الأمير المفقود The Lost Prince

القلادة 11

إنهارت عائشة أكثر عندما علمت بإختفاء زوجها أيضا ولم تتوقف عن البكاء وكان الطبيب بجوارها ودخل عليها ظافر وقال: آسف مولاتى.. لنقل هذا الخبر الحزين لك لقد فقدنا الملك أيضا ..

ياحبيبى ياعبد الله..

إحمر وحه ظافر من الغيظ عندما سمع الملكة تنادى عبد الله بحبيبى وقال: لن أتوقف عن البحث مولاتى مهما كلفنى الأمر ...

اخرج من هنا لاأريد أن أراك .. اخرج لاأريد أن أرى أحد دعنى اموت وألحق بإبنى وبزوجى حبيبى,, اخرج ... أخرج..

خرج ظافر وهو يرتجف من غضبه وقال: قريبا يامولاتى ستصبحين لى ولن أسمح لك بذكر هذا الإسم أبدا... وسيكون قلبك ملكى أنا حتى لو بالقوة...

إستمر العمل فى المخبز وطبها توافد الفتيات لرؤية الشاب الوسيم الذى يعمل فيه ويتحدث باللغة العربية الفصحى وحاولت كريستال أن تتحكم فى غيرتها وتسيطر على غضبها ودخل منعم من الباب وقال: خلاص ياستى إتفقت لك فى التورتة وهاتيجى على الساعة 7 كويس كده..

بالشيكولاتة مش كده؟

أيوه والله طلبتها لك بالشيكولاتة....

نظر حوله وأكمل: إيه الزباين دى كلها ماشاء الله ده إحنا بقينا مش ملاحقين ..

قول الحمد لله.

البركة فأبو عضلات جه وجاب لنا الخير معاه ...

أدخل بقى كمل شغل لأن المعروض هايخلص...

حالا ...

دخل منعم وركزت كريستال عيونها على هارون وهو واقف وسط الفتيات ..وعندما إلتصقت به فتاة منهم ليلقتطو لها صورة معه لم تتحمل كريستال وأسرعت تقف فى الوسط بينهما وهى تقول: انا كمان عايزة أتصور معاكم.

الله انا عايزة صورة لوحدى.

لوحدك ليه؟؟ ده ملكى أنا, بتاعى أنا , إنت فاهمة ياللا ياماما ,, ياللا مش إشتريتى وخلصتى , روحى على مدرستك..

إلتقطت الفتاة صورة فى وجود كريستال وهى متضررة وسألتها :يقربلك إيه ده؟

أنا مراته..

مراته!! يدى الحلق...

خرجت الفتيات وقالت كريستال :شوف البت بتقول إيه؟؟ إخص عليكى وعلى تربيتك..

إقترب منعم وقال: إيه صوتك عالى ليه؟

البت بتبجح فى و..

إسمعى بقى بلاش تعملى مشاكل معاهم البنات دول اللى مشغلين المخبز وجايبين لنا فلوس قد كده كل يوم بلاش تخربيها ياكريستال ..

أخربها!!

آه بسبب خوفك على بسلامته وغيرتك عليه؟

غيرة إنت كمان بتقول غيرة انا مش بأغير على فكرة