#الدب
بقلم يحيى إدريس
البارت 10
بعد ما تبخر ابنخيي مجد وننقانه ماعندي جهد نلحقه خذيت عبد مهيمن وجهاد ومشينا نسرقو عنب من جيران لبخال ميبوش يدزو ولا يعطو ناخذو بروحنا بلا جميلتهم
قصي . هيا عبدو ارقى شبكتله يدي وشعبط عبدو
وبعدها جهاد
قصي . اسرقو عنب عرم تمام
جهاد . عزقله عنقود
لقطه قصي كان العنب اصفر وطعمته زهر كملته ف مره وحده
جهاد . يابو خال ف بنات طروف
قصي . والله كذا نشوف حاولت نرقى مقدرتش
شفت حوش اللي صدارنا صاحبه ديما يحط كرسي
برا يكسد قدام حوش خذيت كرسي لانه مافي حد
وقعدت نتباوع
جهد . وازي يابو خال انت وحده ونا وحده
قصي . الاربعه لي
جهاد . متبقاش طماع ياخال
وعياط صبايا يبدن ينهبن ينعلي راجل راجل
قصي نزلت نجري وكرسي يتكسر ونسيب ابنخييني فوق ونجري ويطلع وراي خو البنات اللي كنا نتباوعو فيهم وفجأة لقيت حذاي ابنخييني يجارو
جهاد . عيب يابو خال تبيعنا
عبد المهيمن . صدمتني فيك
قصي . الله غالب روح غاليه
ونبدو نخبطو ع جيران نبو نطمرو عند واحد منهم
وعبدو يحسابها لعبة يخبط ع بيبان ويجري
واللي يفتح نجري حتى نا اصلا شن بنقول كنا نتباوعو ف ناس وطلع صاحب حوش يجري ورانا وصلنا نهاية
الحي
جهاد حاط يديه ع ركبه الدنيا امان يابرو وشافلي بتضيقة عيون وهو داهش وين العنب ياخال
قصي . زمطت ريقي جعت كليته
جهاد . تي كيف صار جو عويل
قصي . بعدين نجيبلك ياامسخ من محل
جهاد . لا نبي توا دبرلي
قصي . خفت من نظرات بنخيي لانه كان يهدد ب اصبعه وعيونه لا تبشر بالخير ابدا تمام توا نجيبلك حبيب خالو
جهاد . لا حبيب خالو لا شي حل يرا
قصي . ابنخيين اخر زمان
روحنا للحوش خشينا تسلس لكوجينة لقينا باكو عصير نظرت ل ابنخييني نظرة شريرة وهما تبادلو نظرات اخذنا العصير والحلويات وموالح وطلعنا لحاجر ونسينا كبابي
قصي . عدي باجهاد جيب كبابي
جهاد . لا فكني عدي انت
قصي . نا دب ومش قادر نتحرك
جهاد . شدخلني
قصي . كنك مكار
جهاد . هك
قصي . تمام بكل بكل تو تشوف معامله معش في دهوير
جهاد . ع اساس دهور انت تشحور فينا ديما
قصي . نكار المعروف نسيت مغامره اللي عشناها ف شارع بدري شوي وتكحيل وضربت معاك دلاله
جهاد دار حركه بيده بمعنى ملح يرا وكملو موالح وحلويات والعصير شربو كل واحد بفمه من الباكو
طلعت بنتنا الكبيرة شهقت كملتو الموالح
فتحية شن في
البنت الكبيرة ريتي ياامي كملو حاجات مزلت ما كليت
فتحية اكيد قصي ولعيال
قصي . ديما مظلوم نا يامظلوم معاك الله
البنت كبيرة عطكم سم باهي
فتحية . بعيد سو
قصي . فوتي ياامي ربي ع ظالم
فتحية . الله غالب ياوليدي اكيد من عيالكن كملوهن
قصي . اكيد اكيد وطلعت امي تهزب ف مجد ولعيال كان يلعبو ف كورة
ضحكت ضحكة خبيثه وفتحت نت لقيت روميساء
روميساء . هلا
قصي . اهلا
روميساء . قتلك
قصي . همم
روميساء . تبي تكسب ذهب
قصي . كيف
روميساء . عندي لك شغل
قصي . فكيني من شغل ماعنديش جهد نا نشتغل شهر ونسيب نتعب منتحملش
روميساء . شغل يجيبلك ملايين وانت قاعد ف مكانك
قصي . كيف
روميساء . اسمع عندك تيك توك
قصي. بتاع تيمار وروان وفضل عوامي
روميساء . اي هو
قصي . عندي اها
روميساء . نفتحو لايڤات بس قبلها نتفقو ع كلام نقولوه
قصي . كيف انتي تنزلي ف بثوث
روميساء . عادي شن فيها بحجابي واحترامي لا عيب ولا حرام
قصي . ساكت ويفكر
روميساء . نقولك نكسبو وانت ف مكانك
قصي . مستحيل لا نرقص ولا نغني منحبش العار هذ عندي اقارب وناس نتحشم
روميساء . متخافش نحكو عادي بس كلامنا ندرسوه قبل ونلعبو احكام
قصي . نفكر
روميساء . لو تحبني وافق
قصي . تمام
روميساء . هي افتح لايف
قصي . توا
روميساء . اي توا
قصي
للحديث بقية
