..
لاتنسن 🖋️★ دبدوباتي♡
♥
(◍•ᴗ•◍)✧*。
♥
صلو على نبينا ويله نبدي ✿
♡♡♡🧸 ♡🧸♡ 🧸♡
....تابع
رحت اشتري خبز ومن اجيت لكيت
ابني واكع بالكاع ودما بطوله
ارتعبت كلش
رايد يشرب ماي ومالايح لثلاجة
جايب لطبلة وصاعد عليه وزالك
رحت اركض اخذتَ للمستشفى
دخل ولدكتور دخلا وطلعني
انه عبالي حيومت خفت كلش
ضليت بس الطم على راسي
ولا احد يمي وماعرف احد
اتصل سيف عليه جاوبته وانا ابجي
سيف : شكو اشبيج
تينه : رحت اجيب خبز
ومن رجعت لكيت ضياع
واكع ودما بطوله وهسه
بالمستشفى انا
سيف : ضياع وين هسه ؟
تينه : داخل بالغرفة ويمه لدكتور
سيف : استغفر الله غير تنتبهين
ليش ماخذتي وياج غير طفل
اشلون اتخلينه وحده
تينه : ضياع حيروح مني هم
سد لمبايل مني وانه ضليت كاعده
على الكراسي وابجي ولوم بروحي
بعده طلع لدكتور طمني وكال مابي شي
بس يحتاج ادارينه وتنتبهين علي
دخلت شفته نايم ماتقربتله ولابسته
احس بالذنب اتجاها
ضليت منتضره منا لمن كعد واخذ
علاجه ولدكتور كال اطلعو
اخذتة ورجعت للشقة
سويتله شوربة واكل ونيمته
انا ابد مشتهي اكل رحت غسلت
مكانه لواكع بي
ورتبت لبيت وجيت نمت يمه
الصبح حسيت بحد بالشقه خفت
اهواي لمن فتح باب الغرفه علينه
من شفته سيف اطمأنت
اشرلي اجي يمه نزلت من لجرباية
ورحت يمه
ضل ايرزل ويحجي عليه اشلون اخلي
لطفل وحده بالبيت ليش ماكعدته
وخذته وياي
انه ساكته هوه انتبه عليه تعبانة نفسيتي
كلش مابية ارد عليه فسكت
بعده كال طلعت نتائج التحليل
رفعت راسي وباوعتله بس جان
ضايج كال :-
انسجتي ماتطابقه ولا حته اخواني
لدكتور كال اقل احتمال سنه ويتوفه
لغصه ضلت بلعومي أحس فقدت كلشي
كلشي ماضلي بهل دنيا
سيف : كال اذا تولدين طفل احتمال
كلش جبير اطابق الانسجه
