නොනිමි🌷✅

05

සමහරු කිව්වා ආදරේ දැනුනම ඒක මහ අමුතු විදියට හදවතේ කිදා බහිනවා කියලා.. ඔය කියන ආදරේ මට දැනිලා නැති නිසාමද මන්දා කිදා බහින ෆීලින් එකක් එන්නෙම නෑ.. ඒත් ඊයේ රෑ, ඒ සිදුවීමෙන් පස්සේ මට මහ වරදකාරී හැඟීමක් දැනුනා..

හරි ඉතින් මේක හරි මඟුලක්නේ... මමද එයාව ඉඹින්න ගියේ.. එයානේ මාව ඇදලා ගත්තේ.. අනික එයාට ඕක මතක නැතුව ඇති.. එනිවේ.. අපි ආයේ හම්බෙන එකක් යෑ.. මොකටද මම නිකන් ඕක ගැන හිත හිත නැහෙන්නේ..

මම ඇදේ අනිත් පැත්තට පෙරලුනා.. උදේ ම හිතට දැනුන වරදකාරී හැඟීමත් එක්ක මම ගරාජ් එකේ ඉදලා එයාලා එන්න කලින්ම ගෙදර ආවා.. එහෙම්මම ඇදේ පෙරලිලා හොඳ නින්දක් දැම්මා.. දැන් නම් හවස එකට විතර කිට්ටු ඇති.. ඇඟටත් ටිකක් හරි නෑ වගේ.. නිවාඩු මාසෙත් ඉවර වෙන්න එනවා.. ආයෙත් පරණ රෝල අදින්න ඕනිනේ කියලා මතක් වුණාම තමා මෙහේ රජ සැප මතක් වෙන්නේ.. එක අතකට දැන් ජූනියර් බැච් එකක් එන නිසා අපි සීනියර්ස්ලානේ.. ටිකක් ගැම්මෙන් ඉන්න වෙයි..

කරුමෙට අපේ සින්නෝ තාම අපිට පාර්ටිය දුන්නේ නෑනේ.. අපි ගිය ගමන් එන පලවෙනි ඉරිදා මුන් දෙන්නම් කියලා නම් කිව්වා.. ඕකුන් ශුවර් නෑ.. ලෝභ කුන්නෝ.. මොනා වුණත් First year End exam එකට නම් උන් ටික අපිට සෑහෙන්න උදව් කලා..

කෝම කලත් මගේ ස්පෙශල් එක ගැන තාම කිසි රිසාල්ට් එකක් ආවේ නෑනේ.. ආසාව නම් ඉතින් මියුසික් වලින්ම ස්පෙශල් එකක් කරන්න.. GPA එක තිබ්බොත් ගොඩ.. නැත්නම් ඉතින් අනිත්වා කරලා මන් මොනා කරන්නද.. ඒත් පොඩි බොසා නම් නාට්‍ය හා රංග කලාව කරන්නේ..

කැම්පස් ජීවිතේ පැණි රසය කිය කිය ටියුශන් සර්ලා අපිට කිව්වට මොකද මට නම් ඒකේ මහා ලොකු පැණි රසක් තාම නම් දැනුනේ නෑ.. අනික ඉතින් අපි මීමැස්සෝ නෙමෙයිනේ කැම්පස් එකේ පැණි උරා බොන්න..