الأمير المفقود The Lost Prince

البحث عن الأمير 6

كان هارون جالسا يتأمل السقف ويتفحص المكان , وضعت كريستال كوب الشاى أمامه وقالت: ساخن,, إستنى لما يبرد..

أمسك بالكوب ورشف منه رشفة ثم تألم لأنه ساخن فقالت: قلت لك إيه؟ إستنى لما يبرد..

زمجر هارون بغضب وقال: لاترفعى صوتك على مرة ثانية وإلا؟؟

وإلا إيه؟؟

حتى لو كنت وجه القمر لن أسمح لك برفع صوتك على فأنا...

أكملت عنه: هارون بن الملك عبد الله وولى عهد ممكلة النخيل.

رفعت شعرها عن وجهها فنظر لها هارون لم يتكلم ورأته يبلع ريقه, كانت تبدو جميلة جدا وهى تتكلم وتحرك يدها ووجد هارون نفسه يتأمل حركاتها ويبتسم ثم همس بصوت منخفض: نعم ... هذه حقيقة..

براحتك.. أنا هاقوم أغير بقى وأروح القسم..

وجه القمر...

إلتفتت وقالت بنفاذ صبر : نعم... عايز إيه؟؟

أنت جميلة جدا.

إحمر وجه كريستال وهمست: أشكرك سيدى ..

إنحنت امامه فى حركة تمثيليه وقف أمامها ووضع إصبعه أسفل ذقنها ورفع وجهها وقال: لاداعى لأن تنحنى أمامى وجه القمر..

ظل أصبعه أسفل ذقنها وشعرت بالحرارة فى وجهها من لمسة يده , نظر هارون فى عينيها مباشرة نظرة جعلت قلبها يرتجف ,, فابتعدت خطوة للخلف وهى تحاول ن تسيطر على إرتعاش جسمها وهمست: شكرا ... أحنى هارون رأسه إحتراما ورفع يده بحركة رشيقة وكأنه يأمرها بالإنصراف.

كانت حركة يده راقية جدا وكأنها بالفعل حركة ملوك وتعجبت منه , من هو فعلا ولماذا يتقمص شخصية قديمة ؟ دق قلبها بقوة وهى تنظر له وهو يبادلها النظرات وقالت:

بس هاعمل فيه إيه ده؟ أوديه فين؟ لو خدته معايا باللبس ده هانبقى فرجة فى الشارع ومقدرش أسيبه معاكى...

سيبيه ده واد طيب , مش هايعمل حاجة...

مش عارفة ياماما قلقانة منه...

متقلقيش ده عامل زى العيل الصغير ..

طيب.

توجهت كريستال لحجرتها فنهض هارون خلفها أوقفته بيدها ووضعتها على صدره: هوب.... إيه رايح فين؟ أنا داخلة أغير هدومى ...

نظر ليدها على صدره فأزاحتها فورا وأكملت: خليك هنا........ يعنى إنتظر هنا..

أومأ برأسه ودخلت الحجرة وأغلقت الباب ثم فكرت قليلا وأغلقته بالمفتاح خوفا من أن يقتحم الحجرة , بدلت كريستال ملابسها وخرجت رأته واقفا مكان ما قالت ,ضحكت قائلة: انت بنى آدم عجيب....