صلو عالنبي وادكرو الله وصوتو للقصه فضلا وليس امرا
......
انس: اتفضل خونا اتدور في حد واقف هني
اسامه: قالو هدا حوش الشيخ واني عندي معاه موضوع
انس: تفضل يا غالي وصلت لكن الحاج مش موجود
اسامه: امت نلقاه
انس: غدوه تعالاله بعد العصر تلقاه بادن الله
مشي اسامه وصورة ورد مش مفارقه عيونه سبحان من خلقها فيها جمال استتنائي ونظرتها البريئه قصه بروحها ابتسم وكمل طريقه
••••••••••••••♡
اني عارف ان حيجي يوم وتقري لكلام واليوم هدا اللي حتقري فيه كلامي متاكد انك حتكوني كبرتي وقد روحك ورجعتي فتحتي حوشنا وبديتي متأهله للمسؤوليه شوفي خليتلك فلوس عشان تقدري تسافري بيهم وخليتلك في مكانا السري يلي نلعبو فيه وانتي صغيره امانه حتسافري وتكلمي الرقم يلي في اخر الرساله حينظملك جواز وفيزا ويكون معاك بعد توصلي الامانه ارجعي لحوش عمك لان ما نقدرش نقولك تعاليلي واني مانعرفش هل حنقدر نطلع من هني ولا نموت شوفي اني مش خاين ولا خناب لاني هربت اني وفيت للعهد ولما طاحت الدوله معاش لقيت مكان ليا وخطر انك تكوني معاي واني نحبك نورس انتي روحي وبنتي اللي مستحيل نتخلا علاها سامحي بوك مرات يكون فاللحظه يلي توصلك الرساله هوا ميت
تقرا وتبكي وقررت تسمع كلام بوها للاخر واتصلت بصاحب الرقم بعد ما قعدت ادور عالامانه وتعبت عشان لقتها فهمها انه لازم الموضوع يقعد سر ومش لازم يطلع برا منهم الزوز كملت ليلتها تفكر تقدر توتق في محمد وتحكيله او لا....
•••••••••••••
تمت الزحمه وكل حد ع حوشه وحت سجى روحت بس جته بدون قلب واحساس غاب عن وجها الفرح والضحك والدوشه يلي كانت سببها هيا فالحوش بس كانت كاتمه في قلبها وساكته
بابا: لا حول ولاقوة الابالله يا بنتي نوضي غلط يلي اديري فيه تحزني ع شخص هوا حت ما بقاش حلالك
الياس: خلاها يا بوي ايام وتو ترجع زي قبل
كل واحد يطيب في خاطرها بكلمه بينما ورد مشغول فكرها بالولد يلي راته وفتحتله الباب خافت تتكلم او تقول شي
مريم: حسبي الله ونعم الوكيل شباب زي الورد كل يوم يموت واحد لا ليه فالمشاكل ولا عليه في هالدوله الغبره
••••••••••••••••••
من تالت يوم ليها مسيبه الحوش بدي يوضح الفرق لما خش يونس ع غفله للحوش ولقي سعاد والبنات يتعاركو
سعاد: مش حل ترقدو للظهر وللعصر وكل شي عليا يلا انتي وياها ديرو جدول قسمو الشغل بينكم
امل: هدا حوشك انتي واني ما دخليش فيه مش متعوده انظف من قبل
ابتهال: باهي يا ماما بس قسمي علينا الشغل بالعدل واني ويسرا رح نعينوك في شغل الحوش
امل: ردو الشغاله هديكا خلوها اتنضف علاش سمحتولها تمشي
يسرا: هديكا بنت عز زيك زيها غر الزمان خلاها تجي لعندك وحولتاها لسندريلا وخليتوها شغالتكم لكن توا بح زينا زيك بتنظفي غصب
سعاد: ماعجبهاش لكلام نوضي انتي وياها تمرقدو وغدوه لكل حادت حديث
يونس: الله الله كنتو دايرين نورس شغاله وتتشكولي منها طول اليوم وهيا راقده وهيا تاكل وبس وقصص هدا شن اسمه
سعاد: حطت راسها لوطى كانو جميع بس توا مخليني بروحي وكان خدمت حت هيا حاوينها عندنا ببلاش
يونس: انتي ظالمه من يومك حيجيك يوم وتلقيه ولولا ظلمك عمرها ماتفكر تطلع من تحت جناح عمها تو سيوره يدور الزمان وتلقيه ويا دايره فالرخيص يالاقيه فالغالي
خش وسيبها خلاها تفكر في كلام يونس يلي ديما ينصح فاها وهيا تحساب الدنيا ديما حتجي معاها
•••••••••••
محمد: اني نمولكم بالسلاح والدخيره
صقر: تي واني عندي تراسه معاي عالموت
عماد: مش حنخلي دم خوي يمشي عالفاضي الدوله ماخدتليش حقي ناخده بيدي مش بظله اني دم خوي يمشي هكي كساد
اويس: واني معاك عالموت يا عماد ليت كان خونا كلنا
يوسف: واني معاكم ارسمو الخريطه واني في ظهركم
انس: ماتنساش انه كان حيكون نسيبي لهدا اني معاكم يا ولاد قعدو الليل كله يخططو ويقسمو في مجموعات كيف بيعلقو ع وديع ومنها عالفوكس يلي ماحدش عارف شكله اساسا......
•••••••
كتبت ورقه لعمها انها بتمشي لامها وفالنهايه بنتها وحتتقبلها ومن لكلام هدا وقررت تجهز لسفرتها ع امل انها تتلاقى بباها وينحل كل شي ماتحسابش ان لفلوس ممكن في يوم تغير النفوس وكان قلبها واجعها ع فراق محمد لانها بجد تعلقت بيه وخايفه ليكون يلي في قلبها تجاهه حب وهوا بالاساس خاطب ورح يتزوج فالاحسن تبعد بدون دوشه جهزت ساكو صغير في شوية ملابس وفلوسها وسكرت حوشها وطلعت للسياره يلي تستنا فيها بعيد شويه ع حوشهم.......
••••••••••••••••••
