★الجامعة
ملاك : ساطا مالك غا ساهية
انا : دالي لعقل اختي
ملاك : اويلي شكون ؟
انا : اضاحكة هههههه
جا عندي لبروف ..
لبروف : اممم مروى ياك !
انا : اه ا أستاذ
لبروف: بقاي محتاجك فواحد لبلان
انا باستغراب : واخا !
(بروف تاعنا سميتو عصام ههه ف ثلاثينيات من عمرو ومطيح نص فلبنات بلوسامة تاعو ولكن عيبو هوا كيمووت على دريات لي طاح فلمقلة يتقلا مكيزݣلش)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
من بعد ماسالات لحصة بقيت فلقاعة كنساين لبروف يسالي
بروف: امم مروى شحال من مرة كنكون محتاجك مكنلقاكش
انا : علاش؟
هو: كاين لي مكيحتاجش زين فحياتو ؟
انا : كيفاش
هو: انكلفك بواحد لمشروع من نوع لي كيعجبك
انا : اهاه زيد
هو: اتمشي فمهمة لتحقيق فإحدى لقضايا لغامضة برفقة المحقق (لويس بيكر) اتكون كتجربة فريدة ليك وفنفس لوقت اتاخدي معلومات وتقدميهوم لينا فلحصة
انا بفرحة : صراااحة مكرهتش شكرااا بزاف
كنت غادا نخرج باش نمشي عند ملاك حتا سمعتو قال
هو : متنسايش تاحاجة ما فابور كلشي بلمقابل
درت راسي صمكة ومشيت عند ملاك وعاودت ليها كلشي...
انا اصلا كنقرا علوم جنائية هداك حلمي من نهار عقلت على راسي فرصة بحال هادي مستحيييل نضيعها.
تحركت انا وملاك حتا وقفنا ياسين بطومو .
ياسين: حبيبة صافا كي بقيتي
ملاك: حبيبة !🙂
انا : سيرو تعاشقو فبلاصة خرا
ياسين : يا على بشاار طلعو طلعو نوصلكوم ضلام بدا يطيح تعطلتو
انا : احسن جو عندي هوا هدا دي معاك ملاك انا انكمل على رجلي
ياسين : اك
ملاك : ولكن...
ماحسات تا لقات راسها وسط طومو ههههه
ياسين : باي باي ..وكسيرا
انا غادا بحال ديما مع افكاري لي ولاو مرضيني هههه جهد رغبة تركيز تاحاجة مابقات مستمرة فوق طاقتي ..
على غفلة كنحس براسي طرت من بلاصتي ومعنقني شي حد ودني بقا كيتسمع فيهوم غا صوت لكلاكصون ولفرانات كنحل عيني بشوية حتا كيبان ليا ...*_إبراهيم_* قلبي حسيت بيه كيضرب فتسعين هههه اربي اش هاد زين اش هاد لفورمة غبرت بين يديه .
بعدني عليه وكيدوز يديه على شعري و وجهو خالي من التعابير واحد لبرود ولغموض فشكل دكشي لي كنحب لقيتو هنا..
هو بكل هدوء : ماوقع ليك والو بعدا؟
انا : اااا لالا انا مزيان شكرا
جرني من يدي وجلسني
هو : فين كان عقلك
اناا :معاك
هوا : كيفاش !!
انا عقت براسي اش قلت : اااا ماديش عليا غا مع لخلعة مهم
هو : سولتك مزال مجاوبتي
انا : والو غير نفسية مخربقة شوي وصافي هه
عاود دوز ليا يديه على شعري بكل حنان وقال : ممم بقاي تردي لبال
(اماااما ذبت انا ذبت)
بقيت ساكتة وسارحة ليه غا فعينيه وتاهوا كذلك هه عم الصمت لمدة
هوا فجأة : علاش عينيك زوينين هكا !
رمقتو بنظرة استغراب ..
هو كيحاول ينقد الموقع: فكروني فعينين واحد لبنت كنت قتلتها هههه
انا : هااا اويلي نتا قتال؟
هو : يالاه ناوي
انا : حمم انمشي لدار
هو : اك . وقف ومشا فحالو وخلاني جالسة تماك هه
بقيت جالسة وسارحة كالعادة حتا بدات شتا كتنقط عجبني لجو وبقيت تماك شحااال عاد تحركت لدار دخلت ونعست ماكليت والو .
_اصبحنا واصبح الملك لله_
7 تاع صباح كيف لعادة ونفس روتين صبحت مراشقاش ليا قلت نبدل لمورال فلاصال شوي لبست حوايجي فطرت وخرجت
فلاصال
: هاي
انا : هاي صافا
آيلا: الحمد لله ازين
(آيلا كوتش تاعي فلاصال ملامحها فنيين صراحة كبر مني ب عامين اصلها تركي مغربي ههه مخلطة )
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
انا : ماقلتيش ليا اش نخدمو ليوم
آيلا : نخدمو لكرش
انا : قربنا نوليو بلا مصارن
آيلا : ههههه نبداو
*خليوني تانسالي سيرو عند ملاك نعاسة *
فاقت ملاك مع 9 على صوت تيليفونها لي كيصوني.
ملاك : واش هدا مكيعرف لي ناعس ولا مريض تفو
ياسين : زين فقتي
ملاك : لا فيقتيني
ياسين : عبرت عليك هههه مهم بمناسبة اليوم عيد ميلادي اندير حفلة جي نتي مروى ايلا بيتي
ملاك : عيد ميلاد سعيد بعدا ههه ضاروري انحضر ولكن مروى ماعرفت
ياسين : صافي احبيبة هه كملي نعاسك
ملاك : ههههه واخا باي
*نسيتو امين وزينب ياكوو *
زينب : أمين دويت معاك اش كنتي تتقول نتا وختنا تاني
أمين : والو اسولاتني على شي ملاحظات قيدتهوم فلحصة وعطيتهوم ليها
زينب : اوووف مال دين مك زوين هكا خاصني نخاف عليك
امين : ههههههه حبيبة كتخاف عليا اجي اجي وعنق زينب
(بلمناسبة مكنذكرهومش بزاف دبا ولكن من بعد اه يعني غا سلكو )
*رجعو عندي صافي *
آيلا : بسلامة كانت حصة زينة معاك بحال ديما
انا : شكرا ههه تهلاي فراسك
رجعت لدار مالقيتش ملاك دخلت دوشت وخرجت لبست حوايجي على اساس نمشي للجامعة .
جات ملاك لقاتني بحوايج برا
ملاك : باقي غاع مابدلتي حوايجك
انا : لا بدلت غير غادا للجامعة
ملاك : ليوم خاوي غا عاودي بدلي ههه
انا : نسيت هههه
ملاك : انمشيو لحفلة لي داير ياسين
انا : بمناسبة؟
ملاك : عيد ميلادو
انا : اول مرة نعرف بلي لحمير عندهوم عيد ميلاد
ملاك : ساطا حشومة ههههههه
انا : اك اك انمشي . ..مهم اننعس
ملاك : كترتي نعاس مأخرا ولا جاب ليا الله
انا : عادي مهم هههه هاني نعست تا نكونو غادين وفيقيني
ملاك : اوكيي
نعست ههه تصبحو على خير تال وقيتة الحفلة
يتبع ....
أنت تقرأ
مَهْوُوسُهَا
Romansaمن بنت تتقرا فلجامعة وعايشة حياتها عادي وبخير من لقراية لدار ، مهم نفس روتين كل نهار ولكن فجأة ايتبدل كلشي ، فلمحة عين حياتك اتقلب ملي تلقاي راسك متورطة مع أخطر المافيات الإيطالية. كيفاش اتخرجي راسك؟ أو بالأحرى شنو المصير تاعك؟ ★ قصة جديدة بعنوان:...
