♡♡♡♡♡♡♡♡♡♡♡♡♡♡♡♡♡♡♡♡♡
# شمهورش
الكاتبه : سولاف الحجاج
__________________________________
ميلاف /
ضل يتلمس بكل انحاء جسمي وخله راسه بركبتي تخبلت وكمت طفرت بسرعه ورحت للحمام ابجي
_ بس لايلحكني يممه صخام بوجهي شلون بله شسوي بروحييي
سديت حلكي بيدي مااريد احد يسمعني وبقيت نص ساعه بالحمام وطلعت مديت راسي وما لكيته
يلا طلعت رحت لفراشي وتغطيت عدل بس بقيت للفجر خايفه ومانمت من الرعب واسمع اصوات بل بيت والخيال كل شوي اشوفه
لحد ماغفيت من التعب وكعدت على صوت امي
سما : شعجب اليوم نمتي هواي
ميلاف: وين خالي
سما : طلع من الصبح ليش؟
ميلاف : لا هيج ماكو شي
خفت احجي ومحد يصدكني ف سكتت ...
ومرت هاي السنه على خير وصديقتي زهراء باقيه وياي وماعافتني لحظه من صدك مالكيت احسن منها
واخر يوم بالامتحانات جنه كاعدين انا وياها
زهراء : ابوي حلف يبطلنه اذا رسبنه وكال ازوجكم وارتاح من همكم
ميلاف : لا مايسويها وانا وياج ان شاء الله وادرسج كل شي
زهراء : فدوه اروحلج
ميلاف : جم زهراء انا عندي هيه بس وحده بالصين وطاحت بالطين
زهراء : هههههه سخيفه
بقينه نسولف وبعدها كلمن رجعت لبيتها...
نجحت للثاني متوسط وبدت العطله
وبيوم بليل جنت جاي ابدل ملابسي ومن عادتي احب ابدل ملابسي كدام المرايه
كمت نزعت ووكفت كدام المرايه
حسيت مثل الهوا ضربني بظهري التفت وجانت الغرفه فارغه بلعت ريك من الخوف ورجعت اباوع لروحي ولبست ملابسي وجان ثوب لونه وردي
للحظه حسيت بدوخه غريبه مثل الكهرباء وضربت براسي وكعت بالكاع وانا مفتحه عيوني وشفت خيال اسود اجه خيم عليه
تقرب عليه وانا حيلي انهد مااكدر اتحرك وجنت بس اسمي بداخلي واذكر الله
انفاس متسارعه واحس بيه شخص بس جان عباره عن خيال او طيف لان كلش خفيف لحد ماسمعت بصوت ثخين وبيه بحه قويه
_ ميلاففف
تنفست بسرعه وضليت احس الهوا خلص من الغرفه بعدها غمضت عيوني وماحسيت بشي...
لحد ماكعدت على صوت ابوي
سليمان : شبيجج ميلاف ليش طايحه بالكاع
أنت تقرأ
شمهورش(مكتمله)
Tajemnica / Thrillerلم اعش حياتي كما اريد انا بل كان هناك من يطاردني في حياتي واحلامي وحتى وحدتي يلاحقني في كل مكان ليس هنالك مهرب منه لقد خسرت اطفالي بسببه والى الان يطاردني {الموت قادم على الجميع} _احننه من دم واحد افهمممم احنه اخوان وعلاقتنه محرمه . . . لا احلل...
