♡♡♡♡♡♡♡♡♡♡♡♡♡♡♡♡♡♡♡♡♡
# شمهورش
الكاتبه : سولاف الحجاج
___________________________________
صرخت من شفت مريه طويله وضخمه وجهها قبيح وسمره حيل ولابسه بوشيه ومطلعه قسم من وجهها
ميلاف : يممممه هايييييي شنوووو
انعام : شبيج وغمه
ميلاف : منو هاي
انعام: يعني منو ماجاي تشوفيها مريه بعد شنو
ام عباس : شلونج خيه
انعام : هلا عيوني هلا بيج
كامت انعام وراحت تسالمت وياها وانا اباوعلهن وخايفه وهنه يسولفن بس حجيهن مامفهوم وانوب انعام شاورتها وهذيج ضحكت حته ضحكتها تخوف باوعتلي وكالت
ام عباس :تعالي
ميلاف : شنو لاا
ام عباس : تعاي اوديج تلعبين ويه الجهال
انعام : روحي لعبي شبيج خايفه
كمت بخوف واخذتني عصرت ايدي ودتني يم اثنين بنات وولد وجانو يلعبون بحدهم وانا كعدت على صفحه اباوع عليهم
ماكو نص ساعه واجت انعام
انعام : يلا تعاي نرجع
كمت وياها ورجعنه للبيت ولزمتني من وجهي حيل
انعام : ابوج اذا عرف احنه طلعنه راسج اكطعه من مكانه
هزيت براسي ورحت نمت بالمطبخ
وحسيت ب احد اجه غطاني فتحت عيوني وجان ابوي
ميلاف : ها بويه
سليمان : رجعي نامي حبيبتي
ابتسملي وراح وانا رجعت انام بس من اجه شكل المريه على بالي خفت وتغطيت بسرعه حته راسي غطيته
كعدت الصبح وشفت أدم جاي للبيت
ميلاف : وين انعام وابوي
ادم : ابوي بالشغل وانعام من شوي كعدت وكالت كعد اختك تنظف البيت
ميلاف : البارحه نظفت
ادم : بعد ماادري انتي وياها تتصافون لاتدوخين راسي
انعام : بعدها ست الحسن والجمال ميلاف نايمه
ميلاف : بعدها الساعه 11 الصبح وانا البارحه منظفه
من شافت أدم يمي خففت صوتها
انعام : تمام تعاي ساعديني نسوي الغدا
رحنه للمطبخ وكعدنه نسوي بالأكل دارت عليه وكالت
انعام : العصر نروح لجوارينه
ميلاف : لا فدوه يخوفون
انعام : سكتي الفاهيه
سكتت لان ادري كلامي مراح يسوي شي تغدينه وغسلت المواعين واخذتني غصب الهم
أنت تقرأ
شمهورش(مكتمله)
Misteri / Thrillerلم اعش حياتي كما اريد انا بل كان هناك من يطاردني في حياتي واحلامي وحتى وحدتي يلاحقني في كل مكان ليس هنالك مهرب منه لقد خسرت اطفالي بسببه والى الان يطاردني {الموت قادم على الجميع} _احننه من دم واحد افهمممم احنه اخوان وعلاقتنه محرمه . . . لا احلل...
