Recommend Song:
Back to December by Taylor Swift
2022 (Spain, Granada)
" buenos días (good morning)"
" si (yes)"
" အန်ကယ်ဂျုံဆောင်းကို Will ရောက်နေပြီလို့ ေပြာလိုက်မယ် ခဏစောင့်ဦး"
သူ့ ဆရာဖြစ်တဲ့ Jay မှာ တူလေးသုံးယောက်ရှိတယ်။ အကုန်လုံးက သူတို့အဖေထက် Mr Jay နဲ့တူနေလို့ စစချင်းမှာ ဆောနူးမှားမိသေးတယ်။
ကလေးလေးက အိမ်ထဲကို ပြေးဝင်သွားပြီး Mr Jay ကို သွားခေါ်တယ်။ သူကတော့ သူတို့စကားပြောနေကျ Jay အလုပ်ခန်းက ခုံမှာ အရံသင့်ဝင်ထိုင်နေလိုက်တယ်။
" Will မနက်စား စားပြီးပြီလား?"
Mr.Jay က မြင်နေကျအတိုင်းပဲ အမြဲရှင်းသန့်ပြီး တည်ငြိမ်နေတယ်။ Jay ကို မြင်လိုက်ရင် အရမ်းအေးချမ်းသွားရတယ်လို့ ဆောနူးခံစားရတယ်။
" ဟုတ်ကဲ့..ကျွန်တော် စောစောနိုးတယ်။"
" ည ကောင်းကောင်း အိပ်ပျော်လား?"
Jay ကမေးတော့ ဆောနူး ခေါင်းရမ်းပြတယ်။ သူသေချာအိပ်မပျော်နိုင်တာ တစ်နှစ်ကျော်ရှိပြီ။
" အိမ်မက်တွေ မက်သေးလား?"
" ဟုတ်ကဲ! သာမန် အိမ်မက်တွေပါပဲ။"
Jay က ဂန္ဓာမာပန်းခြောက်ခတ်ထားတဲ့ လက်ဖက်ရည်ကြမ်းတစ်ခွက်ကို ေဆာနူးရှေ့မှာချပေးတယ်။ ေဆာနူး Jay နဲ့ therapy session ပေါင်းများစွာကို 2021 နှစ်စကတည်းက ဖြတ်သန်းခဲ့ရတယ်။ အစပိုင်းမှာ သူ Jay ကို အများကြီးမယုံနိုင်ခဲ့သလို သူ့စိတ်ထဲမှာရှိတာတွေကိုလည်းထုတ်မပြောနိုင်ခဲ့ဘူး။
" ဒီနေ့ ဘာအကြောင်းပြောပြချင်နေလဲ။ ေဆာနူးပြောချင်တာ အရင်နားထောင်ရအောင်"
" အင်း.... ကျွန်တော် Port Fairy ကို အိမ်မက်မက်တယ်။ အဲ့အကြောင်းပြောချင်တယ်"
Jay က ထပြီး ဓာတ်ပြားတခုကိုဖွင့်တယ်။ classic song တခုပေမယ့်ဆောနူးမသိဘူး။ သူသက်တောင့်သက်သာဖြစ်အောင်ထိုင်လိုက်ပြီး စကားစပြောတယ်။
" ဂျောင်ဝန်းနီးက ခြံနောက်မှာ ကစားရတာကိုကြိုက်တယ်။ ကျွန်တော်က အိမ်ပေါ်မှာအရောင်ခြယ်ချင်ပေမယ့် ဂျောင်ဝန်းနီးတစ်ယောက်တည်း ဘောလုံးပစ်နေရင် ဘေးအိမ်က Albus က ရောက်လာပြီး ကစားတော့တာပဲ။ ဂျောင်ဝန်းနီး Albus ကို အရေးပေးတာကိုမကြိုက်လို့ ကျွန်တော်က Albus ရောက်လာရင် မသိမသာ bully ဖြစ်သွားတတ်တယ်။ ဒါကို သတိထားမိသွားတဲ့ မာမားက တစ်ရက်မှာ ကျွန်တော့်ကို ပြင်းပြင်းထန်ထန်ဆူတယ်။ အရမ်းငယ်သေးတော့ ကျွန်တော့်စိတ်ထဲမှာ ဘာစွဲသွားလဲဆိုရင် ပိုင်ဆိုင်လိုစိတ်ပြင်းပျတာ မကောင်းဘူးလို့ထင်သွားတယ်ထင်တယ်။ လိုချင်တာတွေ ဖြစ်ချင်တာတွေက မကောင်းဘူးလို့ခံစားမိရင် ကျွန်တော်ချက်ချင်းလက်လျှော့လိုက်တယ်။ "
YOU ARE READING
First Love, Twin Flame & The End
Fanfictiona story about Kim Sunoo's love life Heesun SunSun Sunjay
