NONIMI🌷✅

12

බීප් බීප්...

බීප් බීප්..

ලබ්.. ඩබ්..

ලබ්.. ඩබ්..

යාන්තමින් දැනෙන හදගැස්මයි බීප් සද්දෙයි එක්ක මම හිමීට ඇස් ඇරියා.. මගේ ඇඟ පුරාම වයර් කෑලි අමුණලා ඔළුව සුදු බැන්ඩේජ් එකකින් ඔතලා තිබ්බා.. ඉනෙන් පහල කිසිම දැනීමක් නැති වුණත් මම කකුලේ ඇඟිලි යාන්තමින් හොළව ගත්තා..

හදවත තැනින් තැන රිදුම් දෙනකොට ඇඟ අතපය ඔක්කොම අප්‍රාණිකව දැනුනා.. මම හුස්ම ගන්න හඬ ඇරුණම මැශින් වල හඬ විතරක් ඇහෙනකොට මගේ හදවත හීනියට රිදුම් දුන්නා..

මම තාම ජීවත් වෙනවා..

මට ඒක දැනුනා..

හැම මනුස්සයෙක්ම ඒ දේට ආස කලාට මම තාමත් ජීවත් වෙනවා කියන ඒ හැඟීම මට වේදනාවක් ගෙනාව.. ඇස්පිල්ලන් විතරක් හොල්ලලා බලන්න පුළුවන් වුණ මම කොලර් එක දාපු බෙල්ල යාන්තමට හරෝලා වටපිට බැලුවා.. Emergency room එකක් වගේ පෙනුනත් දැක්ක ගමන් ම ඒක VIP Room එකක් කියලා එහා පැත්තේ කුශන් එකේ නිදන් ඉන්න කෙනාව දැක්කම මම තේරුම් ගත්තා..

දිව ගිලෙන්න තරම් තිබහක් දැනුන නිසා කැනියුලා එක ගහපු අත ළඟම තියන රතු පාට බොත්තම මම මහපට ඇඟිල්ලෙන් යාන්තමින් ප්‍රෙස් කලා..

එයා ඇහැරුණා..

මාව දැක්කා..

අඩියට දෙකට කාමරෙන් එළියට දුවලා ගියා..

තත්පර ගාණකට පස්සේ නිල්පාට ඇදුම් ඇදගත්ත නර්ස්ලා තුන්දෙනෙක් එක්ක, සුදු කෝට් දාගත්තු ඩොක්ටර්ස්ලා දෙන්නෙක් කාමරේට ආවා..

එයාලා ඔක්කොම වටවෙලා මාව පරීක්ෂා කරන්න පටන් ගත්තා.. එක එක ප්‍රශ්න ගොඩක් අහලා තෙහස් අයියාගේ පිටට තට්ටු කරලා එයාලා යන්න ගියා..