مَهْوُوسُهَا

﴿الجزء الاول : الفصل الثامن ﴾

ملاك : مروى فيقي خلاااص
انا : اش خاصك تاني
ملاك : نسيتي لحفلة!!
انا : تفو عليك  لا نتي لا داك ياسين يالاه
ملاك : ايوا يالاه لميمة
انا : اك اك
نضت بدلت حوايجي لبست كسوة فلحمر غامض ودرت ميكاب خفيف وخرجت

لقيت ملاك لابسا كسوة فلخضر جاتها زينا مع فصالتها ..

مهم وتحركنا
* فالحفلة
ياسين : اوووووو جيتي فنة
ملاك : سكت حشمتيني حمم
هو يجرها عندي وقال بصوت خافت : شي رقصة !🫴🏻
ملاك : مانردهاش فوجهك هههه
ومشاو كيرقصو انا بقيت غا واقفة جيهة طبلة وساندا عليها حتا كنسمع بصوت رجولي مع لبحا لي دوخاتني : امممم مروى لاش واقفة بوحدك
انا : هاا اه إبراهيم حمم لا والو غير مكنعرف حد هنا
إبراهيم : نخرجو؟
انا : كيفاشش!؟؟ فين!
إبراهيم : جاني حفل ممل يالاه غير نخرجو ايلا بغيتي
انا : صراحة مكرهتش ولكن ..هو يشدني من يدي وجرني معاه ههه
إبراهيم : فين تبغي نمشيو
أنا : بغيت نمشي جنب لبحر
إبراهيم : هيا لولة هه
انا غادا وكنتأمل فيه علاش كيعاملني هكا ؟ غاع دكشي لي سمعت عليه بلي شخص بارد ومعندوش مشاعر مكيعرفش لحب إذن شنو علااش كيعاملني هكا !
فيقني من افكاري ونطق : مالك ساهية تاني
انا : لا والو
إبراهيم : متفكريش بزاف ملي تجي لوقيتا لمناسبة اتفهمي كلشي
انا : اععع خاصني منبقاش نفكر وانا حداك
جلسنا حدا لبحر وبقينا داويين حسيت بواحد راحة فششكل
إبراهيم : عاودي ليا مالك شنو مبرزطك؟
انا: لا والو ههه
إبراهيم : تدوزيها على كلشي ايلا انا دوي .
انا : ماعرفتش ههه حاسا بخاطري ماهواش عندي مشاكل مع مالين دار دكشي لاش جيت فلول لهنا ولكن توحشتهوم دبا باغا نمشي وماقاداش وخلي عليك ضيعت بزاف تاع اللحظات زوينة معاهوم عارفا لاخطاوني انحماق ولكن اعع مهم منقدرش شي حاجة حابساني
دوز ليا يديه على حنكي بكل حنان وقال : نطلعو لمغرب
تصدمت ههه : كيفاش هه ولكن انا كنقوليك مقاداش راه فيدي نطلع ولكن معرفتش
هوا : مروى كنضن ماشي غا هادشي لي مبرزطك ولكن على الاقل قدرتي تدوي ..سمعي عمرك تتهربي من لحاجة رجعي لدار فكري شحال قدك ما تغبري على داركوم ! ايلا قدر الله مشيتي ملقيتيهومش ؟
انا : عندك صح ولكن معنديش لوجه باش نواجهوم باقي
هو : نمشيو بجوج !
انا : علاش بجوج ؟
هوا : انخطبك ونجيو
انا وقفت فحالي صدمني ههه كيفاش يالاه عرفتو غا لبارح تا شخصيتو ممفهوماش وقال ليك يخطبني
هوا : اضحكنا معاك ابنادم
انا : اوووف زمر هادا
هوا : مهم فكري مزيان راه الندم صعب من عزة النفس تاعك هه
انا : امم
هوا : مالك تاني
انا لا اراديا عيني دمعو عييت مانحبس دموع ووالو
إبراهيم : اجي لاش دموع دبا !
انا : ماشي لخاطري مهم مشينا !
جرني عندو وعنقني وقال بصوت خافت حدا وذني : بكي خوي لي فقلبك وخاا صعيبة عليا نشوف دموعك
رتاحيت ليه لدرجة دموع محبسوش على الاقل لقيت علامن نخوي قلبي
بعدت منو وشفت فيه وعيني حمرين بدموع ماترددتش وسولتو : علاش هادشي؟
هو : شنو لي علاش
انا : علاش كتعاملني هكا مافهمتش
هوا : ماشي وقت مناسب باش نجاوب يالاه دبا
انا : عافاك بغيت نعرف مابغيتش نتعلق بيك ونندم
هوا: تتعلقي بيا اممم
انا : اتدوي !
هوا : لا ماشي وقتو
مهم قلبت لموضوع وقلت ليه : خاصني نرجع لدار عندي مشروع غدا صباح
هوا بتسائل: لي هوا ؟
انا : كتعرف المحقق لويس بيكر؟
إبراهيم : بطبيعة الحال رااه معروف
انا : انرافقو فلقضية الجديدة تاعو ونجمع معلومات لي اينفعونا فلحصة تاعنا ومنها نشوف مستوى دراسي تاعي واش اينفعني
إبراهيم: من الاحسن بلاش اتجبدي على راسك مشاكل راك عارفا نوع لقضايا لي عندو
انا : كنحماق على المشاكل واصلا موتا وحدة لي كاينة
إبراهيم : الله يعاون غير ردي لبال
انا : واخا ممكن تردني لدار عافاك ؟ مافياش لي يتمشا وجاني لبرد اصلا
هوا : اجي (وجرني حداه) يالاه نمشيو
انا : هههه واخا امم
ركبنا فطومو وغاديين تا داني نعاس
                              ...... يتبع.