اسيره الفهد ♥✨

احفاد الفهد (الفصل الخامس) 💜☺️

رواية أحفاد الفهد الحلقة الخامسة

رواية احفاد الفهد(رواية اسيرة الفهد الجزء الثاني ) بارت ٥ بقلمى ندى احمد
الصبح على الفطار
كلهم كانوا قاعدين يفطروا ما عدا نوح و أدهم و كيان كانوا لسه بيجهزوا
حمزة و هو بيبص على شوق اللى قاعدة هتموت من الاحراج : بابا هو الفرح يوم الخميس صح
فهد باستعجاب: ايوة خير
حمزة : لاء انا بتاكد بس
شوق : ماما انا لازم اروح الكلية انا كده هتاخر
حمزة : تمام انا هوصلك يا آنسة شوق

شوق بتوتر : لاء خلاص شكرا انا هروح لوحدى مش عايزة اتعبك
حمزة : لاء ولا تعب و لا حاجة
ندى : روحى يا شوق مع حمزة ده خطيبك برده
شوق : حاضر يا ماما
ندى : تمام يا حبيتى طمنينى لما توصلوا
شوق : حاضر
حمزة و شوق فى العربية
شوق كانت قاعدة تفتكر اللى حصل بليل و عايزة تعرف هى ازاى كانت فى الأوضة تانى و هل اللى حصل ده حقيقى و لا كان حلم
شوق و تكاد الكلام يطلع منها : حم..ز.ة
حمزة بمقاطعة : انتى ايه اللى نزلك بلليل بالمنظر ده

شوق : انا انا انا كنت نز..لة أشر.. ب
حمزة : و نزلتى برده كده ازاى مش أدهم فى البيت برده و لا انتى مش بتحترمى اللى انتى لابسة ده و كنتى عايزة يشوفك يا محترمة
شوق : ديه اول مرة انزل كده و انا ندمانة و قعدت تعيط ….هو ايه اللى حصل بعدها انا مش فاكرة حاجة
حمزة بمشاكسة : عيب اقولك بقى يا عروسة 😉
شوق قعدت تعيط و بتحاول تكتم صوت عياطها و شحتفتها و مش قادرة تاخد نفسها من كتر العياط
حمزة : مفيش حاجة حصلت متقلقيش انا كنت بهزر معاكى انتى اغمى عليكى و انا شيلتك و طلعتك اوضتك
شوق قاعدة بتعيط من تحت النقاب و تجنبت الكلام معه طول الطريق و حمزة قالها انه هيروحها
⚘⚘⚘⚘⚘⚘⚘⚘⚘⚘⚘⚘⚘⚘⚘⚘
نوح و كيان و أدهم صحيوا و نزلوا يفطروا
نوح : ماما هى نور فين انا عمال اتصل بيها مش بترد هى كل ده نايمة ولا ايه
ندى : اصل
فهد بمقاطعة : اختك اتجوزت من ورانا و انا مش عايزة الموضوع ده يتفتح تانى فى البيت
نوح بغضب : يعنى ايه اتجوزت مين ده و هى فين دلوقتى و ازاى كل ده معرفش
فهد : هو اتجوزها رسمى و انا خلاص اتبريت منها و محدش يجيب سيرتها فى البيت ده
أدهم: فين مكانها دلوقتى احنا اخوتها برده و بعدين نور عمرها ما تعمل كده يا بابا

فهد : و اهى عملت
نوح : اسمه ايه ولا بيشتغل فين ده
ندى قالتلهم اسمه و مكان نور و شغله كمان
ندى : انا عايزة اروح اطمن على نور من امبارح و انا مش عارفة انام
فهد : ندى احنا اتفقنا على ايه
ندى : ارجوك يا فهد لو سمحت الواد ده اكيد بيهددها بحاجة انا متأكدة و بعدين احنا هنسب نور كده يبهدلها او يعمل فيها حاجة لاء انا عايزة اروح و بنتى تنام فى حضنى
نوح اخد والدته و والده
أدهم فضل مع كيان فى البيت علشان متكونش لوحدها
نوح وصل البيت و طلع جرى على الشقة فضل يخبط جامد
يوسف فتح الباب ببرود : مين حضرتك
نوح راح ضر’ب يوسف بوك’س وقعه على الأرض
نوح بزعيق : نووووور نوووور
نور جريت لما سمعت صوت اخوها و جريت على حضنه : نوح
يوسف راح شدها وراه : فيه ايه هى بل’طجة ولا ايه