First Love, Twin Flame & The End

Twin Flame (1)

Recommend Song
All too well by Taylor Swift

Autumn, 2019

" မာမား ကျွန်တော် ညနေမှ ဖုန်းပြန်ဆက်လို့ရမလား?"

ဆောနူးက ခပ်တိုးတိုးတောင်းဆိုပေမယ့် သူ့မေမေကတော့ ဆက်ပြောနေတုန်းပဲ။

" အခုအလုပ်က အရမ်းအဆင်ပြေပါတယ် မာမားကျေးဇူးပြုပြီး ကျွန်တော့်ကို ယုံကြည်ပေးလို့ရမလား.. "

"------------"

" ကျွန်တော် အိမ်ကို ဘာပြသနာမှလည်း မသယ်လာသလို ဝန်ထုတ်ဝန်ပိုးလည်းမဖြစ်စေခဲ့ဘူးလေ။ မာမား ကျွန်တော် 23 နှစ်ရှိပြီ။ ကျေးဇူးပြုပြီးတော့ ကျွန်တော်မလုပ်နိုင်ဘူးလို့မတွေးဘဲ ချီးကျူးပေးလို့ရမလား"

သူနဲ့မာမားက ကိစ္စတခုကိုဦးတည်ဆွေးနွေးနေတာထက် ကိုယ်ဖြစ်ချင်တာကိုပဲအော်ပြောနေတဲ့ ကလေးနှစ်ယောက်နဲ့တူနေတယ်။

မာမားစီစဥ်ပေးတဲ့ Sydney က အလုပ်ကိုငြင်းပြီး Seoul ထိရောက်လာတဲ့ သူ့ကို မာမားကအရမ်းဒေါသထွက်နေတယ်။ Asian မိခင်တွေရဲ့ သဘာဝအတိုင်း မာမားက သူ့အနာဂတ်ကို စီစဥ်ပေးချင်တယ်။ သူကတော့ ကိုယ်တိုင်ကြိုးစားပြီးရထားတဲ့ အလုပ်ကိုလုပ်ချင်တယ်။

" တောင်းပန်ပါတယ်။ ဘယ်တော့မှ မာမားအတွက်မလုံလောက်ခဲ့လို့"

မာမားဘာဆက်ပြောတယ်ဆိုတာ သူနားမထောင်နိုင်တော့ဘူး။ ဖုန်းကိုချလိုက်မိတယ်။

ပထမဆုံးအလုပ်ဝင်ရမယ့်ရက်မှာ သူလန်းဆန်းနေချင်တယ်လေ။ အိမ်ကနေ မိနစ်သုံးဆယ်လောက် busစီးသွားရင် ရောက်တဲ့အလုပ်နေရာကိုလည်း ဆောနူးကအရမ်းသဘောကျတယ်။

Seoul ကိုရောက်တဲ့တစ်ပတ်အတွင်းမှာ အိမ်ကိုနေရာချရတာရယ် အလုပ်အတွက် second interview ကို အသည်းအသန်ပြင်ဆင်ရတာရယ်နဲ့ သူမအားလပ်နိုင်ခဲ့ဘူး။

msg noti အသံကြားလို့လှမ်းကြည့်လိုက်တော့ ဂျောင်ဝန်းနီး။ မာမားနဲ့သူနဲ့ကြားမှာဖျန်ဖြေပေးဖို့ကြိုးစားနေတာနေမှာပေါ့။ ဒီလိုကြတော့ သူ ဂျောင်ဝန်းကိုလွမ်းသွားတယ်။ အမွှာနှစ်ယောက်ဘယ်တော့မဆို မခွဲဘဲအတူတူရှိခဲ့တာ။ အခုသူက Seoul မှာ ဂျောင်ဝန်းနီးက Brisban မှာ။