طو لايك وصوتو للقصه واكتبو تعليق حلو بين الفقرات فضلا وليس امرا....
.
.
.
________________
مانعرفش ليش القدر عمره ماكان مع الشخص يقولو ان الدنيا اشكال والوان وفيها جزء سعاده وجزء حزن بس في ناس ماشافتش السعاده ابدا هل مزال مفروض علاها تتعدب اكتر الفكره مش هني الفكره هل حيجي يوم وتفرح ولا هكي مكتوبلها.........
.
.
الساعه8مساء
......
الجو بارد وصوت الريح يعزف في نغماته كان في صوت ضحك العيله اللي مافيش في قلبهم نقطة هم
ليت: وربي يا بطه ماليك حل وبعدين شن صار
الياس: خلي نكملك اني بعدين يماااا تعالي ارفعي بنتك فضحتنا
سجى: وربي ياليت يشده بابا وبخيط الضي يلف عالحوش كله وامي ورا بابا تجري باش تحزه
ليت: وهوا ميت بالضحك صارلهم زي الفار والقطوس ومعاهم الكلب اكرمكم الله منين يجرو ورا بعض
انس: ومنين جيت من برا نشوف المنظر هدا معاش قدرت نتحمل
سند: ع اساس غر هوا تي حت اني مادرت شي لقاني مقعمز فشخني كفوف بسببه
هاله: عمي يبان طيب معقول هدا كله ع تزويرة صحيفه
انس: سخيفه انتي الراجل ماشي يتكلم بكل فخر ع ولده بين التريس جايب نسبه 90 يصدمه المدير بانه السيك الياس معاود السنه😂😂
سجى: 😂😂😂بدموعها
هاله: انس من بعد اذنك في حجات مش فاهمتهم وامتحانان عالابواب تساعدني فيهم🥺
انس: من عيوني اتفضلي في اي وقت وخيتي مايردك الا لسانك
عماد:(خو ليت) ورد خيرك ساكته
ورد: ولا شي سجى واخده مكاني
عماد: اها ☺️
امنه: ربي يدوم الود بينكم وليداتي
سعاد: اللهم امين يارب
سجى: بصوت واطي خوديني لهالعسل توا يبدا في هلبا ود وصال
ليت كان قريب منها وسمعها قاللها: الود ودي
انس: شن تقول انت وياها
ليت: ماشي قلت توا كان الواحد متزوز راهو منطمر مع عياله مش ملوح جنبكم يضحك ع مقالب الياس ومغامرات سند
امنه: هدا يوم السعد يا ولدي يوم نجوزك
سجى: بدت حمرا وشبحت بوطى
هاله: انت غر شاور وراسك الا تجيك عالوصف
كلهم انتبهو لليت
ليت: نباها دريه قصيره ودبدوبه نباها طريه لما تتحشم تولي حمرا ولما تبكي ينتفخو شفافها نبي فيها خدود ونبي لشانها طويل ومتنمره ونباها تعشقني وماترضى فيا شي ونبي لما نتعارك معاها كف بكف مش تشكي لباها بالتريس نباها بنت صقور وصقريه
ورد: قربت ع ودن شجى: وصفك بالمللي
هاله: من غدوه ندورلك وحده شامخه
ليت غمز امه وامه ابتسمت برضا وفات اليوم عندهم ضحك ولعب وجو حلو
____________
فتحت عيوني الدنيا ظلام هدا مش حوشي ولا اي مكان عيطت بصوت عالي مره واتنين وعشره عيطت هلبا مافيش فايده بعد وقت طويل مانعرفش كم خشو شخصين كل واحد اضخم من التاني
الاول: شغل الضو وقالي بصوت واتق من كلامه شوف كون متعاون صدقني في صالحك
التاني: ارخص شي في بلادك الروح ودوله طايحه مافيش حت قانون ياخد حقك
اسامه: بقلة حيله يشوفلهم مقالش ولا كلمه
الاول: شوف انت من اوائل الطب ع دفعتك وحالتك الماديه فوق السحاب تلزمنا في حاجتين تعالج الجرحى يلي عندنا وهدي الاولى ويدعمنا بوك ماديا وهدي التانيه
اسامه: اني قاعد نقرا ماكملتش قرايه مانعرف نعالج حد
وبالنسبه لبوي من قالك ان حالتنا فوق السحاب حالتنا عاديه ع قدنا
التاني: ضحك بصوت حقير بتتصل ببوك وبتطلب منه نص مليون وخلال 48ساعه يجهزهم
اسامه: اني ماعنديش بو غالطين اللي عايش معاه عمي مربيني مش بوي
الاول: انت خطير ودكاءك هدا يعجبني فتشوه وعطوه لبس من لبسنا وجيبوه يقعمز معانا
غيرت وطلعت وكل شي لقيت روحي واقف بين سلاح ودخيره واني عمري ماشديت سلاح بيدي خطر ع بالي الكلام يلي ينقال ان المليشيات ماعندهمش قلب ان القتل عندهم ساهل وان وان وان خلاص راسي اني طالب طلعت بنغير جو لقيت روحي هني
اسامه: خلوني نروح ومش حنتكلم عندي امتحانات لازم نقراهم مستقبلي وبعدها نجيكم ونخدم معاكم
......: انت تحساب نرضعو في صوابعنا ولا شن وضعك
حنوروك شن تخدم معانا بشويه عليك
اسامه: ليش اني بالدات اني ماليش لا في الدوله ولا في المليشيان اني نبي نكون دكتور مش مجرم
......: احني نموتو و ولاد اللوص يعيشو وروه المجرمين كيف
Aya_te
طاحو في ضرب وتهبيك وهزايب.
وافق اسامه وبدي تدريب بعد تعديب دام اكتر من شهر وافق بعد لا فقد الامل في حد ينقده وفي باله ان بوه وخوته تخلو عليه ماخطرش في باله انهم ماتو جراء قصف عشوائي بدو التدريب وشوي شوي بدي يتأقلم هالوضع وبدي يتحسن صحيا وكون صداقات من ضمنهم الناس يلي عدبوه
الاشهب هدا يلي شراه
المعتصم وحمدي اللي كانو معاه من اول ما وصل
بعد مده طويله اكتر من سته شهور بدي افضل شخص فيهم وبدي يختارو فيه لمهمات سريه داخل وخارج الدوله
.........................
ادعي ربك البنت ما يصيرلها شي
سعاد تخبط وتبكي: يحليلي شن درت في روحي يارب كون معاها
امل: ترقص في رجلاها بكل وقاحه قولي ماندريش علاها شن دير برا ولا مع من كانت اساسا
ابتهال: حيوانه انتي ماتحسيش تتبلي عالبنت وهيا اشبح حيه او ميته
يسرا: اني حنحكي كل شي لبابا مش وضع كل مانجو مع البنت متعاقبو يا ويلكم من ربي
سعاد: امل امل كلامك صحيح وانتو يلي تفتح فمها حسابها معاي حيكون عسير
ابتهال: خطية البنت في رقبتك يماما وربي مش حيسامحك
امل: بروحك قلتاها في رقبتها مش رقبتك معناها شن يلي واجعك انتي
ابتهال: في رقبتها بس خافي ع روحك حت انتي لان حيرده ربي فينا اللي بديروه فالرخيص حتلقوه فالغالي
يسرا: صوت سياره شكلا جو
خش يونس ووراه عبدالرحمن
يونس: توا تقولولي من يلي خلاها تطلع وتمشي فالصقع هدا وتغسل
سعاد: ماقاللها حد اغسلي لكن هدي بنت خوك اشبح شن عندها ديما وهيا برا يعلم الله في من تكلم ولافي من تشوف
عبدالرحمن: استغفرالله يما شن الدوه هدي البنت قلتو راقده طلعت ملوحه بحوايجها متع التانويه وماعندكمش بيها علم راهي امانه في رقابيكم
سعاد: شن عرفني فيها قالت بنرقد بالك حت كانت مهناش اصلا
امل: يماما ياسر تتستري علاها اصلا مش اول مره تغيب ديما كل فتره وفتره تطلع ونقعدو ندورو علاها مانلقوش فاها بعدين تروح شكلها استغفرالله وماما تقول مراهقه ماتدوروهاش
ابتهال: طمنا يا عبدو شن صار معاها
عبدالرحمن: البنت عندها ارهاق وفقر دم وبرده متخلطه علاها لدرجه شدوها ترقد فالمشفى ومابوش يخلونا نطلعوها جاي بنرفعك تقعدي معاها هيا ومحمد غادي
سعاد: نوضي يا امل بري مع خوك
عبدالرحمن: لا مش امل محمد قال ابتهال.
سعاد: ناضت وتتحلف لابتهال لو قالت كلمه وخشت ورا يونس
...
محمد: خش للغرفه اللي فاها نورس وكانت مرهقه جدا انتي ليش طالعه برا فالصقع
نورس: بقلة حيله كان في ملابس يبو الغسل
محمد: كنتي تقدري تحطيهم وتخشي ترتاحي هدي وحده وتاني شي مش وقته وانتي حت بملابس التانويه قاعده
نورس: بدو دموعها ينزلو اني مش عايشه مع امي باش نأجل او نقول شوي تاني شوي تاني ولا نرقد ونوض زي ما تقول جداي رحمة الله علاها اللي بيسكن فالدار يخلص الكري متعها
محمد: من قالك ديري هكي
نورس: مش شرط حد يقولي من راسي درت حبيت نساعد
محمد: خلاص ارتاحي وكل شي حيتحسن نوعدك
جت ابتهال وقعدو مع بعض قررو عبدالرحمن ومحمد ان من هني مش طالعين للحوش تفاهمو ان يجيب لنورس اي شي تلبسه معاه وبيغيرو جو بعدين يروحو لان نفسيتها جدا تعبانه وهما ماكانوش حاسين في بالهم انها تاكل وتشرب وترقد وان فيها طباع امها زي ماتقوللهم سعاد وامل
اليوم اللي بعده خش عبدالرحمن لدار نورس بياخدلها اي شي تلبسه يتفاجأ ان دولاب بكبره فيه بس زوز توتات وعبايه وحده وسروال وتيشرت واضح عليهم انهم باليات
كلم محمد وحكاله اللي بدورهم سألو ابتهال وقالتلهم ان ماما تشريلنا فالجديد ولما بنطلعو تعطي فاها في حوايجنا القدم وهني طفح الكيل عند محمد وقال خلاص من اليوم نورس مسؤوليتي وعبدالرحمن قاله واني معاك فالقرار هدا
طلعو مع بعض وكانت عيد بالنسبه لنورس وخدو ملابس ورفعهم لاكتر من مكان وبعدها تغدو ورجعهم للحوش وكانت سعاد ع نار
خشو ابتهال ونورس لدارها تساعد فيها وتحط معاها حجاتها
محمد: يا امي اني من الاول ساكت لان في بالي انتي انسانه تخافي ربي عمرك ما تديري الغلط لكن خلاص اني مش حنقول لبوي ونسبب في مشاكل البنت معاش ليك فاها من اليوم مسؤوليتي
سعاد: عبتلك راسك لفاتك عليا شن قالتلك اه قول
امل: اكيد دارتله جو الاغراءات والدموع هدا باش جاي مشحون
عبدالرحمان: سكري فمك ونوضي درقي وجهك بالهالمنظر وانتي زي الحربه كل مره بلون
امل: هي يا بابا انت شن تحساب روحك احترم ادبك يا ماما زوديله
سعاد: خلي اختك وانت تقول سحرتكم انت وخوك جايين مكلوبين عليا الله الله عليك وع ربايتك يا سعاد
محمد: لقاها لكلام تفتريش قالها بالبونتو العريض تبي من يساعد اني نجيبلك بدل الشغاله عشره وبدل الطباخ كادر وخلي البنت في حالها بتتحاسبي علاها قدام ربك واخطوها البنت هوينا بناتك وعلميهم وطلعو وخلو امل وسعاد يتخابطو ويتحسبنو
__________________
ودارت عليه الساعه ولعب فيه القدر في اقل من 24ساعه وطاح للشخص يلي كان يسب في خدمته
الو صقر....
صقر: اه يا غالي انشالله خير
محمد: البنت مريضه ونبي مبلغ...... لازم العمليه
صقر: يا حبيبي تم ومش في ليبيا في احسن مشفى فالخارج
محمد: غمض عيونه بقهر واكيد مش ع سواد عيوني
صقر: يبوك يا محمد بأي تمن خلاص اعتبر روحك نضميت الصبح جيب وراق اختك وجهز جوازاتكم لان حتسافرو طول
وفعلا في اقل من تلاته ايام كانو مسافرين واخته تتعالج وفلوس وسياره وصرف ولبس ومعاش في شقي بس مافي شي بلاش كملو العمليه وتمت ع خير ورجع باش تنقلب حياته فوق تحت بدي يتحرك بأوامر ويمشي بأوامر ويجي بأوامر سيب لقرايه والحلم وباع الشرف وباع القضيه وعجباته حيات الترف ولكن خسر هلبا خسر حريته وعارف ان نهايته حتكون طلقه بس يبي يضمن ان عيلته يعيشو بعده..
