.
لاتنسن 🖋️★ دبدوباتي♡
♥
(◍•ᴗ•◍)✧*。
♥
صلو على نبينا ويله نبدي ✿
♡♡♡🧸 ♡🧸♡ 🧸♡
....تابع
ميلت عنهن ورجعت البيتي وابني يمي
اباوعله وتحسر ومابيدي شي
لقهر اخذ حصته مني
لبلد بحال حرب ودمار
وابني الاول خسرتا ولثاني
يموت كدامي اشوي اشوي
طلبت مبايل من مره يمنه دخلت على
الفيس ضليت ابحث على صفحه سيف
انه ادري بي ميريدني بس شسوي
قابل اخلي ابني يموت كدامي
ضليت ادخل عله اصدقائه ومن واحد
لواحد لكيت صديق قريب اله
راسلته وكتله السلام عليكم
رد عليه كتله محتاجه سيف عندك رقمه
رد وكال :- سيف مع الحشد الشعبي
بالوحده الطبية يعالج لجنود المصابين
كت له اريد اتوصله انطاني رقمه شكرته
رحت اشتريت رصيد وانه حيلي
كله انهد لان افكر بل الاهانه الي
راح ايوجه الي
ويجوز ايكلي هذا مو ابني
بس خليني احاول علمود ماتندم بعدين
علقليله بلك يقبل احد من اطفاله يتبرع
لبني او هوه بلك النسيج يطابق لان ابو
دزيت رساله وكتبت بيه
"
السلام عليكم سيف
انه تينه ادري راح تستغرب مراسلتي
بس ذبني لوكت ونطريت ارجعلك
من صارت علاقه بينه ذيج ليله انه
صرت حامل خابرت زوجتك وكالتلي
حتلو كلتيله مراح يستقبلج كزوجة
إله وإذا حن على اطفاله ياخذهم منج
وينطينياهم انا اربيهم وانه مالي
خلكهم ،، ولدتهم واحد توفه ولثاني
عاش بس مريض ،،ومحتاج متبرع
يطابق انسجته ؛ انه انسجتي ماطابقت
اسجته اتمنى احد من اطفالك او انتَ
تتبرعوله لان هوه لشي لوحيد لمخليني
اعيش بهل دنيا ،، ادري طلبي صعب
ويجوز حيخلق مشاكل بسرتك بس انه انجبرت الجئلك .... "
دزيتله هل رساله وانه كلشي بيه يرجف
من الاهانة الي راح استلمة من وراه لاني
ابد ما ناسيه اهانة الي اول مره هسه حيفكر باني اريد اتقربله
مجبوره اسوي هيج ابني جاي ايموت
كدامي
وماكو متبرع يتبرعلي ايطابق أنسجة
ومحتاره بفلوس علاجه
شغلي باليوم خمس الاف لو اربع الاف
احتار وين اوديهن وششتري بيهن
لدكتور كال لو اتخلفين ولد اطابق انسجته
اكثر ،، كتله انا مطلقة ،، كال شوفي اخوانه
او ابو بلك اطابق
انه بعدني على ذمت سيف مامطلكني
بس ادري بي ميريدني وميتقبلني
كاعده بالبيت الي اجرته والحراره
تحرك حرك
