لباس شرعي ومحافظه ع صلاتي ونخاف ربي ونتقي في نفسي من نفسي عندي تلاته خوت شباب انس وسند والياس واخت وحده سجى عمرها18سنه عكسي تمام وكان كل شخص فينا من عيله وبابا محمد وماما مريم
هدي عيلتي بابا شيخ محله وليه شانه وقيمته ربانا ع قيم ومبادئ كلنا ماشيين في نفس النطام وزي اي حوش ليبي
ـ________________________________
سعاد: هي انتي نوضي ضمي الصاله البرانيه اللي كانو فيها لولا وبعد اتماها اغسلي الحوايج وحدديهم ولمعي الحوش من الغبره غدوه جايين خواتي يتغدو عندي
نورس: يا عمتي اني تعبانه وهلكت شغل خلي وحده من بناتك تساعدني
سعاد: هدا ماناقص غر تعلميني شن ندير نوضي بلا دلع مش ياسر بوك لازك علينا ومخلينا واحلين فيك من يوم لا جيتي ومخصك تجي زي بناتي
نورس: بس اللي طلبتيه مني يبي وقت واني لازم نوض بكري لان عندي امتحان غدوه
سعاد: ع اساس بتفلحي بوك حرايمي هارب وامك تبرت منك واني تدبست فيك نوضي نوضي بدون طول لسان زايد
حطيت كتابي ع جنب ونضت ندير في شن تبي مرت عمي واني فيا حقد ع امي وبوي عالعيشه يلي عشتها مع حوش عمي
......................
اني نورس عمري17سنه نقرا فالتانويه بوي لما طاحت الدوله هرب لالمانيا وخلاني في حوش جداي ع اساس بس جداي بعد مده ماتت ف خدوني عيلة عمي وامي رجعت لاهلها لما هرب بوي ورفضو اهلها يخلوني معاها وليا من عمري 11سنه عايشه معاهم ماعنديش لا اخوه ولا حد عايشه مع عمي يونس وعمتي سعاد وبناته التلاته امل وابتهال ويسرا وعنده زوز ولاد محمد وعبدالرحمان مش عايشه معاهم كبنت لالا عايشه معاهم زي الخدامه نضم ونغسل ونمسح ونطيب ولما يجي عمي وولاده ما يخلوني ندير شي ع اساس ناكل ونرقد هدي خدمتي معاهم
.
.
______________________
اني اسامه نقرا فالطب ومتفوق في اخر سنه امتياز ومعدلي عالي ومن اوائل علي مستوى بلادي بين يوم وليله لقيت روحي شاد سلاح ونقتل ومافيش في قلبي ولا درة رحمه
عمري 24سنه عيلتي كبيره وحلوه سته ولاد (ايهم واسلام وايوب وايهاب وامجد واني) وتلاته بنات(ملاك ورتاج ونورالهدى) وعايشين مع بعض كلنا حوش كبير ودافي وكله حب ماريتش الخبت يلي عند البشر في حوشنا ولا مره سمعت بوي يسب ولا شفت في يوم دمعة حزن ع خد امي بالعكس بس دموع الفرح خوتي يحبو بعضهم وعيلتي اكتر عيله مترابطه حت يقولو في مشاكل بين السلفات وهكي اني سبحان الله نساوين خوتي كأنهم خوات ماتسمعلهمش مشكله ولو بالغلط
............
عدنان: اسامه شن صار في امتحاناتكم
اسامه: يا بوي هانت بعد 15يوم بنبدا ااخ يا بوي غر امت بنتم بس
ايهم: هانت يا غالي والله لما نديرلك حفله تخرج يحكو بيها شهور وليالي
اسلام: اي والله لما نجيبلك فرقه ونرقصلك للصبح
ايوب: تي شن تقولو تعرف الزكره من كليتك للحوش هني كعابي
امي: ربي يعطيكم الوقت الطيب ويفرحني بيكم
اسامه: يا بوي بنقولك بما انه مزال أسبوعين عالامتحانات الاسبوع هدا بناخدوه فري بنمشي مع لولاد بيخيمو
عدنان: يا ولدي وين بتمشي والدنيا حاله
اسامه: الامور لوز يا بوي بنمشو للجبل وبعون الله ما يصير الا كل خير
امي: ربي معاك يا ولدي راضيه عليك من كل قلبي
اسامه: جيت ورقدت ع رجلها وقعدت تلعبلي بشعري الين ماغفيت بجد في هداكا اليوم
Aya _te
_________________________
