. lease like, comment and vote for the story
فضلا وليس امرا حطو لايك وصوتو للقصه واكتبو تعليقات بين الفقرات
نبدو
.............
في من اشخاص كل ايامها تفوت متشابهه وفي من ناس كل يوم عندهم قصه جديده وفي يلي تعبان وفي يلي مريض وفي يلي يعاني وفي ناس عندها كل شي ومش شبعانه وفي ناس ناقصها اقل الاحتياجات بس حامده ربي
.
. Aya_te
مريم: تعالو يبنات ساعدوني خالتكم امنه اتصلت قالت جايين بنتعشو عندك
سجى: هيا امت مش عندنا ع اساس شي جديد والله لولا ليت ولدها ماتنطاق لاهي لا بناتها
ورد: اسكتي تو يسمعك واحد من خوتك وتبدو فالعياط
مريم: هوا مش عارف شن خطر علاها الباقي ماهو غدوه خميس بنتلاقو في حوش جدكم يستر الله
ورد: اكيد مشتاقتلك ولا شي و.
قاطعتها سجى: تلقاها هاله تحن ع راسها نبو نمشو زي كل مره تجي عشان انس وياريت حت يشوف فاها
ورد: معاش تحكي ع بنات الناس واسكتي امك تسمع فيك
مريم: اني بنمشي نكلم بوك وخوتك وبنوصيهم ع حجات وانتي واختك اخدمو كويس مش تحشموني زي كل مره نعمتكم مالحه
سجى: حاضر يا ماما يا نبع الحنان
ورد: من امتى هالادب
سجى: ماهو باش ما تبداش تهزب فيا قدام خالتي وليت ااه ليت
ورد: انشالله تهبلي لكن قوليلي
سجى: ها
ورد: من قالك ان هاله تبي انس
سجى: ريتها بعيوني تحط في رساله تحت وسادة انس خشيت بعدها خديت الرساله لقيتها اعتراف دستها
ورد: حي عليك علاش نحيتاها
سجى: يا غبيه انس ما يبيهاش وهيا زي الحمار ماتفكرش تجنب للاحراج خديتها اني الرساله
ورد: شن دراك انه ما يبيش
سجى: انتي تسخفي تي خوك ياللا يبي وحده تخدم معاه فالمستشفى وليه قداش يستنا في وقت مناسب يفاتح ماليك فالموضوع واساسا هاله يباها صقر ولد خالتك تبرا وهيا مطنشاته
ورد: انتي منين تعرفي هدا كله
سجى: من قروب العيله يلي معبي فضايح
ورد: ربي يهديك وخلاص
سجى: تتنمر ع اختها وهيا تضحك بركاتك يا شيخه امون وكملو يديرو فالعشي قبل لا توصل خالتهم
(ورد ملامحها من بوها عيون كبار وبنيات وحواجب عراض شوي شفايف متوسطات حنطيه شعرها طويل طويل اسود زي ظلام الليل وطولها165 وزنها68 متناسقه وفي حالها ماليها علاقه بحد حدها قرايتها وصلاتها)
سجى (ملامحها من امها بيضا عيونها عسليات قصيره وشوي سمينه يعني طولها-152 وزنه-72ما يفوت علاها شي وتحب تعرف اي شي ليها فيه او ما ليهاش فيه ودمها خفيف والكل يحبها من اسلوبها وعفويتها)
.
(انس 28سنه دكتور باطنيه شاطر طويل 187 طوله وزنه80 حنطي شعره اسود عيونه كبار وسود عنده لحيه زين ورضا ولدين الله يبارك يحب وحده تخدم فالريسبشن ومتفاهمين لو ربي كتب بينهم نصيب رح تسيب الخدمه)
..
(سند25سنه طويل طويل طوله 182 ومش سمين وزنه 56 يعني معقول فيه شبه من انس شعره اسود وحنطي وعيونه سود مزال يكمل في دراسات عليا يستنا في الاسفاد يطلع يبي يكمل برا ويفتك من ليبيا لان مافيهاش مستقبل ع حسب تفكيره0)
.
.
(الياس 23سنه حلو بكل تفاصيله عيون كبار وعسليات شعر اشقر وطويل شوي ولحيه خفيفه جسم رياضي عضلات طوله 184 وزنه64 صايع ويحبوه لبنات العيله والكليه يقرا في محاسبه واخدها بسهوله اي طريق يخليك تتخرج تشتغل على طول وهاوي لشغل المصارف)
________________________
مروحه من التانويه تعبانه صقع ومش لابسه كويس خشت هيا وباقي لبنات كل وحده مشت لدارها بس لما هيا جت بتخش شدتها سعاد وين بتخشي امشي للجنان العمال صلحو المواسير متع لميه مكانهم قاعد وسخ بري ضميه
نورس: باهي حاضر خلي نغير حوايجي ونرتاح شوي ونطلع
سعاد: وبالك تبي حت تتغدي قبل بري امشي وبعد لا تمي من برا عبدو وليدي مشتهي ياكل بشاميل خشي ديريله وبعدها ديري شن تبي
نورس: حاضر مرت عمي
حطت شنطتها وطلعت للجنان وكان الجو صقع بدت اضم وتنظف وشدت الميه تغسل فالارضيه كملت بعد قريب نص ساعه وهيا خدودها بدو حمر من الصقع خشت للمطبخ بدت تدير فالبشاميل لعبدالرحمن كملاته بعد لا بدت تحس بشوية دفي من النار شافتها سعاد طالعه وففتها الغساله فيها حوايج اطلعي اغسليهم
طلعت نورس لدار اللي فالجنان متع الغسيل حطت الملابس فالغساله وقعمزت تستنى فيها اتكمل حست نورس بحرارتها بدت ترتفع والدنيا بدت تلف قدامها وهب خلاص معاش تندري ع روحها
ناضو بناتها مع العصر وروحو ولادها وراجلها وهما ياكلو ويضحكو
محمد: وين نورس
يونس: سألت علاها من لما وصلت وقالت راقده من لما روحو
ابتهال: عادي كلنا رقدنا من حقها ترقد
امل: هدا ما ناقصها اني يضايق فيا وجودها معاي كل يوم لازم مانسمع كلام بسببها
عبدالرحمن: كلام شني
امل: زي بما انكم مقعدينها معاكم فالحوش معناها حت انتو خوانين وفديت بصراحه
عبدالرحمن: هدا كلام كبير
محمد: والتانويه شن عرفهم بالقصص هدي
امل: جتها لحظة ادراك انها فضحت روحها و ووين ننعرف اني هيا للممن تحكي
يونس: تو نشوف حل للموضوع هدا
محمد: معاش دوره يا بوي خليه في رقبتي الموضوع هوا تو نعرف من وراه وهوا يشوف لامل
ابتهال خبطت اختها من تحت الطاوله كان ما طلعتي انتي مش عليا من طول عمرك قلبك اسود علاها من غيرتك ردت امل بكل وقاحه الهي في عمرك يا متعت المعاهد وناضت
محمد: بما انك نضتي بري نوضي نورس وقوليلها تجي تاكل
امل: وهيا تخبط حاضر
منين عطلت امل ونورس ناض محمد طق ع باب دار نورس مره واتنين وتلاته مافيش رد فتح الباب تفاجئ بامه جبدت الباب
سعاد: نحي اني نخش نوضها فالنهايه هدي بنت عمك مش اختك
محمد: تمام اني واقف نستنا خشي ناداها خشت امه بالجنب وسكرت الباب قال في خاطره ليش امي مهما يصير ماتخليش فينا نخشو لدار نورس رغم انها متربيه معانا بعد يلي ريته اليوم من امي وسمعته من امل ياربي مانكونوش في حوشنا شخص مظلوم نادا ع يسرا وخش لداره
محمد: يسرا يا عمري بنسألك مره وحده وقوليلي الصدق انتي اكتر شخص نوتق فيه
يسرا: اسأل بس شن المقابل ودارت بيداها حركة الفلوس
محمد:طلع محمد من جيبه فلوس وعطاها وقال نورس كيف يعاملو فيها هني
يسرا: امك تقول انتو ارقدو وارتاحو واقرو وهيا خدامتكم تضم وتنظف وتمسح وتطبخ وين يقرب جيان بابا وانتو تقوللها شدي مكانك وتنوض في امل اللي بدورها معدبتها في كل مره تقوللها انتي امك هربت مع حبيبها وبوك خناب كبير خنب وهرب ابتهال تحبها واني مانتعبش فاها بس ماما لما تلقانا متعاطفين معاها تحرمنا حت احني من المصروف
محمد: ومن امت هدا
يسرا: من لما نعرف ونفهم الوضع ماشي هكي وهيا ليها معانا وقت طويل ياريت بوها يرجع يا خدها وترتاح
محمد: حس قلبه تقطع علاها طلع ومالقاهاش وينها
سعاد: من هيا
محمد: نورس
سعاد: انت ليش شديت فالموضوع
عبدالرحمن: قام حاجبه لان متعودين علاها بينا مش لشي تاني وانتي يام اقتنعي انها زي اختنا واكتر وبطلي وساويسك
يونس: اول مره تقول كلام يعجبني
سمعو عيطه من برا طلعو يجرو لقو ابتهال تنادي بصوت عالي يونس: خيرك
ابتهال: تعيط بصوت عالي ماتت ماتت
خش محمد يجري لقاها متلوحه ومتلجه وشواربها زرق وقاعده بلبس التانويه قرب عالنبض مهناش خداها بين يديه وجري للسياره هوا وعبد الرحمن ويونس.....
______________________Aya_te
طلعنا اني والجماعه للجبل الوضع هادي زياده عاللزوم كنا مجموعه كبيره اكتر من36شخص بس ماكنت نعرف حد الا تلاته نفار من الرحله هدي اللي منظمها صاحب صاحبنا وصلنا للجبل خيمنا ونصبنا الخيم وفاتت الليله لوز ضحك وهدرزه وع اساس رقدنا الساعه 4جتني رساله من خوي يطمن عليا قعدت نهدرز معاه لين سمعت صوت شخص يحط في علامات عالخيم وحده منهم خيمتاني والولد يلي معاي نوضته عالهسي وطلعنا منها كونه جبل ف شجر واراضي خضرا لين كبدك تصقع اني مش متريح من لما ماخلونيش نجي في سيارتي وقالو نبو نمشو في باصات وهكي وزدت طلعنا ونسمع في واحد منهم يقوله هدا المبلغ يلي تفاهمنا عليه
رد صاحبه: هههه حت اني جبتلك النخبه يا برو
التاني: كترهم المره الجايه ونوعدك بدبل المبلغ
صاحبهم: توا هدو شني
الكاتبهAya_te
التاني: ماليكش فيه توكل ع ربي وماتوليش هني تاني
اسامه: بعت لخوه الموقع وقاله لازم تجيبو دوريه او اي موضوع لان طلع في كمين منصوبلهم وعطاه كل المعلومات وفجأه تنقطع التغطيه عالجهاز
محمود صاحبه: شن صاير
اسامه: الكلب وديع باعنا وطحنا في كمين
محمود: وتوا شني الزز كيف بنطلعو منه حت سيارات ماعندناش
اسامه: غر يهدا الجو ناخدو بضاعتنا ونتوكلو اكيد في ناس قراب
محمود: بما انهم مختارين لمكان هدا معناها مافيش كيف تهرب افهمها
اسامه: ماتعلمتش نستسلم اني تبي تولي قدامك الطريق اني بنمشي
محمود: خاف لالا وراي لعزيز الا معاك خدو بضاعتهم وكملو مشي مشوار طويل الين ما الشمس طلعت بدو يشوفو في حركه مش طبيعيه رجاله متسلحين باعداد كبيره غيرو اتجاهم بس كل ما يوصلو لمكان يلقو نفس الموضوع الين ما قررو يجازفو ورجعو لنفس المكان يلي كانو فيه
لقو كل شي في مكانه الا الاشخاص يلي جو مهناك منهم حد ولقو اكتر من اربع جتت منهم واحد صاحبهم وعيب اسامه جاه طول ما مسكش روحه هوا قرب منه ولقي السلاح فوق راسه
هاشم: ههههه تحساب روحك تقدر تهرب تي انت طالما ركبت السياره مش حتنزل منها الا في حالتين يا معانا يا زي صاحبك هدا
محمود: خاف يطلع ف قعد في مكانه تمو بضاعتهم لموها وخدو الجتت واسامه وركبو سيارتهم وفرو بعد تلاته ساعات صارت مداهمه وكان معاهم خو اسامه ايهم وقدرو بس ياخدو محمود معاهم يلي كل ما يرفعهم لمكان يلقوه فاضي وكانه فص ملح ودابو حكالهم محمود كل شي من لما وصلو لعند الوقت يلي لقوه فيه وع بديع اللي لقوه ملوح في تحت وحده من لشجرات وهما داخلين للجبل........
________Aya_te____________________
خدم زي كل يوم ارفع جيب حط قيم لين ظهره يعيب وبعد هدا كله يحصل بس مبلغ رمزي وتافه يا دوبك يلحق ماكله لخواته وامه وهوا يرقي في لبضاعه وقف عليه واحد
الولد: اسمع يا غالي تعالى اخدم معانا تو نشوفلك مكاان صدقني حتطلع ضعف يلي تاخد فيه من هني الف مره
محمد: صبري اطلع من راسي انت ودوتك هدي
صبري: ياراجل شوف حالك خلي نشوفلك مكان وري وجهك بس وصدقني حتعبي اهو اني فلوس وحوش وسياره وديما معكس جنبك مهناش خدمه
محمد: بوي عسكري ومات فالحرب وتبيني ننضم لشوية مليشيات فلوسهم حرام
صبري: انت حر اقعد هكي حارم روحك وعيلتك
محمد: هانيه اموري ومش ناقصنا فلوس حرام
صبري: وجعاته الكلمه لما تلق رزق الحلال واخدينه لحرايميه صدقني رزق لحرام اللي تحكي عليه حلال وهلبا هي سلامتك يا غالي
روح محمد للحوش وكان الوضع مزري اخته نرجس مريضه وامه تبكي خدي اخته وفر بيها للمستشفى وطلع عندها مرض في الكبد بسبب سوء المعيشه متعهم وتبي عمليه وتكلف غالي قعد يلود ويدور ويكلم في هدا وفي هدا اخر حل عنده هوا صبري
Aya_te
