قالت له وهي تواسيه عندما فقد رباطة جأشه وكثر بكائه: عارف،انا فعلا على الرغم من معارفي الكتير وعلاقاتي الواسعة مشوفتش حد في ذكاءك، وانك بجد اكتر واحد مناسب للمنصب ده، متزعلش خيرها في غيرها يا حبيبي .
رفع ناظريه تجاهها وقال: ده كله وقت بيضيع مني لازم الاقي شغل كويس، انا عملت كل حاجة ومع ذلك محدش راضي يوافق عليا، او حتى يقول هو ليه رافض، مشكلتي يعني علشان انا طالب وفيها اي لما يكون عندي طموح .
فجأة وهو يُحادثها يلمح قطرات دمع تتكون في عينيها، لم يصعب عليه ان يلاحظ دموعها فعلى الرغم من قلة الضوء حوله، ففي كل جفن من جفونها يوجد لؤلؤةٌ يسطع بريقها ليملأ فراغ جوفه نورا ودفئ .
فابتسم وقال: أيعقل يا صاحبة البريق، ان يُرسم للحزن على خديك طريق.
يا هالة ( فنظرت له ظنت أنه يناديها) اكمل وقال : يا هالة من الضوء أحيت داخلي، لا تُريني دمعك فحزنك قاتلي .
وانحنى تجاهها ومسح بيديه عينيها وقال: هالة؛ انا مش عايزك تمشي وجودك مطمني انا بحارب علشانك والله وده اللي مزعلني حاليا خايف معرفش اوصلك في الوقت المناسب .
بصوت رقيق يتخلله اهتزازة حزن
قالت: وإن طالت الأيام فلن أفارقك، فقلبي لك ولن يميل لغيرك .
نظرا لبعضهما نظرة طويلة مع إبتسامة تنبئ بنهاية حزن اليوم، ومن ثم أشار لها لتنظر إلى القمر وبجواره نجم ساطع .
فسألته: إية المنظر الغريب ده، النجمة دي أول مرة أشوفها، دي طيارة مش كدة يا عدي ؟
فنظر لها في صمت ومن ثم ضحك بصوت عالٍ وأجابها : أيوة طيارة يا قلب عدي .
فنظرت له بغطرسة ( مصطنعة ) وقالت: انت بتتريق عليا مش كدة، اخلص وقول اي ده .فرد عليها وهو مبتسما: ده كوكب الزهرة تاني ألمع جسم بعدك في السماء .
نظرت إليه نظرة كلها إعجاب وقالت: قصدك يعني إني قمر .
فقال لها : لا مش قصدي إنك قمر أقصد إنك بدر .
تنهدت وقالت: لازم تعترض على اي حاجة وخلاص، بس عجبتني وحبتها .
قال: وانا كمان حبتها .
ردت عليه بغضب: دي مين دي ان شاء الله .
قال لها وهو يضحك: الهالة اللي منورة حياتي يا هالة .
فقالت له بثقة : أحسب، كنت قتلتك وقتلتها وشربت من دمكم .
فضحك ضحكة خفيفة وقال: يا سلام على الحب .
فضحكت وقالت: حبك برص .
قال: اي ده يعني انتي كدة برص علشان بتحبيني .
عم الصمت ثوانٍ ثم نظرت اليه وقالت: لا اكيد مش انا، بص بقولك اي متكلمنيش اسكت خالص علشان انت مستفز اوووي .
فرد عليها ضاحكا: من عنيا ي نور عنيا .
فسألته متعجبة: بس ازاي يعني ده كوكب الزهرة مش الكواكب معتمة اصلا ازاي بتنور ؟
وكان هذا السؤال كصوت بوق بداية نقاش طويل، سينتهي نهاية سعيدة مليئة بالذكريات، ذكريات دافئة وصادقة .
****************************************************
أرخى عدي رقبته على الأريكة وأخذ يبحث بواسطة الحاسوب عن عمل حتى وإن كان بدوام جزئ، يعطيه الأمل ليكمل المسير، ولكن وهو يبحث جاء أمامه إعلان لإحدى القنوات العلمية على يوتيوب، يوتيوب ذلك الشيطان الذي يدعي أنه من صُنعِنا ونحن نتحكم به، ولكن هيهات هيهات أن نكون نحن المتحكمين، كان الفيديو يحكي قصة عن عزازيل، عزازيل الجني الجميل الخالد المتعبد الذي فاقت عبادته لله عبادة الملائكة، قص الفيديو قصته منذ أن قضت الملائكة على سائر جنسه ومن ثم علموه حتى أصبح هو أنقى بني جنسه ومن ثم أصبح أبشع مخلوق خُلِق منذ بدء الخليقة، أصبح إبليس .
أنت تقرأ
أرجوك لا تنطفئ
Mystery / Thrillerحين يختفى الضوء بداخلك؛ سيجردك الظلام كل أحلامك، وعندما ينطفئ مصباح غرفتك؛ تيقن أنك لست بمفردك، فهل من تسبب في ظلمة غرفتك هو من ازال الضوء من داخلك؟ ..... أرجوك لا تنطفئ فالظلام دائما بارد ومخيف !!!!! قد تكون القصة حقيقية للبعض وللبعض الاخر لا ولكني...
