.لاتنسن★ دبدوباتي♡
♥
(◍•ᴗ•◍)✧*。
♥
صلو على النبي ويله نبدي ✿
♡♡♡🧸 ♡🧸♡ 🧸♡
....يتبع
كل ماتذكر ذيج الايام احنلة
هوه هم ضل ايحبني اكثر شي
بس حبني كحب ابنيته ماحبني
كنما انه زوجته ،،
&
كمت من افراشي ومسحت ادموعي
الجهال نيام
رحت للمطبخ وانا اتذكر شكو سالفه سولفناه
شكو ضحكه ضحكناه شكو ضوجة ضجتة
وهوه الي فرحني ونسانياها
سويت الي اكلاص حليب وحطيت فوكه
جاي وككو
اخذتلي جركه وكلت
رحت للصاله طشيت كتبي وضليت
اقره بس الذكريات شيميلهن من عقلي
اسرني بسناسل ذيج الايام ، قبل من جان ايقرييني
ويضربني على راسي اذا مانتبه وياه
درجاتي كلهن عاليات لحد ماصرت بصف
الخامس علمي
ضليت اغار اعلي من كل شيء حتا المربية
الي يجيبه اتضل يمي أحسة ضلت تتقربله فكتله ما اريدة وتعاركت وياها
كتله اضل وحدي لاتجيب مربيات الي
ميحتاج صرت جبيره
ما أنسه ذاك اليوم من اجاني فرحان وكالي :-
_ اريد احجي وياج بموضوع
_ شنو ؟
_اكو بنية دكتوره جديده ،،وخلوه تشتغل وياي انا اعلمه كلش حلوة ونازكة ومأدبة جبرتني انعجب بية هيه كردية
_ هاء
_ محتار اشلون اصارحة خاف اكله ،وتفهمني
غلط ، انتِ شتكولين اكله لو اروح اخطبه
من اهله وإذا هيه هم رايدتني اتوافق
_ مائدري
_ هههه كلش انعجبت بهل بنت كون الله يسهله يمعوده عمري راح يصير ٣٥ وانه
بعدني مامتزوج
_ الله كريم
هوه دخل للحمام سبح وانا رحت لغرفتي
بس اريد استوعب الامر وضم ادموعي صاحني
_ تينه اشبيج يمعودة تحضريلي شي اكله
جوعان ومابيه حيل
_ عليه الشهرية تعبانة انتَ سوي
_ يمعوده وين غير ذاك لسبوع اخذتج للدكتورة علمودة شنو رجعتي تمرضتي
منه وضلت تتخربط
_ بين قوسين مالي خلك
_ استغفر الله .. اشبيج يمعوده
بس يله الله لايعوزني الج راح اتزوج
ماكدرت ارد علي وسكتت لغصه خنكتني
وبجيت هوه استغرب سكوتي فتح باب
غرفتي ودخل لكاني كاعده بالباب ودموعي
يجرن على خدي
