القرابين السبع

part 25 | أُريد أن تموت

القرابين_السبع

بقلمي : فطم موفق 💜

لاتنسون التصويت + التعليق بين كل فقرة + متابعة لحسابي fatimalrashd 💋.

⏛⏛⏛⏛⏛⏛⏛⏛⏛

شَمس ..

أشوفهم يفترون ومخبوصين وأنا صافنة بَس ووجع داخل گلبي وبنفس الوقت واعية بَس أحس جسمي ما يتحرك من الوجع والدنيا تفتر بيَّ وأغمض وأرجع أفتـح طول ما همّا مخبوصين وصوت عالي ما أفهم شي بَس أشوف بعيني والأصوات ضوضاء حيـل  .....

من بعد وقت أحس نسحلت من إيدي صرت بغرفة وأنقفل عليَّ الباب ظليت دقائق بعدها صرت أسترجع نفسها، گمت مستندة بالحايط وراسي يدور دگيت الباب بتعب وجسم مُتهالك مشيت بالغرفة شفت نفس الزناجيل إلي بالغرفة ألي خلوني بيها سحبت زنجيل ورجعت للباب بقيت أدگ بي لمن ما أنفتح وبَس شفت سلاح بوجهي رفعت الزنجل سريع وقيدت إيده وگع السلاح من إيده ودفعته برجلي ...

سحبت الزنجيل بكُل قوتـي لمن ما سمعت عظمة إيده طگت دفرته ورجعت للخلف گد ما ثگيل، غمضت عيني ونزلت سحبت السلاح من الأرض.. مشيت والوضع هادئ بقيت مستندة بالحايط ألا ما شفته من الجامة مال الصالة المُطلة على الحديقة الخلفية ...

تسحبت للخارج وضغطت على نفسي وركضت وراه وكُل شويه أريد أوگع على وجهـي من الدوخة ووجع عظم كتفي من صرت بالحديقـة ماكو أحـد غير إلي دخلوا من الباب الخلفي للبيت ، صار هدوء حيـل ، أفتريت بأنحاء الحديقة وماكو الزعيـم ضربت رجلي بالأرض بعصبيـة وأحس نار تسعر بيَّ..

صرخـت مشنجة نفسي وأنا أفكـر وين أنهزم هالحيـوان ويـن ، ضربت السلاح بالگاع وصحـت بيهم : وييين رااااح ؟؟؟

حَيدر : هسه أمشي خلـي نطلع من هالبيت والله كريم .

مشيت من يمـه إيدي على راسي أفكر هذا ويـن أختفـى وصار ملح وذاب مثلاً ؟؟ صرت أمشي بأنحاء الحديقة وأتفقد الأرض بتركيـز مو بعيدة علـيهم يحفرون نفق صغير فقط يعبرهم خارج البيت بحال تحاصروا من الشرطة وفعلاً أنا وأمشي صارت رجلـي على شغلة وطلعت صوت بالبداية فكرتها حديدة عادية لكن عقلي صورلي غيـر شي ، بسرعـة شلتها وچان مثل ما متوقعة نفق ..

أشرت لحَيدر ينطيني السلاح أخذته منه ونزلت چان درج بايتين نزلت چان طريق طويل وواضح مو نفق وإنما سرداب تحت الأرض ، مشيت بي وحَيدر والمغوار نزلوا ورايه بمشيتي شفت بصفحة مخزون عدد چبير من أكياس صغيرة مليانة وعرفتـها مُخدرات وأكو أسلحة بعدد چبيـر حيـل ..., تقربت شويه وتفصلنـي مسافة طويلة بين وبين هاي الي مثل الغرفة ..

تقدم حَيدر ويحچي : شني هاي يمعود ..؟

شمس : مُخدرات إلي يشتريها يخزنها هيـن والأسلحة كذالك بعدها يهربوها خارج الحدود .