The Mafia Boss Instant Wife

25- BANNER

Aurelia woke up with a big smile on her face. Feeling niya talaga ay mas naging close na sila lalo ni Draze.

Pagkatapos niya maligo at mag-ayos ay bumaba na siya para kumain ng breakfast. Pinigilan niya lalo na mapangiti nang makita si Draze na nakaayos na rin.

"How's your sleep?" tanong nito sa kaniya. Nakagat niya ang ibabang labi dahil ito ang unang kumausap sa kaniya.

"O-okay naman... masarap naman ang tulog ko," ani niya at nautal pa. Sobrang bilis ng tibok ng puso niya ngayon, parang ang hyper hyper niya.

"Good. Akala ko napuyat kita eh."

Nag-init ang pisngi niya dahil sa sinabi nito. Kumain lang naman sila ng cake kagabi at nagkwentuhan hanggang ala una ng umaga pero bakit iba ang dating sa kaniya ng sinabi nito.

Umupo sila sa dining table at sabay nag-agahan. Ihahatid siya ni Draze kaya mas masaya ang gising niya. Ayaw niya talaga itong maghatid sa kaniya dahil iniiwasan niyang makita ito ng mga schoolmates niya.

One hundred percent sure siya na pagkakaguluhan ito at higit sa lahat baka ma-hot seat siya ng mga kaklase niya kung sino ito.

Si Zyldian pa lang nakakaalam na asawa niya si Draze.

Pagkatapos nila mag-breakfast ay nag-toothbrush na siya at dinouble check ang gamit niya. Dumeretso na siya sa sasakyan ni Draze nang makita na itong naroroon sa loob.

"Hanggang 3pm 'yong class mo 'di ba?" Draze asked while maneuvering the car.

"Oo," sagot niya kaagad. Inayos niya ang seatbelt niya. Wala namang traffic masiyado kaya sigurado siyang maaga sila makakarating sa school.

"Susunduin kita mamaya kaya ako ang i-text mo pag tapos ng klase mo."

"Yes sir!" she smiled and salute. Napatitig siya nang ngumiti ito. Hindi pa rin siya sanay na makita itong nakangiti, iba talaga ang dating ng binata sa kaniya.

Bakit parang mas guma-gwapo siya?

Umayos siya ng upo at binaling na lang ang tingin sa kalsada. Hindi niya na kasi mapigilang hindi mapangiti lalo.

Tama nga ang hula niya, maaga sila nakaratin sa school. May 30 minutes pa bago mag-umpisa ang klase.

"T-teka ipapasok mo sa loob ng school?" tanong niya rito nang lumiko ang sasakyan.

"Yes."

"Pero baka makita ka nila?"

"Don't hide me, Aurelia. I'm hurt."

Natigilan siya sa narinig at napalingon dito.

"H-huh?"

"My enemies, employees and business partners already know you as my wife, so don't be bothered if your schoolmates saw me and found out that I'm your husband," mahabang sambit nito habang naka-focus pa rin sa daan.

Pinagtitinginan sila ng mga estudyante sa daan marahil sa napakagandang kotse ni Draze.

Sunod sunod siyang napalunok nang tumigil sila sa isang tabi. Maraming nakatingin na estudyante sa kanila, mukhang napaaga rin ang mga ito sa pagpasok.

Hindi niya alam kung paano siya lalabas sa sasakyan. Nagpa-panic na ang kaluluwa niya sa totoo lang.

"Let's go. Ihahatid kita hanggang sa classroom mo."