القرابين_السبع
بقلمي : فطم موفق 💜
لاتنسون التصويت + التعليق بين كل فقرة + متابعة لحسابي fatimalrashd 💋.
" عاقبينـي أيُّ عقـاب تُريديـه أدخلينـي جَحيمـكِ "
⏛⏛⏛⏛⏛⏛⏛⏛⏛
صحت حَنيـن طلعت بقت عيونه التلمع عليها مبتسم تقدم الها باس راسها وطلع من خلف ظهره تاج عرفته مصنوع من ورد طبيعي من العطر الي لفحني ... خلاه على شعرها وثبته وهمس : آميرتي ،فراشتي، نور عيوني ، أحبچ يا عيونو للحكم .
رادوا يطلعون والكل مبتسمة حتى دخل المغوار معصب دحگلهم مخزرهم رجع صاح مِـراس بسرعة طلعت من صوته العالي : شاكو شصار ؟
مشى للغرفة وجاوبها : ألحگيني .
دحگت بالوجوه صافنة اشرتلها تروح وراه شوف شيريد منها، راحت ونحنَ طلعنا للحديقة مبتسمين گعدوا حَكم وحنين ع الكوشة المُخصصة الهم بينما ايلول ومحمد شغلوا الديجي الصغير تلفتت حَولي ابوية ماكو ... تمشيت داير مدار الحديقة هم ماكو صارت عيني ع الباب شفته واگف وظهره علينا وخالة فاتن بالباب .
مشيت الهم مبتسمة وقبل لا اوصل سمعت جا صوت ابويه بحسرة وقهر ولول مرة أشوفه هالشكل يحچي همسلها : ليش يا فاتِنة گلبي؟ ليش چان هسه أبنّا يلوح سرگي الباب، ليش فرطتي بي ؟ شلون گلبچ أنطاچ تذبين طفلچ الرضيع بحضن الشيطان؟
بينما هيَّ بقت دموعها تنزل وتبچي بقهر وندم وجاوبته : فهد أسمعني.
هز راسه بأسف وقهر : ما تصورتچ بلا رحمة لهاي الدرجة فضلتچ ع الكل وأمنت اطفالي يمچ بَس أنتِ شسويتي؟ حتى طفلچ الرضيــع ذبيتي ..!
رفعت راسها اله وبس شافتني بسرعة مسحت دموعها وعدلت وگفتها تقدمت الهم وهمست : أي طفل هذا؟ ومنين تعرفون بعض أنتم؟
عدل نفسه الفهد والتفتلي مبتسم : معرفة قديمة لا تشغلين بالـچ .
درت نظري اله وأردفت بأستفهام : هاي چانت زوجتك مو ؟؟ وعندكم طفل من بعض ؟
فاتـن : لا يتكلم عن ابني مو ابنه .. لا تهتمين حبيبتي .
هزيت رأسي بينما داخلي يگول غير شي حس أكو قصة حيل چبيرة خلف هالأثنين والله العالم شنو هيَّ .. دخلت خالة فاتن للداخل وبقى ابوية نظراته تتوزع عليها لمن ما دخلت للحديقة...
گعدتها يم مارس ورجعت للفهد ما شفته چان طالع وسيارته ماكو ، بقيت حايرة بين هالأثنين وخايفة وراهم مُصيبة مو قصة غمضت عيني ورفعت رأسي للسماء من حسيت أيد قيدت رگبتي من الخلف وأحتضني جسم بعدها صار همس بأذني : ما بها جميلتي؟
أنت تقرأ
القرابين السبع
Horreurبين ثنايا غياهب الحياة نُشج شيطان رجيم مُبهم الهوية والتفكير فـ هل ياتُرى مثلما يتخاطرُ في اذهَانُنا شيطان رجيم و عند شر عيناه نستعيذ؟! اَم انهُ ساحَرٌ مُشعوذٌ الى الدَجالينِ ينَتمي؟! كـ مُخادعٌ يغرقُ من حولهُ من الورى في الدجى سَدوفِ انيابه حادة...
