بخير تگول بَس العبرة خَنكتها
تضحك والحِزن بَين بضحكتها
#غسق ادريس
#ظلمات القيد
............................................................................
"غين"
_ركضت ابسرعه ب اتجاه الغرفه خايفه ايشوفني ويعرفني كاعده ويجيني دخلت للغرفه وقفلت الباب لزمت كلبي خايفه ومتوتره اتمشيت بخوف طفيت الضوه دخلت للفراش اتسحب
_بقيت فاتحه اعيوني خايفه سمعت صوت خطواته تتقرب من الغرفه دفنت روحي ب الفراش ومطلعه بس اعيوني
_حسيت بخياله يم الباب عرفته اجه دك عل باب بهدوء اكثر من مره وبكل ضربه يهمس ب اسمي يطلبني افتح الباب بقيت ساكته وحتى النفس ب الكوا اجره خايفه يسمع صوت انفاسي...!!!!!
_قوت ضرباته عل باب ويصيح ب اسمي ويهدد بيه بلعت ريك وبقيت ساكته مل مني وجزع اختفه صوته و شفت خياله من جوا الباب يختفي
_جريت نفس براحه وشمرت الغطه مني اختنكت منه اتمشيت للباب بهدوء خايفه يطلع بعده موجود
_انتضرت اشوي وفتحت الباب بهدوء بقيت اتلفت يمين ويسار خايفه طلعت من الغرفه اتمشه عل اصابع رجلي
_دخلت للصاله شفت التلفزون وضواه امنور الصاله كعدت عل كرويته ماخذه راحتي خليت رجل عل رجل وبقيت اباوع عل اضافري وانفخ عليهن
_حسيت بضوجه وكعدتي اهنا لااتحل ولاتربط كمت اروح للمطبخ اكل درت وجهي اطلع من الصاله
_كلبي وكف من شفته واكف كدامي امكتف ايدهه وساند نفسه عل باب الصاله
_عضيت عل شفتي السفليه بقوه رجعت بخطواتي للخلف راح ايطيح حضي اكيد ماراح ايفوتها الي
_اتمشه ب اتجاهي بهدوء درت عل باب الصاله الثاني الي يطلع عل ساحه بحركه سريعة مني فتحت الباب وركضت للساحه
_اجيت ادخل للمطبخ من الباب الخارجي فتحت الباب.... صرخت من حسيت نفسي انشلت من الكاع
_بقيت اضرب عل ضهره بقوه اريده يتركني بس ماكو لاحياه لمن تنادي شالني عل ضهره واتمشه بيده بهدوء الغرفته
_بقيت ابجي واتوسله اينزلني بس جان ساكت وملتزم الهدوء اعرف هذه الهدوء ماقبل العاصفه...!!!!!!
_فتح باب الغرفه واتوجه بيه للجربايه شمرني بقوه عل جربايه سمعت ضهري وهوا يتكسر
_اتخصر وخله الجكاره بحلكه بقه صافن بيه واني صافنه بي
_رجعت ورا من شفت كعد عل جربايه وبده يتقد ب اتجاهي
_نزل من الجربايه وجرني من رجلي صرت بقربه شالني من ركبتي بقوه ورفعني ب اتجاهه
_اختنكت والهوا انسحب مني بقيت احرك ب رجلي بقوه اريده يتركني
_غمضت اعيوني امسلمته نفسي بدت اعيوني ادمع من الخنكه اريد احجي ماكدر لازمني من بلاعيمي فتحت اعيوني من شمرني بقوه عل جربايه
أنت تقرأ
ظلمات القيد (القانصه)
Romance_قصه حقيقية _بقلمي انا: غسق ادريس _في تاريخ مّا ليس لدي علم أنهُ متى لكنهُ قريب، في هذا اليوم سوف أكتب: أنني وأخيرًا لمستُ الأماني التي دومًا كانت في مخيلتي لليالٍ طويلة، وعلى لساني دائمًا أدعوك بها في السجود، وكلّ الأوقات.
